وتكەن سەنبى كۇنى كاسىپقوي بوكستا باق سىناپ جۇرگەن دانيار ەلەۋسىنوۆ پەن ايدوس ەربوسىن ۇلى كەزەكتى رەيتينگتىك جەكپە-جەكتەرىن وتكىزىپ, قارسىلاستارىن ايقىن باسىمدىقپەن جەڭدى.
جارتىلاي ورتا سالماقتا جۇدىرىقتاساتىن دانيار ەلەۋسىنوۆ اقش-تىڭ اريزونا شتاتىنداعى فينيكس قالاسىندا وتكەن كاسىپقوي بوكس كەشىندە شارشى الاڭعا كوتەرىلىپ, امەريكالىق بوكسشى الان سانچەستەن تەحنيكالىق نوكاۋتپەن باسىم ءتۇستى. 10 راۋندقا جوسپارلانعان كەزدەسۋدىڭ ءتورتىنشى راۋندىندا سانچەس سول كوزىنەن جاراقات العان سوڭ, دارىگەرلەر وعان جەكپە-جەكتى جالعاستىرۋعا رۇقسات بەرمەدى. وسىلايشا وتانداسىمىز كاسىپقوي بوكستاعى توعىزىنشى جەڭىسىنە قول جەتكىزدى.
ال رەسەيدىڭ كراسنويارسك قالاسىندا جەكپە-جەك وتكىزگەن ەكىنشى ورتا سالماقتاعى قانداسىمىز ايدوس ەربوسىن ۇلى ۆەنەسۋەلالىق ومار گارسيامەن جۇدىرىقتاسىپ, سەگىزىنشى راۋندتا تەحنيكالىق نوكاۋتپەن جەڭىسكە جەتتى. بۇل وتانداسىمىزدىڭ كاسىپقوي بوستاعى 13-ءشى جەڭىسى. سونداي-اق ايدوستىڭ ەنشىسىندە WBO Global, WBC Asia جانە WBA Inter-سontinental بەلدىگى بار.