توتەنشە جاعداي دەپارتامەنتى تاراتقان اقپاراتقا سايكەس, الماتى قالاسىنىڭ رىسقۇلوۆ داڭعىلىندا ورنالاسقان «Petrol Asia» جانار-جاعارماي بەكەتىنىڭ الدىمەن كاسسا زالى ورتكە ورانىپ, قىزىل جالىن قاسىنداعى تەحنيكالىق قىزمەت كورسەتۋ ورتالىعىن شارپىعان.
ورتەنگەن اۋماق 150 شارشى مەتردى قۇراعان. ال جالىندى اۋىزدىقتاۋعا وقىس وقيعا ورنىنا جەتكەن دەپارتامەنتتىڭ 43 قىزمەتكەرى جۇمىلدىرىلعان. ازىرگە زارداپ شەككەندەر تۋرالى مالىمەت جوق.