الماتىدا «باقىتتى وتباسى» الەۋمەتتىك ورتالىقتارى ىسكە قوسىلعالى بەرى جوباعا 5 مىڭنان استام از قامتىلعان جانە كوپبالالى انالار تىركەلىپ, 1200 گە جۋىق قىسقا مەرزىمدى كۋرستارعا قاتىسقان.
سونىمەن قاتار 1500 ادام اتالعان ورتالىقتان پسيحولوگيالىق كومەك العان بولسا, 1600 ازاماتقا قۇقىقتىق قولداۋ كورسەتىلىپتى. ءۇش مىڭنان استام وتباسى ازىق-ت ۇلىكپەن جانە كيىممەن قامتاماسىز ەتىلىپ, بىررەتتىك جاردەمگە يە بولعان.
«الماتى قالاسىنىڭ اكىمى باقىتجان ساعىنتاەۆ انالارعا ارنالعان الەۋمەتتىك ورتالىقتاردى قالاداعى 8 اۋداندا اشۋدى تاپسىرعان بولاتىن. مۇندا كوپبالالى انالار وزدەرىن الاڭداتقان ماسەلەلەر بويىنشا كەلەدى. ورتالىققا اسىرەسە اتاۋلى الەۋمەتتىك جاردەماقى الۋ ىسىمەن تۇرعىندار كوپتەپ جۇگىنىپ جاتادى. ولارعا جان-جاقتى قولداۋ جاسالىپ, كومەك كورسەتىلۋدە. 2017-2021 جىلدارعا ارنالعان «ەڭبەك» مەملەكەتتىك باعدارلاماسى ارقىلى كوپبالالى انالاردى جۇمىسپەن قامتۋ ءىسى دە قاراستىرىلعان», – دەيدى الماتى قالاسى اۋەزوۆ اۋدانى «Baqytty Otbasy» ورتالىعىنىڭ باسشىسى اقنۇر جۇماباەۆا.
ايتا كەتسەك, «باقىتتى وتباسى» ورتالىعى – از قامتىلعان كوپ بالالى جانە تۇرمىسى تومەن وتباسىلاردىڭ ءومىر ءسۇرۋ ساپاسىن جاقسارتۋعا باعىتتالعان.
الماتى