ەكىباستۇزدا «رۋحاني جاڭعىرۋ» كابينەتى اشىلدى

باعزى زاماننان قالعان بابالار تىلى–تاسقا قاشالىپ قالعان تاڭبالارمەن بەزەندىرىلگەن كابينەتتىڭ مازمۇنى ەرەكشە.

بيىلعى جىلى مۋزىكا مەكتەبىنىڭ 3 جوباسى  «رۋحاني جاڭعىرۋ» باعدارلاماسىن جۇزەگە اسىرۋ بويىنشا وبلىستىق تىزىمگە ەنگەن بولاتىن.

-وبلىسىمىزدا العاش رەت فولكلورلىق انسامبلدەرىنىڭ اراسىندا ءى ايماقتىق « ۇلى دالا اۋەنى» بايقاۋى وتكىزىلدى. ۇلتتىق دومبىرا كۇنىنە وراي ءبىر اي بويى دومبىرا ۇيرەنۋگە نيەتتى ءاربىر ادامدى مۋزىكا مەكتەبى تەگىن وقىتتى. مەرەكەلىك كونتسەرت كۇنى ءبىر ۋاقىتتا 300 دومبىراشى كۇي شەرتتى,-دەيدى  مەكتەپ  ديرەكتورى مەدعات ماناپ.  

ال, «دالا فولكلورى مەن مۋزىكاسىنا 1000 جىل» جوباسى اياسىندا فولكلور كابينەتىنىڭ قورىنا سيرەك كەزدەسەتىن فوتو-ۆيدەو ماتەريالدار جيناقتالادى.

كابينەتتە قازاق فولكلورىن جيناۋعا ۇلەس قوسقان ء ماشھۇر جۇسىپتەن باستاپ, ا.زاتاەۆيچ, ق.ساتباەۆ, ا.جۇبانوۆ, ب.سارىباەۆ, ز.قوسپاقوۆ, ق.ءجۇزباسوۆ سياقتى عالىمدار جايلى دەرەكتەر بار. 

ءاربىر عالىم قازاق فولكلورىن جيناۋدا وزىندىك ەڭبەك سىڭىرگەن.

مىسالى, ا.زاتاەۆيچ «قازاق حالقىنىڭ 1000 ءانى», «قازاقتىڭ 500 ءان-كۇيى» كىتاپتارىمەن ۇلتتىق مۇرامىزدى الەمگە تانىتتى.

كابينەتتە اتالعان عالىمداردىڭ ەڭبەكتەرى جيناقتالىپ, كەلۋشى  قاۋىمعا ۇسىنىلعان. وقۋشىلار ولاردىڭ ومىربايانىمەن عانا ەمەس ەڭبەكتەرىمەن دە تانىسادى.

تورگى قابىرعاعا ىلىنگەن سىرعا تولى كارتينا كابينەتكە ەرەكشە كورىك بەرەدى. 3000 جىلدىق تاريحى بار تۇركيانىڭ انادولى ەلدى مەكەنىنەن تابىلعان قويتاستا ادام, دومبىرا جانە سول اسپاپتىڭ كيەسىندە قۇس بەينەلەنگەن.

ءال-ءفارابيدىڭ 1150 جىلدىعى مەن ابايدىڭ  175 جىلدىق مەرەيتويلارى قارساڭىندا «رۋحاني جاڭعىرۋ» كابينەتىندە ءال-فارابي مەن ابايدىڭ تاعىلىمى جونىندە اقپارات ۇسىنىلدى.

ۇلىلار ۇندەستىگىن عىلىمي تۇرعىدا زەرتتەگەن اقجان ماشانيدىڭ ەڭبەكتەرىن الا وتىرىپ ءال-فارابيدىڭ دۇنيە تانىمى مەن اباي الەمىنىڭ ۇيلەسىمى كورسەتىلدى.

-سونىمەن قاتار ء«ال-فارابيدىڭ ماقامى» نەگىزىندە مۋزىكانىڭ قۇدىرەتى, ونىڭ ۇلىلىعى مەن تابيعاتپەن بايلانىسى زەرتتەلدى. اقجان ماشانيدىڭ ء«ال-ءفارابيدى ويشىل دەيمىز, بىراق ول مۋزىكانت. ابايدى اقىن دەيمىز, بىراق ول ويشىل» دەگەن سوزىنە سۇيەنە وتىرىپ بابانىڭ مۋزىكا الەمىندە الاتىن ورنىن ايشىقتادىق,-دەيدى مەكتەپ ديرەكتورى مەدعات ماناپ.

ەكىباستۇز