الماتىدا اكىمدىك تاراپىنان مەديتسينالىق مەكەمەلەرگە اۋديت جۇرگىزۋ بارىسىندا قولدانىستاعى 30 مىڭ مەديتسينالىق جابدىقتىڭ 10 مىڭعا جۋىعى مورالدىق جانە فيزيكالىق تۇرعىدا ەسكىرگەنى انىقتالعان.
وسىعان بايلانىستى ءاربىر ەمحانا مەن اۋدان بويىنشا بەلگىلەنگەن قۇرالداردى جاڭارتۋدىڭ ءۇش جىلدىق جوسپارى دايىندالدى. قاجەتتى شىعىنداردىڭ جالپى سوماسى – شامامەن 60 ملرد تەڭگەنى قۇراعان.
قالا اكىمىنىڭ ءباسپاسوز قىزمەتى حابارلاعانداي, «قادامدىق قولجەتىمدىلىك» قاعيداتىن نەگىزگە الا وتىرىپ, دارىگەرلىك امبۋلاتوريالارعا دەگەن قاجەتتىلىكتى قاناعاتتاندىرۋدىڭ ءۇش جىلدىق جوسپارى ازىرلەندى. قالادا بارلىعى 35 امبۋلاتوريا اشىلاتىن بولادى. ءبىر اۋىسىمدا 100 كەلۋشىگە قىزمەت كورسەتەتىن 7 امبۋلاتوريا ىسكە قوسىلىپ ۇلگەرگەن. جىل سوڭىنا دەيىن ولاردىڭ تاعى ۇشەۋى قولدانۋعا بەرىلەدى.
الماتى