قازاقستان رەسپۋبليكاسىنىڭ زاڭى № 67-V قرز
سەيسەنبى, 22 قاڭتار 2013 6:35 مەملەكەتتىك ءبىلىم بەرۋ جيناقتاۋ جۇيەسى تۋرالىوسى زاڭ مەملەكەتتىك ءبىلىم بەرۋ جيناقتاۋ جۇيەسi جۇمىس iستەيتىن سالاداعى قوعامدىق قاتىناستاردى, سونداي-اق ونى مەملەكەتتىك ىنتالاندىرۋ شارتتارىن, نىساندارىن جانە مازمۇنىن رەتتەيدi.
سەيسەنبى, 22 قاڭتار 2013 6:35 مەملەكەتتىك ءبىلىم بەرۋ جيناقتاۋ جۇيەسى تۋرالىوسى زاڭ مەملەكەتتىك ءبىلىم بەرۋ جيناقتاۋ جۇيەسi جۇمىس iستەيتىن سالاداعى قوعامدىق قاتىناستاردى, سونداي-اق ونى مەملەكەتتىك ىنتالاندىرۋ شارتتارىن, نىساندارىن جانە مازمۇنىن رەتتەيدi.1-تاراۋ. جالپىەرەجەلەر1-باپ. وسىزاڭداپايدالانىلاتىننەگىزگىۇعىمداروسى زاڭدا مىناداي نەگىزگى ۇعىمدار پايدالانىلادى:1) ءبىلىم بەرۋ جيناقتاۋ سالىمى – سالىمشىنىڭ نەمەسە ەنگىزۋشىلەردىڭ جارنالارىن, كاپيتالداندىرىلعان قاتىسۋشى بانك سىياقىسى مەن مەملەكەت سىيلىقاقىسىن قامتيتىن, سالىمشىنىڭ قاتىسۋشى بانك شوتىنداعى اقشاسى;2) ءبىلىم بەرۋ جيناقتاۋ سالىمى بويىنشا مەملەكەت سىيلىقاقىسى (بۇدان ءارى – مەملەكەت سىيلىقاقىسى) – ءبىلىم بەرۋ جيناقتاۋ سالىمىنىڭ ناقتى جيناقتالعان قالدىعىنا بيۋدجەت قاراجاتى ەسەبىنەن جىل سايىن بەلگىلەنگەن مەرزىمدە تولەنەتىن اقشا;3) ءبىلىم بەرۋ جيناقتاۋ سالىمى تۋرالى شارت (بۇدان ءارى – سالىم شارتى) – سالىمشى قاتىسۋشى بانكپەن جاساسقان, ءبىلىم بەرۋ قىزمەتتەرىنە اقى تولەۋ ءۇشىن قاراجات جيناقتاۋعا ارنالعان بانكتىك سالىم شارتى;4) ءبىلىم بەرۋ جيناقتاۋ سالىمى تۋرالى شارتتاردىڭ بىرىڭعاي ءتىزىلىمى – وپەراتور مەملەكەت سىيلىقاقىسىن ەسەپكە جازاتىن سالىم شارتتارىن تىركەۋدىڭ بىرىڭعاي بازاسى;5) ءبىلىم بەرۋ قىزمەتتەرى – ءبىلىم بەرۋ ۇيىمىنىڭ ءبىلىم الۋشىعا جەكە ادامنىڭ ءبىلىم الۋ قاجەتتىلىكتەرىن ىسكە اسىرۋعا جانە ءبىلىم بەرۋ باعدارلامالارىن مەڭگەرۋگە باعىتتالعان قىزمەتتەر كورسەتۋ جونىندەگى قىزمەتى;6) ءبىلىم بەرۋ سالاسىنداعى ۋاكىلەتتى ورگان – ءبىلىم بەرۋ سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن قازاقستان رەسپۋبليكاسىنىڭ ورتالىق اتقارۋشى ورگانى;7) ءبىلىم بەرۋ ۇيىمى – قازاقستان رەسپۋبليكاسىنىڭ اۋماعىندا قۇرىلعان جانە ارەكەت ەتەتىن, تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى وقۋ ورنىنان كەيىنگى (ماگيستراتۋرا) ءبىلىم بەرۋ باعدارلامالارىن ىسكە اسىراتىن زاڭدى تۇلعا;8) ەنگىزۋشى – سالىمشىنىڭ پايداسىنا ءبىلىم بەرۋ جيناقتاۋ سالىمىنا جارنا سالۋدى جۇزەگە اسىراتىن قازاقستان رەسپۋبليكاسىنىڭ رەزيدەنتى نەمەسە رەزيدەنتى ەمەسى;9) كرەديتور – بانكتىك قارىز وپەراتسيالارىن جۇرگىزۋگە ليتسەنزياسى بار جانە مەملەكەت ۋاكىلەتتىك بەرگەن ۇيىمنىڭ كەپىلدىگىمەن ءبىلىم بەرۋ كرەديتتەرىن ۇسىنۋ تۋرالى كەلىسىم جاساسقان قازاقستان رەسپۋبليكاسىنىڭ ەكىنشى دەڭگەيدەگى بانكى;10) كرەديتتىك جەلى – قارىز الۋشىعا كرەديتوردىڭ ءبىلىم بەرۋ كرەديتى شارتىندا ايقىندالعان ۋاقىت ىشىندە كەلىسىلگەن ليميت شەگىندە وعان اقشا بەرۋ جونىندەگى زاڭدى تۇردە رەسىمدەلگەن مىندەتتەمەسىن ۇسىنۋ;11) قارىز الۋشى – ءبىلىم بەرۋ قىزمەتتەرىنە اقى تولەۋ ءۇشىن جەتپەيتىن سوماعا كرەديتورمەن ءبىلىم بەرۋ كرەديتى شارتىن جاساسقان سالىمشى;12) قاتىسۋشى بانك – وسى زاڭدا بەلگىلەنگەن تالاپتارعا ساي كەلەتىن جانە مەملەكەتتىك ءبىلىم بەرۋ جيناقتاۋ جۇيەسى سالاسىنداعى وپەراتورمەن مەملەكەتتىك ءبىلىم بەرۋ جيناقتاۋ جۇيەسى سالاسىنداعى ىنتىماقتاستىق تۋرالى كەلىسىم جاساسقان قازاقستان رەسپۋبليكاسىنىڭ ەكىنشى دەڭگەيدەگى بانكى;13) مەملەكەتتىك ءبىلىم بەرۋ جيناقتاۋ جۇيەسى – قازاقستان رەسپۋبليكاسىنىڭ زاڭناماسىمەن رەتتەلەتىن جانە قاتىسۋشى بانكتەردىڭ حالىقتىڭ سالىمدارىن تارتۋىنا جانە ولارعا سىياقىلار مەن مەملەكەت