ايتۋلى شارا شاھارداعى حالىققا قىزمەت كورسەتۋ ورتالىقتارىنىڭ بىرىندە ءوتتى. «دەنساۋلىق اكتسياسى» اياسىندا ۇيىمداستىرىلعان شاراعا 100-دەن استام قالا تۇرعىنى كەلىپ, ء تىس دارىگەرى, حيرۋرگ پەن كوز دارىگەرى سىندى بىلىكتى مامانداردىڭ كەڭەسىن الدى.
مامانداردىڭ سوزىنشە بۇدان بىلاي كوشپەلى مەديتسينالىق تەكسەرىس الداعى ۋاقىتتا ءۇش اي سايىن ۇيىمداستىرىلىپ تۇرماق. ولار وسى ۋاقىتقا دەيىن 8 اكتسيا وتكىزگەن. وندا 900-دەن استام تۇرعىن تەگىن قارالىپتى.
«حقكو-عا كەلىپ ەدىم. تەگىن تەكسەرۋدەن ءوتتىم. №36 ەمحانا ۇجىمى بارلىق جاعىنان قاراپ جاتىر ەكەن. قان قىسىمىمىزدى ولشەتىپ, رەنتگەننەن وتتىك, كوزىمىزدى تەكسەردى, قان تالداۋىن تاپسىردىق. بۇل يگى باستاما ەكەن», دەيدى ەمحاناعا كەلگەن ايسارا قوجابەكوۆا.
«كوپ ازاماتتار ءوزىنىڭ قان قىسىمىنىڭ جوعارى ەكەنىن بىلمەيدى. ونىڭ ىشىندە ارتەريالدىق گيپەرتەنزيا ەكەنىن بىلمەيتىن ناۋقاستار دا بار. ولارعا ءوز ۇسىنىستارىمىزدى ايتتىق. سونىمەن قاتار وزدەرىنىڭ ەمحاناسىنا بارىپ ەسەپكە تۇرۋعا, دارىلەرىن ۋاقىتىندا قابىلداپ, ءتيىستى ەمشارا قولدانۋىنا نۇسقاۋ بەردىك», دەيدى الماتى قالاسى ناۋرىزباي اۋدانى №36 ەمحاناسىنىڭ وتباسىلىق دارىگەرى رۋسلان ابدىقاسىموۆ.