«ادام ساۋداسى جانە ميگرانتتاردى زاڭسىز اكەلۋ ناتيجەسىندە الىنعان زاڭسىز قارجى اعىنىنىڭ جولىن كەسۋ ءۇشىن حالىقارالىق جانە وڭىرلىك ىنتىماقتاستىق» تاقىرىبىندا سەمينار ءوتتى. ونى باس پروكۋراتۋرا جانىنداعى قۇقىق قورعاۋ ورگاندارى اكادەمياسى بۇۇ ەقب-مەن بىرلەسىپ ۇيىمداستىردى.
اتالعان شارا ورتالىق ازيا مەن تاياۋ شىعىستىڭ 8 ەلىنىڭ كۇش قۇرىلىمدارىنا ارنالىپ, ونىڭ جۇمىسىنا اۋعانستان, يران, قازاقستان, قىرعىزستان, پاكىستان, تاجىكستان, تۇرىكمەنستان جانە وزبەكستان پروكۋراتۋرا ورگاندارى, قارجى بارلاۋ بولىمشەلەرىنىڭ وكىلدەرى قاتىستى. نەگىزگى ماقسات – ادام ساۋداسىنا جانە ميگرانتتاردى زاڭسىز اكەلۋگە بايلانىستى زاڭسىز قارجى اعىندارىنىڭ جولىن كەسۋدە ايماقتىق جانە ۆەدومستۆوارالىق ىنتىماقتاستىقتى جاقسارتۋ ماقساتىندا اقپارات الماسۋعا جانە بەيرەسمي جەلىلەردى پايدالانۋعا جاردەمدەسۋ. ويتكەنى بۇگىندە ادام ساۋداسى – بۇل قىلمىستىق بيزنەستىڭ ءتيىمدى تۇرلەرىنىڭ ءبىرى بولىپ وتىر. جاھاندىق قۇلدىق يندەكسىنە سايكەس بۇكىل الەم بويىنشا شامامەن 40 ملن ادامنىڭ باس بوستاندىعى جوق. ال قازاقستاندا جىل سايىن ەڭبەك قۇلدىعىنان جۇزدەن استام ادام قۇتقارىلادى. قازاقستان 2017 جىلى بۇل كورسەتكىشتە 167 ەل بويىنشا 83-ءشى ورىندى يەمدەندى (75 مىڭ ادام). ولاردىڭ اراسىندا نەگىزىنەن ايەلدەر مەن بالالار كورىنەدى. 2017 جىلى ىشكى ىستەر ورگاندارى ادام ساۋداسىمەن بايلانىستى 250-دەن استام قىلمىستىق ءىس قوزعادى.
حالىقارالىق ەڭبەك ۇيىمىنىڭ مالىمەتتەرى بويىنشا ادام ساۋداسىنان تۇسكەن زاڭسىز تابىس جىل سايىن شامامەن 150,2 ميلليارد اقش دوللارىنا باعالانادى ەكەن.
سەميناردا ادام ساۋداسىنا جانە ميگرانتتاردى زاڭسىز اكەلۋگە بايلانىستى قىلمىستارعا تەرگەۋ جۇرگىزۋدە قارجىلىق بارلاۋ بولىمشەلەرىنىڭ ءرولى, وسى ماسەلەگە قارسى كۇرەس ءۇشىن قارجىلىق تەرگەۋلەردى پايدالانۋدىڭ ايماقتىق تاجىريبەسى, حالىقارالىق ۇيىمداردىڭ كۇش-جىگەرى جانە اعىمداعى باعىتتار, قازىرگى زامانعى ۇردىستەر, ادام ساۋداسى جانە ميگرانتتاردى زاڭسىز اكەلۋ ادىستەرى, سونداي-اق ولاردىڭ زاڭسىز قارجى اعىندارىمەن ءوزارا بايلانىسى سەكىلدى ماسەلەلەر قوزعالدى. سونىمەن قاتار ادام ساۋداسىنا جانە ميگرانتتاردى زاڭسىز اكەلۋگە بايلانىستى زاڭسىز قارجى اعىنىنىڭ جولىن كەسۋ ماقساتىندا ايماقتىق جانە ۆەدومستۆوارالىق ىنتىماقتاستىقتى جاقسارتۋ ماسەلەلەرى تالقىلاندى. وسى ىسپەتتەس قىلمىستارعا تەرگەۋ جۇرگىزۋدە قارجىلىق بارلاۋ بولىمشەلەرىنىڭ رولىنە ەرەكشە نازار اۋدارىلدى.
سەمينار سوڭىندا سالا بويىنشا وڭىردەگى ىنتىماقتاستىقتى جاقسارتۋ جولدارى مەن ۇسىنىستار, وزىق تاجىريبە نازارعا الىندى.