سىيلىقاقىلارىن ەسەپكە جازۋعا نەگىزدەلگەن, ءبىلىم بەرۋ قىزمەتتەرىنە اقى تولەۋگە ارنالعان اقشالاي جيناقتار جۇيەسى;14) مەملەكەتتىك ءبىلىم بەرۋ جيناقتاۋ جۇيەسى سالاسىنداعى وپەراتور (بۇدان ءارى – وپەراتور) – قازاقستان رەسپۋبليكاسى ۇكىمەتىنىڭ شەشىمىمەن ايقىندالاتىن, مەملەكەتتىك ءبىلىم بەرۋ جيناقتاۋ جۇيەسى قاتىسۋشىلارىنىڭ قىزمەتىن ۇيلەستىرۋدى جۇزەگە اسىراتىن جانە ونىڭ قازاقستان رەسپۋبليكاسى زاڭناماسىندا كوزدەلگەن شەكتە جۇمىس ىستەۋىن قامتاماسىز ەتەتىن ۇيىم;15) مەملەكەتتىك ءبىلىم بەرۋ جيناقتاۋ جۇيەسى سالاسىنداعى ىنتىماقتاستىق تۋرالى كەلىسىم (بۇدان ءارى – ىنتىماقتاستىق تۋرالى كەلىسىم) – مەملەكەتتىك ءبىلىم بەرۋ جيناقتاۋ جۇيەسىن ىسكە اسىرۋ شەڭبەرىندە وپەراتور مەن قاتىسۋشى بانك نەمەسە وپەراتور مەن ءبىلىم بەرۋ ۇيىمى اراسىنداعى ولاردىڭ ءوزارا ءىس-قيمىلىنىڭ شارتتارى مەن ءتارتىبىن بەلگىلەيتىن كەلىسىم;16) سالىمشى – سالىم شارتىنىڭ تاراپى بولىپ تابىلاتىن قازاقستان رەسپۋبليكاسىنىڭ ازاماتى.2-باپ. قازاقستان رەسپۋبليكاسىنىڭ مەملەكەتتىك ءبىلىم بەرۋ جيناقتاۋ جۇيەسى تۋرالى زاڭناماسى1. قازاقستان رەسپۋبليكاسىنىڭ مەملەكەتتىك ءبىلىم بەرۋ جيناقتاۋ جۇيەسى تۋرالى زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلەدى جانە وسى زاڭ مەن قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنەن تۇرادى.2. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭدا كوزدەلگەننەن وزگە قاعيدالار بەلگىلەنسە, وندا حالىقارالىق شارتتىڭ قاعيدالارى قولدانىلادى.3-باپ. مەملەكەتتىك ءبىلىم بەرۋ جيناقتاۋ جۇيەسى سالاسىنداعى مەملەكەتتىك رەتتەۋدىڭ نەگىزگى قاعيداتتارىمەملەكەتتىك ءبىلىم بەرۋ جيناقتاۋ جۇيەسى سالاسىنداعى مەملەكەتتىك رەتتەۋدىڭ نەگىزگى قاعيداتتارى:1) زاڭدىلىق;2) جاريالىلىق;3) ءبىلىم بەرۋ جيناقتاۋ سالىمىنىڭ نىسانالى ماقساتى;4) ازاماتتار مەن قاتىسۋشى بانكتەردىڭ مەملەكەتتىك ءبىلىم بەرۋ جيناقتاۋ جۇيەسىنە قاتىسۋعا قوسىلۋىنىڭ ەرىكتىلىگى;5) حالىقتىڭ مەملەكەتتىك ءبىلىم بەرۋ جيناقتاۋ جۇيەسىنە قاتىسۋىن مەملەكەتتىك كوتەرمەلەۋ بولىپ تابىلادى.4-باپ. ءبىلىم بەرۋ سالاسىنداعى ۋاكىلەتتى ورگاننىڭ قۇزىرەتىبىلىم بەرۋ سالاسىنداعى ۋاكىلەتتى ورگان:1) جىل سايىن ءبىلىم بەرۋ ۇيىمدارىنىڭ ۇلگىلەرى بويىنشا وقىتۋدىڭ ورتاشا قۇنىنىڭ ۇزاق مەرزىمدى بولجامدارىن ازىرلەيدى;2) ءبىلىم بەرۋ ۇيىمىمەن ىنتىماقتاستىق تۋرالى ۇلگىلىك كەلىسىمنىڭ نىسانىن بەكىتەدى;3) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.5-باپ. مەملەكەتتىك ءبىلىم بەرۋ جيناقتاۋ جۇيەسىنىڭ جۇمىس ىستەۋىنىڭ قۇقىقتىق نەگىزدەرى1. وسى زاڭنىڭ 11-بابىنىڭ 7-تارماعىندا كوزدەلگەن جاعدايدى قوسپاعاندا,مەملەكەتتىك ءبىلىم بەرۋ جيناقتاۋ جۇيەسى قازاقستان رەسپۋبليكاسىندا تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى وقۋ ورنىنان كەيىنگى (ماگيستراتۋرا) ءبىلىم بەرۋ باعدارلامالارى بويىنشا ءبىلىم الۋعا قولدانىلادى.2. سالىمشى, قاتىسۋشى بانك, ەنگىزۋشى, وپەراتور, ءبىلىم بەرۋ ۇيىمى, ءبىلىم بەرۋ سالاسىنداعى ۋاكىلەتتى ورگان مەملەكەتتىك ءبىلىم بەرۋ جيناقتاۋ جۇيەسىنە قاتىسۋشىلار بولىپ تابىلادى.6-باپ. وپەراتوردىڭ فۋنكتسيالارىوپەراتور:1) قاتىسۋشى بانكپەن ىنتىماقتاستىق تۋرالى كەلىسىم جاساسادى;2) ءبىلىم بەرۋ ۇيىمىمەن ىنتىماقتاستىق تۋرالى كەلىسىم جاساسادى;3) قاتىسۋشى بانكتەن, ءبىلىم بەرۋ ۇيىمىنان جانە سالىمشىدان سالىم شارتىن جاساسۋعا, ونىڭ قولدانىسىنا, مەملەكەت سىيلىقاقىسىن ەسەپكە جازۋعا, ءبىلىم بەرۋ قىزمەتتەرىنىڭ قۇنى مەن تولەمىنە, ءبىلىم الۋشىنىڭ مارتەبەسىنە قاتىستى قاجەتتى مالىمەتتەردى سۇراتادى;4) جاساسىلعان سالىم شارتىن تىركەۋدى جۇزەگە اسىرادى جانە ەسەپكە الۋدى جۇرگىزەدى;5) قاتىسۋشى