قىتايدىڭ چانچۋن قالاسىندا فريستايل-اكروباتيكادان الەم كۋبوگىنىڭ العاشقى كەزەڭى وتۋدە. قازاقستان كومانداسىنىڭ كوشباسشىسى جانبوتا الدابەرگەنوۆا الەمدىك سىننان ءتورتىنشى ورىن الدى دەپ حابارلايدى Olympic.kz.
جانبوتا 80.9 ۇپايمەن ءتورتىنشى ورىنعا تابان تىرەدى. التىن جۇلدەنى قىتايلىق حيۋ مەنتاگو (105.5), كۇمىس جۇلدەنى بەلورۋسسيالىق الەكساندرا رومانوۆسكايا (93.4), قولانى اۆستراليالىق لاۋرا پيل (86.7) يەلەندى.
ايتا كەتەيىك, بۇل جانبوتانىڭ ماۋسىمداعى ۇزدىك كورسەتكىشى. ول 2016 جىلى الەم كۋبوگى كەزەڭىندە كۇمىس جۇلدەگەر اتانعان.