ەلوردادا بەيبىتشىلىك جانە كەلىسىم سارايىندا ءححى قالالىق ءتىل فەستيۆالىنىڭ سالتاناتتى مەرەكەلىك كەشى ءوتتى. بۇل تۋرالى «رۋحانيات» كوممۋنالدىق مەملەكەتتىك مەكەمەسى حابارلادى.
نۇر-سۇلتان قالاسىنىڭ اكىمدىگىنىڭ تىلدەردى دامىتۋ جانە ارحيۆ ءىسى باسقارماسى, «رۋحانيات» كوممۋنالدىق مەملەكەتتىك مەكەمەسى ۇيىمداستىرعان سالتاناتتى كەشكە قوعام قايراتكەرلەرى, زيالى قاۋىم وكىلدەرى مەن قالا تۇرعىندارى قاتىستى.
قۇتتىقتاۋ ءسوزىن الىپ, كەشتى اشقان قالا اكىمىنىڭ ورىنباسارى باقتيار ماكەن جىل سايىن ءتىل فەستيۆالى اياسىندا ەلوردادا 300-گە دەيىن ءتۇرلى باعىتتاعى ءىس-شارا وتەتىنىن, ونىڭ بارلىعى مەملەكەتتىك ءتىلدى دامىتۋعا باعىتتالعانىن اتاپ ءوتتى.
«داستۇرگە اينالعان فەستيۆالدى ءبىز كۇزدە وتكىزەمىز, بۇل كەزدە مەملەكەتتىك ءتىلدى دامىتۋعا باعىتتالعان باسقا دا شارالار وتەدى. ولار: «Memlekettik til - ult tiregi» وتىرىسى, «Til-amanat» اكتسياسى, «Oı-zerek» ينتەللەكتۋالدىق جارىسى, «Qazaq tilin oqytý ádistemesi» عىلىمي-تاجىريبەلىك كونفەرەنتسياسى جانە ت.ب. بۇگىنگى تاڭدا ەلوردا اكىمىنىڭ تاپسىرماسىنا سايكەس, مەملەكەتتىك مەكەمەلەردىڭ ماڭدايشالارىنداعى جازۋلاردى لاتىن قارپىنە اۋىستىرۋ جۇمىسى ءجۇرىپ جاتىر», - دەيدى ب.ماكەن.
بۇدان بولەك, ب.ماكەن اباي داڭعىلى بويىندا قازاق جازۋشىلارىنىڭ اللەياسى اشىلعانىن, سول اللەيادا ساكەن سەيفۋللين, يلياس جانسۇگىروۆ جانە بەيىمبەت مايلينگە ەسكەرتكىش ورناتۋ جوسپارلانىپ وتىرعانىن دا ايتا كەتتى.
وسىدان بىرنەشە اپتا بۇرىن پرەزيدەنت قاسىم-جومارت كەمەل ۇلى ء«تىل تۋرالى» زاڭنىڭ قابىلدانعانىنا 30 جىل تولۋىنا وراي مەملەكەتتىك ءتىلدىڭ مارتەبەسىن ءوسىرىپ, قولدانۋ اياسىن كەڭەيتىپ, ۇلتارالىق قاتىناس قۇرالىنا اينالۋىنا سىڭىرگەن ەڭبەگى ءۇشىن بىرنەشە ءتىل جاناشىرلارىن ماراپاتتاعان بولاتىن. وسى كەشتە قوعام قايراتكەرلەرى, ءتىل جاناشىرلارى كوپبولسىن بەكماعانبەتوۆ, بەكجان ءابدۋالي ۇلى, قاينار ولجاي مەن كەنجەگۇل تەرگەمباەۆالار العىس حاتپەن ماراپاتتالدى.
ال قازاقستان رەسپۋبليكاسىنىڭ مەملەكەتتىك ءتىلى, قازاق رۋحانياتىنىڭ التىن ارقاۋى, ۇلتتى بىرىكتىرۋشى تۇعىر – قازاق ءتىلىنىڭ قولدانىس اياسىن كەڭەيتۋگە جانە ەلدىك مۇراتتاردى ناسيحاتتاۋعا قوسقان ۇلەسى ءۇشىن نۇر-سۇلتان قالاسى اكىمىنىڭ ء«تىل تۇعىرى» قۇرمەت ماراپاتىنا الدان سمايىل, ەردەن قاجىبەك, وسپان سۇلەيمەن ۇلى, انۋاربەك قايكەن ۇلى, ءناسىپجان ابدراحمانقىزى, نۇرلان اۋەزحان ۇلى, ارنۇر قايناربەك ۇلى, الماس سىرعاباي مەن ۆلاديسلاۆ تەن, الەكسەي شيرياەۆ يە بولدى.