بانكتەن سالىمشىنى شەتەلدىك ءبىلىم بەرۋ ۇيىمىنا قابىلداۋ جانە سالىمشىنىڭ جيناقتالعان قاراجاتىن شەتەلدىك ءبىلىم بەرۋ ۇيىمىنا اۋدارۋ تۋرالى راستايتىن قۇجاتتاردى العاننان كەيىن سالىم شارتىن ءبىلىم بەرۋ جيناقتاۋ سالىمى تۋرالى شارتتاردىڭ بىرىڭعاي تىزىلىمىنەن الىپ تاستايدى جانە ول بويىنشا مەملەكەت سىيلىقاقىسىن ەسەپكە جازۋدى توقتاتادى;6) بۇقارالىق اقپارات قۇرالدارىندا مەملەكەتتىك ءبىلىم بەرۋ جيناقتاۋ جۇيەسىنە قاتىسۋ ءۇشىن وسى زاڭدا قويىلاتىن تالاپتاردى قاتىسۋشى بانكتىڭ ورىنداۋى تۋرالى مالىمەتتەردى جىلىنا ەكى رەت جاريالايدى;7) ءبىلىم بەرۋ جيناقتاۋ سالىمىنا ەسەپكە جاتقىزىلۋعا ءتيىس مەملەكەت سىيلىقاقىسى سوماسىن ەسەپتەۋدى جۇزەگە اسىرادى جانە ونى قاتىسۋشى بانككە ۇسىنادى;8) قاتىسۋشى بانكتىڭ ءبىلىم بەرۋ جيناقتاۋ سالىمدارىنا مەملەكەت سىيلىقاقىلارى سومالارىن ەسەپكە جاتقىزۋ مەرزىمدەرىن ساقتاۋىنا مونيتورينگتى جۇزەگە اسىرادى;9) وسى زاڭنىڭ 14-بابىندا كوزدەلگەن جاعدايلاردا مەملەكەت سىيلىقاقىسىنىڭ ەسەپكە جازىلۋىن قايتا ەسەپتەۋدى جۇرگىزەدى;10) بيۋدجەتكە قايتارىلۋعا جاتاتىن مەملەكەت سىيلىقاقىسى سوماسىنىڭ مولشەرى تۋرالى انىقتامانى-ءۇزىندى كوشىرمەنى سالىمشىعا, قاتىسۋشى بانككە نەمەسە ءبىلىم بەرۋ ۇيىمىنا بەرەدى;11) قاتىسۋشى بانكتىڭ نەمەسە ءبىلىم بەرۋ ۇيىمىنىڭ مەملەكەت سىيلىقاقىسى سوماسىن بيۋدجەتكە تولىق جانە ۋاقىتىلى قايتارۋىن قامتاماسىز ەتەدى;12) سالىمشىنىڭ, قاتىسۋشى بانكتىڭ, ءبىلىم بەرۋ ۇيىمىنىڭ وسى زاڭدا جانە (نەمەسە) ىنتىماقتاستىق تۋرالى كەلىسىمدە قويىلاتىن تالاپتاردى بۇزۋى انىقتالعان جاعدايدا, ولاردى قازاقستان رەسپۋبليكاسىنىڭ زاڭدارىندا بەلگىلەنگەن تارتىپپەن جاۋاپتىلىققا تارتۋ ءۇشىن شارالار قولدانادى;13) قاتىسۋشى بانك وسى زاڭنىڭ 15-بابىنىڭ 2-تارماعىندا قويىلاتىن تالاپتاردى ورىنداماعان جاعدايدا, قاتىسۋشى بانكپەن ىنتىماقتاستىق تۋرالى كەلىسىمدى بىرجاقتى تارتىپپەن بۇزادى, سونداي-اق سالىمشىلاردىڭ اقشاسىن سالىمشىنىڭتاڭداۋى بويىنشا باسقا قاتىسۋشى بانككە اۋدارۋدى تالاپ ەتەدى;14) سالىمشىنىڭ قازاقستان رەسپۋبليكاسىنىڭ ازاماتتىعىنان ايىرىلۋ فاكتىسى انىقتالعان جاعدايدا, سالىمشىمەن سالىم شارتىن بۇزۋ قاجەتتىگى تۋرالى قاتىسۋشى بانكتى حاباردار ەتەدى.2-تاراۋ. سالىم شارتى7-باپ. سالىم شارتى1. سالىم شارتى قازاقستان رەسپۋبليكاسىنىڭ ۇكىمەتى بەكىتكەن ۇلگىلىك شارت نەگىزىندە قاتىسۋشى بانك پەن سالىمشى اراسىندا قاراپايىم جازباشا نىساندا جاسالادى.قاتىسۋشى بانك پەن كامەلەتكە تولماعان سالىمشى اراسىنداعى سالىم شارتى قازاقستان رەسپۋبليكاسىنىڭ ازاماتتىق جانە بانك زاڭناماسىندا كوزدەلگەن تارتىپپەن جاسالادى.2. سالىم شارتى كەمىندە ءۇش جىل مەرزىمگە جاسالادى.3. قولدانىلۋ مەرزىمى وتكەننەن كەيىن سالىم شارتى:1) ەگەر تاراپتاردىڭ بىردە-ءبىرى شارتتىڭ قولدانىلۋىن توقتاتۋعا نيەت بىلدىرمەسە, ونىڭ قولدانىلۋ مەرزىمىنە اۆتوماتتى تۇردە ۇزارتىلادى;2) تاراپتاردىڭ كەلىسىمىمەن وزگە مەرزىمگە ۇزارتىلادى;3) اقشا قالدىعى اۋدارىلا وتىرىپ, سالىمشىنىڭ تاڭداۋى بويىنشا باسقا قاتىسۋشى بانكپەن جاسالۋى مۇمكىن.8-باپ. سالىم شارتىنىڭ تالاپتارى1. سالىم شارتىندا مىناداي مالىمەتتەر قامتىلۋعا ءتيىس:1) شارتتىڭ نىساناسى;2) باستاپقى بىرجولعى جارنا مولشەرى;3) شارتتىڭ قولدانىلۋ مەرزىمى;4) قاتىسۋشى بانك سىياقىسىنىڭ مولشەرى جانە ونى تولەۋ ءتارتىبى;5) مەملەكەت سىيلىقاقىسىنىڭ وسى زاڭدا بەلگىلەنگەن مولشەرى;6) تاراپتاردىڭ قۇقىقتارى مەن مىندەتتەرى;7) سالىمشىنىڭ وپەراتورعا بانك قۇپياسىن اشۋعا جازباشا كەلىسىمى;8) تاراپتاردىڭ جاۋاپتىلىعى;9) شارتتى بۇزۋ تالاپتارى;10) قازاقستان رەسپۋبليكاسىنىڭ زاڭنامالىق اكتىلەرىنە سايكەس وزگە دە ەرەجەلەر.2. ءبىلىم بەرۋ جيناقتاۋ سالىمى