وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ مالىمەتىنشە, 2020 جىلى وڭىرلىك بيۋدجەتتىڭ كولەمى, رەسپۋبليكالىق قازىنادان بولىنەتىن ترانسفەرتتەردى ەسەپكە العاندا 222,6 ملرد تەڭگەنى قۇرايدى.
ءوڭىردىڭ باستى قارجىلىق قۇجاتى وبلىستىق ءماسليحاتتىڭ سەسيياسىندا بەكىتىلدى.
ءبىلىم بەرۋ جۇيەسىنە 20 ملرد تەڭگەدەن استام قارجى ءبولۋ جوسپارلانىپ وتىر. دەنساۋلىق ساقتاۋ جۇيەسىنە 2,7 ملرد تەڭگە كولەمىندەگى قارجى قاراستىرىلدى.
كەپىلدەندىرىلگەن تەگىن مەديتسينالىق كومەكتىڭ كولەمى 1,3 ملرد تەڭگەنى قۇرايدى. مەملەكەتتىك كەپىلدەندىرىلگەن تەگىن مەديتسينالىق كومەك شەڭبەرىندەگى دارىلىك زاتتاردىڭ تىزبەسىنە ەنبەيتىن دارىلىك پرەپاراتتاردى ساتىپ الۋعا 400 ميلليونتەڭگەگە جۋىق قارجى جۇمسالادى.
حالىقتى تۇرعىن ۇيلەرمەن قامتاماسىز ەتۋ ءۇشىن 7,5 ملرد تەڭگە ءبولىندى, - 3,5 ملرد تەڭگە «نۇرلى جەر» جانە «نۇرلى ەرتىس» باعدارلامالارى بويىنشا كوممۋنالدىق تۇرعىن ءۇي قورىنىڭ قۇرىلىسىنا بولىنەدى.
تاعى دا 2,5 ملرد تەڭگە «پاۆلودار» الەۋمەتتىك-كاسىپكەرلىك كورپوراتسياسىنىڭ جارعىلىق كاپيتالىن ۇلعايتىپ, «دوستىق» شاعىن اۋدانىندا 216 پاتەرلىك ەكى تۇرعىن ءۇي سالۋعا ءبولىندى.
اقسۋ قالاسىنداعى №2 جاتاقحانانىڭ قۇرىلىسى مەن «دوستىق» شاعىن اۋدانى بويىنشا جوبالاۋ-سمەتالىق قۇجاتتاردى ازىرلەۋدى اياقتاۋ ءۇشىن 668 ملن تەڭگە باعىتتالادى.
كەلەسى جىلى «سارىارقا» جانە «زاتون» شاعىن اۋداندارىندا ەكى مەكتەپ, سونداي-اق, اباي اتىنداعى №10 ليتسەي-مەكتەبىنە قوسىمشا بلوك سالۋ جوسپارلانىپ وتىر.
اقسۋ قالاسى ۇشتەرەك اۋىلىنداعى بالاباقشا مەن پاۆلودار اۋدانى كەمەڭگەر اۋىلىندا باستاۋىش مەكتەپتىڭ عيماراتتارىنا كۇردەلى جوندەۋ جۇرگىزىلىپ, وبلىس ورتالىعىنداعىى №3 مەكتەپ-گيمنازياسىنىڭ سپورت جانە ءماجىلىس زالدارىن سالۋ بويىنشا جوبالاۋ-سمەتالىق قۇجاتتار ازىرلەنەدى.
2020 جىلى دەنە شىنىقتىرۋ جانە سپورت سالاسىن دامىتۋ شەڭبەرىندە مويىلدى كەنتى مەن اقسۋ قالاسىندا دەنە شىنىقتىرۋ-ساۋىقتىرۋ كەشەندەرىن, تەرەڭكول اۋىلىندا حوككەي كورتىنىڭ قۇرىلىسى مەن اقسۋ قالاسىنداعى ساۋىقتىرۋ كەشەنىنىڭ رەكونسترۋكتسياسىنا 563 ميلليون تەڭگە قاراستىرىلدى.
مادەنيەت سالاسىندا اققۋلى اۋدانى يامىشەۆو اۋىلىندا مادەنيەت ءۇيى مەن شارباقتى اۋدانىنداعى ەسىلباي اۋىلىندا اۋىلدىق كلۋب سالۋ ءۇشىن 429 ميلليون تەڭگە ءبولىندى.