ەكولوگيا, گەولوگيا جانە تابيعي رەسۋرستار مينيسترلىگىنىڭ جاڭا جىل مەرەكەسىندە تابيعي شىرشالاردان باس تارتۋ جونىندەگى باستاماسىنقولداۋ ماقساتىندا حالىقارالىق «جاسىل» تەحنولوگيالار ورتالىعىندا ەكولوگيا ۆيتسە-ءمينيسترى احمەتجان پىرىمقۇلوۆ, حجتو جانە وكم وپەراتورى كومپانياسى باسشىسىنىڭ قاتىسۋىمەن «ەكو-شىرشا» چەللەندجى باستاۋ الدى.
شارا اياسىندا پلاستيكالىق بوتەلكەلەردەن شىرشا دايىندالدى. جاساندى شىرشانى جاساۋ كەزىندە 250-گە تارتا پلاستيكالىق ىدىس قولدانىلدى. ەكو-شىرشانىڭ بيىكتىگى 2 مەتردەن اسادى. وسىلايشا ەكو-شىرشا اۆتورى قورشاعان ورتانى قورعاۋ ماقساتىندا تابيعي شىرشادان باس تارتىپ, جاساندى شىرشالاردى پايدالانۋدى داستۇرگە اينالدىرۋدى كوزدەپ وتىر. ايتا كەتۋ كەرەك, شىرشاعا تاعىلعان ويىنشىقتار بالالار قولىنان جاسالعان تۋىندىلارمەن بەزەندىرىلدى.
ءبىز ءۇشىن بالالاردىڭ مەكتەپ قابىرعاسىنان باستاپ ەكولوگيانىڭ نە ەكەنىن جانە ەلىمىزدىڭ تابيعاتى ءۇشىن الاڭدايتىندىعى اسا ماڭىزدى. وسىدان باستاپ بالالاردىڭ ءوزى-اق اتا-انالاردى ەكو-باستامالارعا شاقىراتىن بولادى. مينيسترلىكتىڭ بۇل باستاماسىن وكم وپەراتورى مەن مەكتەپ وقۋشىلار قولداپ, پلاستيكتەن شىرشا جانە وعان ويىنشىقتار دايىنداعانى كوڭىل قۋانتادى, – دەدى ەكولوگيا, گەولوگيا جانە تابيعي رەسۋرستار ۆيتسە-ءمينيسترى احمەتجان پىرىمقۇلوۆ.
مينيسترلىكتىڭ ەكولوگيالىق يگى باستاماسىناقتوبە وبلىسىنداعى قالدىق شىعاراتىن «نەو-پليۋس» كومپانياسى ودان ءارى قولداۋعا دايىن ەكەندىگىن ءبىلدىردى. كاسىپورىن قازىر 3 مەترلىك پلاستيك شىرشانىڭ قاڭقاسىن ازىرلەپ جاتىر. ودان ءارى ەستافەتا قاراعاندى, كوكشەتاۋ, شىمكەنت, وسكەمەن جانە الماتى قالالارىنداعى مامانداندىرىلعان كاسىپورىندارعا جولداناتىن بولادى.
سونىمەن قاتار ەكولوگيالىق تاقىرىپتاعى جاڭا جىلدىق بەزەندىرۋلەر نۇر-سۇلتان قالاسى مەن قاراعاندى وبلىسىنىڭ مەكتەپتەرىندە دە جالعاسىن تابادى.
«ەكو-شىرشا» جاڭا جىلدىق چەللەندجىن ۇيىمداستىرۋشىلاردىڭ باستى ماقساتى – تابيعي شىرشالاردى شابۋدان ساقتاۋ. جانە وسى باستاماعا قازاقستاندىقتاردى شاقىرۋ.
جاڭا جىلدىق مەرەكەدەن كەيىن جاساندى شىرشالار شيكىزات رەتىندە قايتا وڭدەۋگە جىبەرىلەدى.