تەڭگەمەن اشىلادى.3. ءبىلىم بەرۋ جيناقتاۋ سالىمىن اشۋ ءۇشىن باستاپقى ەڭ تومەنگى بىرجولعى جارنا رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ايلىق ەسەپتىك كورسەتكىشتىڭ ءۇش ەسەلەنگەن مولشەرىن قۇرايدى.4. قاتىسۋشى بانك سالىم شارتىن جاساسقان كەزدە ءبىلىم بەرۋ جيناقتاۋ سالىمىنا قوسىمشا جارنالاردى سالۋدىڭ ۇسىنىلاتىن كەزەڭدىلىگىن جانە ولاردىڭ مولشەرىن ەسەپتەيدى.5. سالىمشىنىڭ شوتىنا قازاقستان رەسپۋبليكاسىنىڭ بانك زاڭناماسىنا سايكەس ءۇشىنشى تۇلعالاردان جارنالار سالىنۋى مۇمكىن.9-باپ. سالىم شارتىن تىركەۋ1. سالىم شارتتارى وسى زاڭنىڭ 12-بابىنا سايكەس مەملەكەت سىيلىقاقىسى ەسەپكە جازىلاتىن ءبىلىم بەرۋ جيناقتاۋ سالىمدارىن ەسەپكە الۋ ءۇشىن ءبىلىم بەرۋ جيناقتاۋ سالىمى تۋرالى شارتتاردىڭ بىرىڭعاي تىزىلىمىندە تىركەلۋگە جاتادى.2. وپەراتور قاتىسۋشى بانك ۇسىنعان سالىم شارتتارىن تىركەۋدى ءبىلىم بەرۋ جيناقتاۋ سالىمى تۋرالى شارتتاردىڭ بىرىڭعاي تىزىلىمىنە مالىمەتتەردى ەنگىزۋ جانە تىركەۋ ءنومىرىن بەرۋ ارقىلى جۇزەگە اسىرادى.3. وسى زاڭنىڭ تالاپتارىنا سايكەس كەلەتىن, قاتىسۋشى بانك ۇسىنعان سالىم شارتتارى تىركەلۋگە جاتادى. سالىمشىنىڭ وپەراتوردا تىركەلگەن سالىم شارتى بولعان كەزدە, سالىم شارتى تىركەلۋگە جاتپايدى.10-باپ. قاتىسۋشى بانك سىياقىسى1. قاتىسۋشى بانك اي سايىن كاپيتالداندىرا وتىرىپ,سالىمشىعا سالىم شارتىندا ايقىندالعان مولشەردە سالىم سوماسىنا سىياقى تولەيدى.2. قاتىسۋشى بانك سىياقىسى سالىم شارتى قولدانىلاتىن مەرزىم بويىنا ەسەپكە جازىلادى جانە ءبىلىم بەرۋ جيناقتاۋ سالىمىنىڭ نەگىزگى سوماسىنا قوسىلادى (كاپيتالداندىرىلادى).11-باپ. ءبىلىم بەرۋ جيناقتاۋ سالىمىنا يەلىك ەتۋ1. مەملەكەتتىك ءبىلىم بەرۋ جيناقتاۋ جۇيەسى شەڭبەرىندە سالىمشى نە قازاقستان رەسپۋبليكاسىنىڭ ازاماتتىق زاڭناماسىندا بەلگىلەنگەن تارتىپپەن جانە جاعدايلاردا ونىڭ زاڭدى وكىلى ءبىلىم بەرۋ جيناقتاۋ سالىمىنىڭ اقشاسىن ءبىر قاتىسۋشى بانكتەن باسقا قاتىسۋشى بانككە تولىق كولەمدە جىلىنا ءبىر رەت قانا اۋدارۋدى جۇزەگە اسىرۋعا قۇقىلى.2. سالىمشىعا ءبىلىم بەرۋ گرانتى بەرىلگەن جاعدايدا, سالىمشى نە قازاقستان رەسپۋبليكاسىنىڭ ازاماتتىق زاڭناماسىندا بەلگىلەنگەن تارتىپپەن جانە جاعدايلاردا ونىڭ زاڭدى وكىلى:1) ءبىلىم بەرۋ جيناقتاۋ سالىمىنا قاراجات جيناقتاۋدى جالعاستىرۋعا;2) ءبىلىم بەرۋ جيناقتاۋ سالىمىنىڭ قاراجاتىن قازاقستان رەسپۋبليكاسىنىڭ ازاماتى بولىپ تابىلاتىن ءۇشىنشى تۇلعانىڭ پايداسىنا اشىلعان (اشىلاتىن) ءبىلىم بەرۋ جيناقتاۋ سالىمىنا اۋدارۋعا;3) ءبىلىمنىڭ باسقا دەڭگەيلەرىن الۋ ماقساتىندا ءبىلىم بەرۋ جيناقتاۋ سالىمىنىڭ قاراجاتىن ءبىلىم بەرۋ قىزمەتتەرىنە اقى تولەۋگە جۇمساۋعا;4) ءبىلىم بەرۋ جيناقتاۋ سالىمىنىڭ قاراجاتىن قاتىسۋشى بانكتىڭ كاپيتالداندىرىلعان سىياقىسىمەن جانە ەسەپكە جازىلعان مەملەكەت سىيلىقاقىسىمەن قوسا الۋعا قۇقىلى.3. ءبىلىم بەرۋ ۇيىمىنا شارتتىق نەگىزدە تۇسكەن كەزدە ءبىلىم بەرۋ قىزمەتتەرىنە اقى سالىمشىنىڭ نە قازاقستان رەسپۋبليكاسىنىڭ ازاماتتىق زاڭناماسىندا بەلگىلەنگەن تارتىپپەن جانە جاعدايلاردا ونىڭ زاڭدى وكىلىنىڭ ءوتىنىشى بويىنشا بولىكتەرمەن ء(اربىر اكادەميالىق كەزەڭ نەمەسە وقۋ جىلى ءۇشىن) نەمەسە تولىق كولەمدە ءبىر مەزگىلدە (بارلىق وقۋ مەرزىمى ءۇشىن) تولەنەدى.4. سالىمشى قازا بولعان, سوت ونى ارەكەتكە قابىلەتسىز, حابارسىز كەتكەن دەپ تانىعان, نە قايتىس بولدى دەپ جاريالاعان نەمەسە ول دەنساۋلىق جاعدايىنا بايلانىستى وقۋىن جالعاستىرۋعا قابىلەتى بولماعان جاعدايدا, ءبىلىم بەرۋ جيناقتاۋ سالىمىن:1) سالىمشى نە قازاقستان رەسپۋبليكاسىنىڭ ازاماتتىق زاڭناماسىندا بەلگىلەنگەن تارتىپپەن جانە جاعدايلاردا ونىڭ زاڭدى وكىلى نەمەسە ونىڭ مۇراگەرلەرى