بۇگىن العاش رەت ءا. قاستەەۆ اتىنداعى مەملەكەتتىك ونەر مۋزەيىندە قازاقستاندىق سۋرەتشى, يادرولىق قارۋعا قارسى حالىقارالىق قوزعالىستىڭ بەلسەندىسى كارىپبەك كۇيىكوۆتىڭ جەكە كورمەسى اشىلادى. بۇل تۋرالى الماتى قالاسى اكىمدىگىنىڭ ءباسپاسوز قىزمەتى حابارلادى.
ەكسپوزيتسياعا اۆتوردىڭ 50-گە جۋىق كارتينالارى قويىلعان. ول يادرولىق سىناق قۇرباندارىنىڭ پورترەتتەرىن سالادى.
ك. كۇيىكوۆ سەمەي يادرولىق پوليگونىنان 100 مەتر قاشىقتىقتا ورنالاسقان ەگىندىبۇلاق سەلوسىندا 1968 جىلى تۋىلعان. «نەۆادا-سەمەي» يادرولىق قارۋعا قارسى قوزعالىستىڭ نەگىزىن قالاۋشىلاردىڭ ءبىرى.
اتوم جوباسىنىڭ قۇرمەتتى ەلشىسى رەتىندە كونفەرەنتسيالار مەن ءتۇرلى شارالاردا بۇۇ جانە قۇراما شتاتتار كونگرەسى وكىلدەرى الدىندا يادرولىق قارۋعا قارسى ءسوز سويلەيدى.
كورمە اعىمداعى جىلدىڭ 20 قازانىنا دەيىن جالعاسادى.