الماتى قالاسىنىڭ سىبايلاس جەمقورلىققا قارسى قىزمەتى بۇعان دەيىن سىبايلاس جەمقورلىق قىلمىستارىن جاسادى دەپ كۇدىكتەلگەن اشم «رەسپۋبليكالىق ۆەتەريناريالىق زەرتحانا» شجق رمك باس ديرەكتورىنىڭ مىندەتىن اتقارۋشى م. چ. يتەنوۆكە, ونىڭ ورىنباسارى جانە زەرتحانا مەڭگەرۋشىسى گ.ر. ادىلباەۆاعا, سونداي-اق وسى رمك-نىڭ تاعامدىق قاۋىپسىزدىگىنىڭ مەڭگەرۋشىسى ب. ا. الىنيازوۆاعا قاتىستى سوتقا دەيىنگى تەرگەۋدى اياقتادى.
اعىمداعى جىلدىڭ 3 جەلتوقسانىندا الماتى قالاسى جەتىسۋ اۋدانىنىڭ №2 اۋداندىق سوتىنىڭ ۇكىمىمەن يتەنوۆ پەن ادىلباەۆا ازاماتتى ۆەتەرينارلىق زەرتحاناعا زەرتحاناشى رەتىندە جۇمىسقا ورنالاستىرۋ ءۇشىن 250 مىڭ تەڭگە كولەمىندە پارا العانى, سونداي-اق يتەنوۆ كاسىپكەرلەرگە ءتيىستى قورىتىندىلار بەرۋدە قىزمەتتىك وكىلەتتىگىن تەرىس پايدالانعانى ءۇشىن كىنالى دەپ تانىلىپ, ارقايسىسىنا 10 ملن تەڭگە كولەمىندە ايىپپۇل سالىندى.
اتالعان تۇلعالار ءومىر بويى مەملەكەتتىك قىزمەتتە لاۋازىمدار اتقارۋ قۇقىعىنان ايىرىلدى.
وسى ۇكىممەن الىنيازوۆا دا كىنالى دەپ تانىلدى جانە سەنىمدى اسىرا پايدالانا وتىرىپ, مەملەكەتكە م ۇلىكتىك زالال كەلتىرگەنى ءۇشىن وعان 757 مىڭ تەڭگە كولەمىندە ايىپپۇل سالىندى.