كەز كەلگەن ءۇشىنشى تۇلعانىڭ پايداسىنا اشىلعان (اشىلاتىن) ءبىلىم بەرۋ جيناقتاۋ سالىمىنا جىبەرەدى (قايتا رەسىمدەۋ);2) ول مەملەكەت سىيلىقاقىسى ساقتالا وتىرىپ, سالىمشىعا نە قازاقستان رەسپۋبليكاسىنىڭ ازاماتتىق زاڭناماسىندا بەلگىلەنگەن تارتىپپەن جانە جاعدايلاردا ونىڭ زاڭدى وكىلىنە نەمەسە ونىڭ مۇراگەرلەرىنە سالىم شارتىن بۇزۋ تالاپتارى بويىنشا تولەنەدى.5. بارلىق وقۋ كەزەڭى ءۇشىن ءبىلىم بەرۋ قىزمەتتەرىنە اقى تولەنگەننەن كەيىن ءبىلىم بەرۋ جيناقتاۋ سالىمىندا قاراجات قالعان كەزدە سالىمشى نە قازاقستان رەسپۋبليكاسىنىڭ ازاماتتىق زاڭناماسىندا بەلگىلەنگەن تارتىپپەن جانە جاعدايلاردا ونىڭ زاڭدى وكىلى وسى سومانى ەسەپكە جازىلعان مەملەكەت سىيلىقاقىسىمەن قوسا الۋعا قۇقىلى.6. سالىمشى نە قازاقستان رەسپۋبليكاسىنىڭ ازاماتتىق زاڭناماسىندا بەلگىلەنگەن تارتىپپەن جانە جاعدايلاردا ونىڭ زاڭدى وكىلى جيناقتالعان قاراجات سوماسىن ەسەپكە جازىلعان مەملەكەت سىيلىقاقىسىمەن قوسا قازاقستان رەسپۋبليكاسىنىڭ ازاماتى بولىپ تابىلاتىن ءۇشىنشى تۇلعانىڭ ءبىلىم بەرۋ جيناقتاۋ سالىمى تۋرالى شارتتاردىڭ بىرىڭعاي تىزىلىمىندە تىركەلگەن سالىمىنا اۋدارۋعا قۇقىلى.7. سالىمشى شەتەلدىك ءبىلىم بەرۋ ۇيىمىنا تۇسكەن جاعدايدا, سالىمشى نە قازاقستان رەسپۋبليكاسىنىڭ ازاماتتىق زاڭناماسىندا بەلگىلەنگەن تارتىپپەن جانە جاعدايلاردا ونىڭ زاڭدى وكىلى سالىمشىنى شەتەلدىك ءبىلىم بەرۋ ۇيىمىنا قابىلداۋ تۋرالى راستايتىن قۇجاتتار ۇسىنىلعان كەزدە, ەسەپكە جازىلعان مەملەكەت سىيلىقاقىسى مەن قاتىسۋشى بانك سىياقىسى ەسكەرىلە وتىرىپ, سالىمشىنىڭ جيناقتالعان قاراجاتىنان وقۋعا اقى تولەۋگە قۇقىلى. بۇل رەتتە, كەيىننەن قاراجات شەتەلدىك ءبىلىم بەرۋ ۇيىمىنا اۋدارىلعان كەزدەن باستاپ مەملەكەت سىيلىقاقىسىنىڭ ەسەپكە جازىلۋى توقتاتىلادى.3-تاراۋ. مەملەكەت سىيلىقاقىسىن ەسەپكە جازۋ, تولەۋ جانە قايتارۋ12-باپ. مەملەكەت سىيلىقاقىسى1. مەملەكەت سىيلىقاقىسى تىركەلگەن سالىم شارتى بويىنشا جيىرما جىلدان اسپايتىن مەرزىمگە ەسەپكە جازىلادى.2. مەملەكەت سىيلىقاقىسىن ەسەپكە جازۋ جيناقتاۋدىڭ ەڭ قىسقا مەرزىمى ءبىر جىل بولعان كەزدە جىل سايىن 1 قاڭتارداعى جاعداي بويىنشا سالىم سوماسىنىڭ ناقتى جيناقتالعان قالدىعىنا جۇزەگە اسىرىلادى. مەملەكەت سىيلىقاقىسى شارتتىڭ قولدانىلۋ مەرزىمىنە ەسەپكە جازىلادى.3. مەملەكەت سىيلىقاقىسى سالىمنىڭ نەگىزگى سوماسىنا قوسىلادى (كاپيتالداندىرىلادى).4. مەملەكەت سىيلىقاقىسىنىڭ ەسەپكە جازىلۋى:1) وسى باپتىڭ 1-تارماعىندا بەلگىلەنگەن ەسەپكە جازۋ مەرزىمى وتكەن جاعدايدا;2) سالىم شارتىنىڭ قولدانىلۋ مەرزىمى وتكەن جاعدايدا;3) سالىمشى قازا بولعان, سوتتىڭ ونى ارەكەتكە قابىلەتسىز, حابارسىز كەتكەن دەپ تانۋ تۋرالى شەشىمى زاڭدى كۇشىنە ەنگەن, نە ونى قايتىس بولدى دەپ جاريالاعان كۇننەن باستاپ توقتاتىلادى.5. مەملەكەت سىيلىقاقىسى قازاقستان رەسپۋبليكاسىنىڭ ۇكىمەتى بەكىتكەن مەملەكەت سىيلىقاقىسىن ەسەپتەۋ ادىستەمەسىنە سايكەس ەسەپتەلەدى.13-باپ. مەملەكەت سىيلىقاقىسىنىڭ مولشەرى1. مەملەكەت سىيلىقاقىسى ءبىلىم بەرۋ جيناقتاۋ سالىمىنىڭ سوماسىنا جىلدىق بەس پايىز, بىراق رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ايلىق ەسەپتىك كورسەتكىشتىڭ ءبىر ءجۇز ەسەلەنگەن مولشەرىنەن اسپايتىن مولشەردە ەسەپكە جازىلادى.2. مەملەكەت سىيلىقاقىسى مىناداي باسىم ساناتقا جاتقىزىلعان سالىمشىلاردىڭ پايداسىنا اشىلعان ءبىلىم بەرۋ جيناقتاۋ سالىمدارى بويىنشا جىلدىق جەتى پايىز, بىراق رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ايلىق ەسەپتىك كورسەتكىشتىڭ ءبىر ءجۇز ەسەلەنگەن مولشەرىنەن اسپايتىن مولشەردە:1) جەتىم بالالارعا جانە اتا-اناسىنىڭ قامقورلىعىنسىز قالعان, ونىڭ ىشىندە كامەلەتكە تولعان بالالارعا, بىراق