قورعانىس مينيسترلىگىندە قورعانىس ۆەدومستۆوسى باسشىلىعىنىڭ قاتىسۋىمەن اسكەري تۋمەن قوشتاسۋ سالتاناتتى ءراسىمى ءوتتى. قازاقستان قارۋلى كۇشتەرىنىڭ بىرقاتار وفيتسەرىن زاپاسقا شىعارىپ سالدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
جاۋىنگەرلىك تۋمەن قوشتاسۋ - ءاربىر اسكەري قىزمەتشى ءۇشىن ەرەكشە ءراسىم. وفيتسەرلەر كەزەكپەن ارميانىڭ ابىرويىن, جاۋىنگەرلىك داستۇرلەرىن بەينەلەيتىن جاۋىنگەرلىك تۋدىڭ الدىندا باس ءيدى.
قۇرمەتتى قاراۋىل روتاسى مەن تۋ ۇستاۋشى توبىنىڭ قاتىسۋىمەن گەنەرال-لەيتەنانت مۇرات مايكەەۆتى, گەنەرال-مايور ۆاسيلي رىسباەۆتى, پولكوۆنيكتەر راۋشانبەك ابىلداەۆ جانە بولات قاراكۋچۋكوۆتى زاپاسقا شىعارۋ تۋرالى بۇيرىق وقىلدى.
سالتاناتتى ءىس-شارا بارىسىندا وفيتسەرلەردىڭ اسكەري جولى, ولاردىڭ باسشى مەن كوماندير رەتىندە قالىپتاسۋى, سونداي-اق ەلىمىزدىڭ قارۋلى كۇشتەرىندەگى جەتىستىكتەرى تۋرالى دەرەكتى فيلم كورسەتىلدى. گەنەرال-لەيتەنانت مۇرات مايكەەۆ الماتى جوعارى جالپى اسكەري كوماندالىق ۋچيليششەسىن, فرۋنزە اتىنداعى اسكەري اكادەميانى بىتىرگەن.
اسكەري قىزمەتىن گەرمانياداعى كەڭەس اسكەرلەرى توبىنىڭ اسكەر قۇرامىندا باستادى, بايكال اسكەري وكرۋگىندە قىزمەت ەتتى, 68-ءشى موتواتقىشتار ديۆيزياسى كومانديرىنىڭ ورىنباسارى بولدى, قۇرلىق اسكەرلەرىنىڭ موتواتقىشتار ديۆيزياسىن, اەروۇتقىر اسكەرلەرىن, قازاقستان قۇرلىق اسكەرلەرىن باسقاردى.
2016 جىلدان باستاپ مايكەەۆ قورعانىس ءمينيسترىنىڭ ءبىرىنشى ورىنباسارى - قر قك باس شتابىنىڭ باستىعى قىزمەتىن اتقاردى. گەنەرال-مايور ۆاسيلي رىسباەۆ الماتى جوعارى جالپى اسكەري كوماندالىق ۋچيليششەسىن جانە فرۋنزە اتىنداعى اسكەري اكادەميانى بىتىرگەن. ول ماسكەۋ جانە قيىر شىعىس اسكەري وكرۋگتەرىندە قىزمەت اتقاردى. تاۋەلسىز قازاقستان قارۋلى كۇشتەرىنىڭ قۇرىلۋى كەزىندە وفيتسەر وتاردا, شىمكەنتتە, الماتىدا, ءۇشارالدا, اياگوز قالاسىندا شتاب باستىعى جانە اسكەري بولىمدەردىڭ كومانديرى بولىپ قىزمەت ەتتى.
اەروۇتقىر اسكەرلەرى قولباسشىسىنىڭ ورىنباسارى, «استانا» جانە «شىعىس» وڭىرلىك قولباسشىلىقتارىنىڭ قولباسشىسى, قۇرلىق اسكەرلەرى باس قولباسشىسىنىڭ ورىنباسارى قىزمەتى جۇمىستارىن اتقاردى. پولكوۆنيك راۋشانبەك ابىلداەۆ سۋۆوروۆ اسكەري ۋچيليششەسىن, الماتى جوعارى جالپى اسكەري كوماندالىق ۋچيليششەسىن جانە قر قارۋلى كۇشتەرىنىڭ اكادەمياسىن بىتىرگەن. گەرمانياداعى كەڭەس اسكەرلەرى توبىنىڭ قۇرامىندا, فرۋنزە اتىنداعى كيەۆ جوعارى جالپى اسكەري كوماندالىق ۋچيليششەسىندە قىزمەت ەتتى.
باۋىرجان مومىش ۇلى اتىنداعى رەسپۋبليكالىق اسكەري مەكتەبىندە جانە قر قم كادرلار دەپارتامەنتىندە كادرلىق ماسەلەلەرمەن اينالىستى. سونىمەن قاتار ول اسكەري پوليتسيا ورگاندارى مەن اۋماقتىق قورعانىس اسكەرلەرىنىڭ قۇرىلۋى, ءبىلىم بەرۋ ماسەلەلەرىمەن اينالىستى.
2017 جىلدان باستاپ قر قم اكىمشىلىك دەپارتامەنتىن باسقاردى. پولكوۆنيك بولات قاراكۋچۋكوۆ قازاقستان قارۋلى كۇشتەرىندە اسكەري پوليتسيا بولىمشەلەرىندە, انىقتاۋ ءبولىمىنىڭ اعا انىقتاۋشى-ينسپەكتوردان جانە جەدەل-ىزدەستىرۋ جۇمىستارى بولىمشەسىنىڭ ينسپەكتورى لاۋازىمدارىنان باستاپ, قر قك اسكەري پوليتسيا باس باسقارماسى باستىعىنىڭ ورىنباسارىنا دەيىن قىزمەت اتقاردى. 2016 جىلدان باستاپ وفيتسەر قر قم زاڭ دەپارتامەنتىن باسقاردى.