ەۋرازيالىق توپ (ERG) قۇرامىنداعى سوكولوۆ-سارىباي كەن بايىتۋ وندىرىستىك بىرلەستىگىنىڭ ءۇش بولىمشەسىندە جارىقتاندىرۋدىڭ جاڭا جۇيەسى ەنگىزىلدى. مۇندا «ەنەرگەتيكالىق قىزمەت كورسەتۋ كەلىسىمشارتىنىڭ مەحانيزمىنە سايكەس ەنەرگيا ۇنەمدەيتىن جارىقديودتى شامداردى قولدانۋ ارقىلى جارىقتاندىرۋ جۇيەسىن جاڭعىرتۋ» جوباسىنىڭ ءبىرىنشى كەزەڭى اياقتالدى.
بۇگىندە سسكوب-ءتىڭ مەتالل يلەكتەۋ, جوندەۋ-مەحانيكالىق زاۋىتتارى مەن شەكەمتاس ءوندىرۋ فابريكاسىنىڭ قىزمەتكەرلەرى ەنەرگيا شىعىنىن ازايتىپ, جۇمىس ورنىنداعى ونىمدىلىك پەن قاۋىپسىزدىكتى ارتتىراتىن جارىقپەن جۇمىس ىستەپ كەلەدى. جاڭا جو اياسىنداعى سەگىز ايدا بارلىعى 12007 شام اۋىستىرىلسا, سونىڭ 7831-ءى فابريكاعا تيەسىلى. ورناتىلعان جارىقديودتى شامداردى قازاقستاندىق «PROLUX LەD» كاسىپورنى ءوندىردى.
«ۇسىنىلعان ونىمدەر 100 مىڭ ساعاتقا دەيىن اپاتسىز جۇمىس ىستەي الادى. بۇل دەگەنىمىز – ولاردى 11 جىل ۇزدىكسىز پايدالانۋعا بولادى دەگەن ءسوز» دەدى «سسكوب» اق باس ەنەرگەتيك ءبولىمىنىڭ ەنەرگيامەن قامتاماسىز ەتۋ جونىندەگى جەتەكشى ينجەنەرى اندرەي گاراس. جاڭا شامدار بۇرىنعىلارىنان بىرنەشە ولشەمدەر بويىنشا وزىق تۇر. ماسەلەن, سىناپ جانە سىناپ-ۆولفرام شامدارىنىڭ جۇمىس ۋاقىتى 1000 ساعاتتان اسپايدى جانە ولاردا «شامداردىڭ توزۋى» دەگەن ۇعىم بار. جارىق تيىمدىلىگى ۋاقىت وتە كەلە 40 پايىزعا دەيىن ناشارلايدى. جارىقديودتى شامداردا مۇنداي كەمشىلىك جوق.
مامانداردىڭ ەسەپتەۋىنشە, جاڭا جوبا 3 جىل 4 ايدىڭ ىشىندە وزىنە كەتكەن قارجىنى, ءوزىن-ءوزى اقتاماق.
رۋدنىي