ءارى كەتكەندە جيىرما ءۇش جاسقا تولعانعا دەيىن;2) مۇگەدەكتەرگە;3) بiرگە تۇراتىن ءتورت جانە ودان كوپ كامەلەتكە تولماعان بالالارى, ونىڭ iشiندە ورتا, تەحنيكالىق جانە كاسiپتiك, ورتا بiلiمنەن كەيiنگi, جوعارى جانە جوعارى وقۋ ورنىنان كەيىنگى (ماگيستراتۋرا) بiلiم بەرۋ ۇيىمدارىندا كۇندiزگi وقۋ نىسانىندا ءبىلىم الاتىن بالالارى بار كوپ بالالى وتباسىلاردان شىققان بالالارعا ولار كامەلەتكە تولعاننان كەيiن وقۋ ورنىن بiتiرەتiن ۋاقىتقا دەيiن, بiراق ءارi كەتكەندە جيىرما ءۇش جاسقا تولعانعا دەيiن;4) جان باسىنا شاققانداعى ورتاشا تابىسى ازىق-ت ۇلىك سەبەتىنىڭ قۇنىنان تومەن وتباسىلاردان شىققان بالالارعا ەسەپكە جازىلادى.3. وسى باپتىڭ 2-تارماعىنىڭ 1) جانە 2) تارماقشالارىندا اتالعان سالىمشىلاردىڭ جىلدىق جەتى پايىز مولشەرىندە مەملەكەت سىيلىقاقىسىن الۋ قۇقىعىن وپەراتور حالىقتى الەۋمەتتىك قورعاۋ سالاسىنداعى ۋاكىلەتتى ورگاننان ەسەپكە جازىلعان جىلدان كەيىنگى جىلدىڭ 1 قاڭتارىنداعى جاعداي بويىنشا قاجەتتى مالىمەتتەردى الۋ ارقىلى جىل سايىن راستايدى.وسى باپتىڭ 2-تارماعىنىڭ 3) جانە 4) تارماقشالارىندا اتالعان سالىمشىلاردىڭ جىلدىق جەتى پايىز مولشەرىندە مەملەكەت سىيلىقاقىسىن الۋ قۇقىعىن وپەراتور حالىقتى الەۋمەتتىك قورعاۋ سالاسىنداعى ۋاكىلەتتى ورگاننان راستالعان توقساننان كەيىنگى توقساننىڭ 1-كۇنىندەگى جاعداي بويىنشا قاجەتتى مالىمەتتەردى الۋ ارقىلى توقسان سايىن راستايدى.جىلدىق جەتى پايىز مولشەرىندە مەملەكەت سىيلىقاقىسى ءتيىستى جىلدا سالىمشىنىڭ باسىم ساناتقا جاتقىزىلۋى راستالاتىن ايلارعا ەسەپكە جازىلادى.4. ءبىلىم بەرۋ سالاسىنداعى ۋاكىلەتتى ورگان مەن بيۋدجەتتىك جوسپارلاۋ جونىندەگى ۋاكىلەتتى ورگان جىل سايىن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن مەملەكەت سىيلىقاقىسىن ينفلياتسيا دەڭگەيىنەن تومەن ەمەس مولشەردە ۇلعايتۋ تۋرالى ۇسىنىستار ەنگىزەدى.14-باپ. مەملەكەت سىيلىقاقىسىن بيۋدجەتكە قايتارۋ 1. ەسەپكە جازىلعان مەملەكەت سىيلىقاقىسى:1) نىسانالى ماقساتى ساقتالماي, سالىم شارتى سالىمشىنىڭ باستاماسى بويىنشا بۇزىلعان نەمەسە مەرزىمىنىڭ وتۋىنە بايلانىستى سالىم شارتى بويىنشا مىندەتتەمەلەر توقتاتىلعان;2) سالىمشىنىڭ ءبىلىم بەرۋ ۇيىمىنان شىعارىلعان كۇنىنەن باستاپ كۇنتىزبەلىك ءۇش جىل وتكەن;3) جيناقتاۋ مەرزىمى وسى زاڭدا بەلگىلەنگەن مەرزىمنەن از بولعان كەزدە مەملەكەت سىيلىقاقىسىن تولەۋ فاكتىسى انىقتالعان;4) سالىمشى قازاقستان رەسپۋبليكاسىنىڭ ازاماتتىعىن جوعالتقان جاعدايلاردا بيۋدجەتكە قايتارىلۋعا ءتيىس.2. مەملەكەت سىيلىقاقىسىن بيۋدجەتكە قايتارۋدى قاتىسۋشى بانك وپەراتور ارقىلى, ونىڭ بيۋدجەتكە قايتارىلۋعا جاتاتىن مەملەكەت سىيلىقاقىسى سوماسىنىڭ مولشەرى تۋرالى انىقتاما-ءۇزىندى كوشىرمەسى بويىنشا, وپەراتوردان انىقتاما-ءۇزىندى كوشىرمەنى قاتىسۋشى بانك العان كۇننەن باستاپ بانكتىك ءۇش كۇن ىشىندە:1) وسى باپتىڭ 1-تارماعىنىڭ 1), 2) جانە 3) تارماقشالارىندا كوزدەلگەن نەگىزدەر بويىنشا ەسەپكە جازىلعان مەملەكەت سىيلىقاقىسىنىڭ سوماسى تولىق كولەمدە;2) وسى باپتىڭ 1-تارماعىنىڭ 4) تارماقشاسىندا كوزدەلگەن نەگىز بويىنشا قازاقستان رەسپۋبليكاسىنىڭ ۇكىمەتى بەكىتكەن مەملەكەت سىيلىقاقىسىن ەسەپتەۋ ادىستەمەسىنە سايكەس ءبىلىم بەرۋ قىزمەتتەرىنە جۇمسالماعان سوما بولىگىندە جۇزەگە اسىرادى.3. سالىمشى ءبىلىم بەرۋ ۇيىمىنان شىعارىلعان كەزدە, ءبىلىم بەرۋ قىزمەتتەرىنە جۇمسالماعان سومانى ءبىلىم بەرۋ ۇيىمى وقۋدان شىعارۋ تۋرالى بۇيرىق شىققان كۇننەن باستاپ ءۇش جۇمىس كۇنى ىشىندە سالىمشىنىڭ ءبىلىم بەرۋ جيناقتاۋ سالىمىنا اۋدارۋعا ءتيىس.4-تاراۋ. مەملەكەتتىك ءبىلىم بەرۋ جيناقتاۋ جۇيەسIنە قاتىسۋشىلاردىڭ ءوزارا ءىس-قيمىلى15-باپ. ىنتىماقتاستىق تۋرالى