قازاقستاندىق بوكسشى ءالي احمەدوۆ امەريكالىق ەندريۋ ەرناندەستى نوكاۋتقا ءتۇسىرىپ, ەكىنشى ورتا سالماقتاعى WBC International Silver تيتۋلىن قورعاپ قالدى دەپ حابارلايدى Vesti.kz.
ولاردىڭ جەكپە-جەگى نيۋ-يوركتەگى Madison Square Garden ارەناسىنداعى بوكس كەشىنىڭ اندەركارتاسىنداعى بەسىنشى كەزدەسۋ بولدى.
احمەدوۆ پەن ەرناندەس جەكپە-جەگى 12 راۋندقا ەسەپتەلگەن, بىراق ءبىرىنشى راۋندتىڭ 44-سەكۋندىندا اياقتالدى. بۇل كەزدەسۋگە قازاقستاندىق بوكسشى "نيۋ-يورك رەيندجەرس" حوككەي كلۋبىنىڭ كيىمىمەن شىقتى. شوۋدىڭ باستى وقيعاسىندا قازاقستاندىق گەننادي گولوۆكين مەن ۋكراينالىق سەرگەي دەرەۆيانچەنكو IBF جانە IBO ۆەرسياسى بويىنشا ورتا سالماقتاعى الەم چەمپيونى تيتۋلىنا تالاسقان بولاتىن.