كەلىسىم1. مەملەكەتتىك ءبىلىم بەرۋ جيناقتاۋ جۇيەسiنە قاتىسۋ ءۇشىن قاتىسۋشى بانك قازاقستان رەسپۋبليكاسىنىڭ ۇكىمەتى بەكىتكەن ىنتىماقتاستىق تۋرالى ۇلگىلىك كەلىسىم نەگىزىندە وپەراتورمەن ىنتىماقتاستىق تۋرالى كەلىسىم جاساسادى.2. قاتىسۋشى بانكتەرگە مىناداي تالاپتار قويىلادى:1) قازاقستان رەسپۋبليكاسى ۇلتتىق بانكىنىڭ دەپوزيتتەر قابىلداۋعا, جەكە تۇلعالاردىڭ بانك شوتتارىن اشۋعا جانە جۇرگىزۋگە, كاسسالىق وپەراتسيالاردى جۇرگىزۋگە ارنالعان ليتسەنزيالارىنىڭ بولۋى;2) دەپوزيتتەرگە مىندەتتى كەپىلدىك بەرۋ جۇيەسىنە قاتىسۋ;3) وبلىس ورتالىقتارىندا, استانادا جانە رەسپۋبليكالىق ماڭىزى بار قالالاردا فيليالداردىڭ بولۋى;4) ىنتىماقتاستىق تۋرالى كەلىسىم جاساسۋ (قايتا جاساسۋ) كەزىندە قازاقستان رەسپۋبليكاسىنىڭ ۇلتتىق بانكى قولدانعان كۇشى بار شەكتەۋلى ىقپال ەتۋ شاراسىنىڭ جانە (نەمەسە) سانكتسياسىنىڭ بولماۋى.3. وپەراتور ءبىلىم بەرۋ قىزمەتتەرىنە اقى تولەۋ ءبىلىم بەرۋ جيناقتاۋ سالىمىنىڭ قاراجاتى ەسەبىنەن جۇزەگە اسىرىلاتىن ءبىلىم بەرۋ ۇيىمىمەن ىنتىماقتاستىق تۋرالى بەكىتىلگەن ۇلگىلىك كەلىسىم نەگىزىندە ىنتىماقتاستىق تۋرالى كەلىسىم جاساسادى.4. ىنتىماقتاستىق تۋرالى كەلىسىمدە نىساناسى, تاراپتاردىڭ قۇقىقتارى مەن مىندەتتەرى, ولاردىڭ ءوزارا ءىس-قيمىلىنىڭ شارتتارى, ءتارتىبى جانە جاۋاپكەرشىلىگى قامتىلۋعا ءتيىس.16-باپ. مەملەكەتتىك ءبىلىم بەرۋ جيناقتاۋ جۇيەسiنە قاتىسۋشىلاردىڭ سالىم شارتىن جاساسۋ جانە ونىڭ قولدانىلۋى كەزىندەگى ءوزارا ءىس-قيمىلى1. سالىم شارتىن جاساسۋ كەزىندە قاتىسۋشى بانك سالىمشىنىڭ وسى زاڭدا بەلگىلەنگەن تالاپتارعا ساي كەلەتىندىگىن, سونداي-اق سالىمشىنىڭ اتىنا اشىلعان قولدانىستاعى سالىم شارتىنىڭ جوقتىعىن تەكسەرەدى.2. ءاربىر سالىم شارتى بويىنشا قاتىسۋشى بانك ىنتىماقتاستىق تۋرالى كەلىسىمدە بەلگىلەنگەن مەرزىمدەردە جانە تارتىپپەن وپەراتورعا سالىمشى, شوتتىڭ جاي-كۇيى, سالىمشى اقشاسىنىڭ قوزعالىسى, مەملەكەت سىيلىقاقىسىنىڭ ەسەپكە جازىلۋى جانە سوماسى تۋرالى مالىمەتتەردى, سونداي-اق وزگە دە قاجەتتى مالىمەتتەردى ۇسىنادى.3. وپەراتور سالىمشىلاردىڭ قازاقستان رەسپۋبليكاسى ازاماتتىعىنا جاتاتىندىعىن راستاۋ تۋرالى مالىمەتتەردى سۇراتادى, ال قۇجاتتاندىرۋ جانە پاسپورتتار مەن جەكە كۋالىكتەردى بەرۋ جونىندەگى ۋاكىلەتتى ورگان جىل سايىن 1 قاڭتارعا قاراي ولاردى ۇسىنادى.17-باپ. مەملەكەتتىك ءبىلىم بەرۋ جيناقتاۋ جۇيەسىنە قاتىسۋشىلاردىڭ مەملەكەت سىيلىقاقىسىن ەسەپتەۋ جانە ەسەپكە جازۋ كەزىندەگى ءوزارا ءىس-قيمىلى1. وپەراتور جىل سايىن اعىمداعى جىلعى 1 ساۋىرگە دەيىنگى مەرزىمدە قاتىسۋشى بانكتەردىڭ سالىم شارتتارى بويىنشا ۇسىنعان مالىمەتتەرىنىڭ نەگىزىندە ءبىلىم بەرۋ سالاسىنداعى ۋاكىلەتتى ورگانعا الداعى قارجى جىلىنا ارنالعان مەملەكەت سىيلىقاقىلارىن ەسەپكە جازۋدىڭ بولجامدى ەسەپتەۋلەرىن ۇسىنادى.2. ەسەپتى جىلدىڭ قورىتىندىلارى بويىنشا وپەراتور حالىقتى الەۋمەتتىك قورعاۋ سالاسىنداعى ۋاكىلەتتى ورگان مەن قۇجاتتاندىرۋ جانە پاسپورتتار مەن جەكە كۋالىكتەردى بەرۋ جونىندەگى ۋاكىلەتتى ورگاننان قاجەتتى مالىمەتتەردى العاننان كەيىن,ەسەپتى جىلدان كەيىنگى جىلدىڭ 15-قاڭتارىنا دەيىن ءبىلىم بەرۋ سالاسىنداعى ۋاكىلەتتى ورگانعا مەملەكەت سىيلىقاقىلارىنىڭ تۇپكىلىكتى ەسەپتەۋىن ۇسىنادى.3. ءبىلىم بەرۋ سالاسىنداعى ۋاكىلەتتى ورگان وپەراتوردان مەملەكەت سىيلىقاقىلارى سوماسىنىڭ تۇپكىلىكتى ەسەپتەۋىن العاننان كەيىن ەسەپتى جىلدان كەيىنگى جىلدىڭ 15 اقپانىنا دەيىن وپەراتوردىڭ شوتىنا مەملەكەت سىيلىقاقىلارىنىڭ جالپى سوماسىن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن اۋدارادى.4. وپەراتور ءبىلىم بەرۋ سالاسىنداعى ۋاكىلەتتى ورگاننان مەملەكەت سىيلىقاقىلارىنىڭ جالپى سوماسىن العان كۇننەن باستاپ بەس جۇمىس كۇنى ىشىندە ءاربىر جاساسىلعان سالىم شارتى بويىنشا مەملەكەت سىيلىقاقىسىنىڭ مولشەرى تۋرالى مالىمەتتەردى ۇسىنا وتىرىپ, قاتىسۋشى بانككە مەملەكەت سىيلىقاقىلارىن ەسەپكە جاتقىزۋدى جۇرگىزەدى.5. قاتىسۋشى بانك وپەراتوردان مەملەكەت سىيلىقاقىلارىنىڭ جالپى سوماسىن العان كۇننەن باستاپ ەكى جۇمىس كۇنى ىشىندە سالىمشىلاردىڭ شوتتارىنا مەملەكەت سىيلىقاقىلارىن ەسەپكە جاتقىزادى.18-باپ. مەملەكەتتىك ءبىلىم بەرۋ جيناقتاۋ جۇيەسiنە قاتىسۋشىلاردىڭ ءبىلىم بەرۋ قىزمەتتەرىنە اقى تولەۋ كەزىندەگى ءوزارا ءىس-قيمىلى1. ءبىلىم بەرۋ جيناقتاۋ سالىمى ارقىلى ءبىلىم بەرۋ قىزمەتتەرىنە اقى تولەۋ سالىمشىنىڭ ءوتىنىشى بويىنشا جۇزەگە اسىرىلادى. ءبىلىم بەرۋ قىزمەتتەرىن كورسەتۋ شارتىنىڭ كوشىرمەسى ۇسىنىلعان كەزدە قاتىسۋشى بانك ءبىر جۇمىس كۇنى ىشىندە قاراجاتتى ءبىلىم بەرۋ جيناقتاۋ سالىمىنان ءبىلىم بەرۋ ۇيىمىنىڭ بانك شوتىنا اۋدارادى.2. وقۋعا قابىلدانعان, اۋىسقان, اكادەميالىق دەمالىس رەسىمدەلگەن, اكادەميالىق دەمالىستان ورالعان, وقۋعا قايتا قابىلدانعان, ءبىلىم بەرۋ ۇيىمىنان شىعارىلعان, ونىڭ ىشىندە وقۋدى بىتىرۋگە بايلانىستى شىعارىلعان كەزدە, سالىمشى ءۇش جۇمىس كۇنىنەن كەشىكتىرىلمەيتىن مەرزىمدە قاتىسۋشى بانككە جانە وپەراتورعا راستايتىن قۇجاتتاردىڭ كوشىرمەلەرىن ۇسىنادى.3. ءبىلىم بەرۋ ۇيىمى:1) سالىمشىنىڭ وقۋعا قابىلدانۋى, اۋىسۋى, اكادەميالىق دەمالىستى رەسىمدەۋى, اكادەميالىق دەمالىستان ورالۋى, وقۋعا قايتا قابىلدانۋى, ءبىلىم بەرۋ ۇيىمىنان شىعارىلۋى, ونىڭ ىشىندە وقۋدى بىتىرۋگە بايلانىستى شىعارىلۋى تۋرالى ءتيىستى قۇجاتتاردىڭ كوشىرمەلەرىن جىبەرۋ ارقىلى ولار قابىلدانعان كۇننەن باستاپ ءۇش جۇمىس كۇنىنەن كەشىكتىرىلمەيتىن مەرزىمدە قاتىسۋشى بانكتى جانە وپەراتوردى حاباردار ەتەدى;2) سالىمشىنىڭ نەمەسە قاتىسۋشى بانكتىڭ تالاپ ەتۋى بويىنشا قاجەت بولىپ تۇرعان اكادەميالىق كەزەڭدەگى وقۋ قۇنى نەمەسە انىقتاما بەرىلەتىن كۇنگى وقۋدىڭ تولىق قۇنى تۋرالى انىقتاما بەرەدى;3) وپەراتوردىڭ سۇراۋ سالۋى بويىنشا ءبىلىم بەرۋ ۇيىمىندا ءبىلىم الاتىن سالىمشى تۋرالى قاجەتتى مالىمەتتەردى ۇسىنادى;4) سالىمشى باسقا ءبىلىم بەرۋ ۇيىمىنا اۋىسقان كەزدە, قابىلدايتىن ءبىلىم بەرۋ ۇيىمىنىڭ شوتىنا ءبىلىم بەرۋ قىزمەتتەرىنە تولەنگەن اقىنىڭ قالدىعىن اۋدارادى, بۇل جونىندە وپەراتوردى ءۇش جۇمىس كۇنى ىشىندە حاباردار ەتەدى.ءبىلىم بەرۋ ۇيىمى سالىمشىنىڭ وقۋى ءۇشىن العان سوما مەن وقۋدان شىعارۋ تۋرالى بۇيرىق شىققان كۇنگە ناقتى الىنعان ءبىلىم بەرۋ قىزمەتتەرى قۇنىنىڭ سوماسى اراسىنداعى ايىرما ءبىلىم بەرۋ قىزمەتتەرىنە تولەنگەن اقى قالدىعى بولىپ تابىلادى. 5-تاراۋ. قورىتىندى ەرەجەلەر19-باپ. مەملەكەتتىك ءبىلىم بەرۋ جيناقتاۋ جۇيەسiن مەملەكەتتىك قولداۋ1. قازاقستان رەسپۋبليكاسىنىڭ زاڭناماسىنا سايكەس ءبىلىم بەرۋ جيناقتاۋ سالىمى جەكە تۇلعالاردىڭ دەپوزيتتەرىنە مىندەتتى كەپىلدىك بەرۋ وبەكتىسى بولىپ تابىلادى.2. مەملەكەتتىك ءبىلىم بەرۋ جيناقتاۋ جۇيەسi شەڭبەرىندە سالىمشى ءبىلىم بەرۋ كرەديتىن جەڭىلدەتىلگەن شارتتارمەن الۋعا ءوتىنىش بىلدىرۋگە قۇقىلى. ءبىلىم بەرۋ كرەديتى قارىز الۋشىعا جيناقتالعان سوما وقۋ اقىسىن تولىق كولەمدە تولەۋ ءۇشىن قاجەتتى سومانىڭ كەم دەگەندە ەلۋ پايىزى مولشەرىن قۇراعان كەزدە ءبىلىم بەرۋ ۇيىمىندا وقۋ قۇنىنىڭ ۇلعايۋ سوماسىنا ونى تۇزەتۋ مۇمكىندىگىمەن قالعان سوماعا كرەديتوردىڭ كرەديتتىك جەلى اشۋى ارقىلى مەملەكەت ۋاكىلەتتىك بەرگەن ۇيىمنىڭ ءجۇز پايىز كەپىلدىگىمەن بەرىلەدى. 20-باپ. وسى زاڭدى قولدانىسقا ەنگىزۋ ءتارتىبىوسى زاڭ العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن. نازارباەۆ.استانا, اقوردا, 2013 جىلعى 14 قاڭتار. № 67-V قرز