مەملەكەت باسشىسى قاسىم-جومارت توقاەۆتىڭ حالىققا جولداۋىنداعى باسىم باعىتتار ەلدەگى الەۋمەتتىك ماسەلەلەردىڭ وڭتايلى شەشىم تابۋىنا جول اشادى. بۇل تۋرالى كەشە ەۋرازيالىق ينتەگراتسيا ينستيتۋتى ساراپشىلارى باس قوسقان جيىندا كەڭىنەن ءسوز بولدى.
جيىندا ايتىلعانداي, پرەزيدەنتتىڭ العاشقى جولداۋى ساراپشىلار قاۋىمىنىڭ عانا ەمەس, قالىڭ بۇقارانىڭ اراسىندا دا زور قىزىعۋشىلىق تۋدىردى. بايانداماشىلار جولداۋدا ستراتەگيالىق, ەكونوميكالىق, ساياسي دامۋ ۆەكتورلاردىڭ قامتىلۋىن كەڭىنەن اڭگىمەلەپ, باسىم باعىتتارعا توقتالدى. ەۋرازيالىق ينتەگراتسيا ينستيتۋتى ديرەكتورىنىڭ ورىنباسارى دارحانبەك جۇمانعاليەۆتىڭ ايتۋىنشا, جولداۋدا ەل دامۋى ءۇشىن اسا ماڭىزدى كوكەيكەستى ماسەلەلەردى قامتىپ, ونىڭ شەشۋ جولدارىن ايقىن كورسەتتى. سونداي-اق بىرقاتار مەملەكەتتىك ورگانعا ناقتى تاپسىرمالار بەرىلدى. جيىندا ءسوز العان PhD دوكتورى داۋرەن بازاروۆ 90-شى جىلدارى قابىلدانعان قۇجاتتاردا تاۋەلسىزدىك, ەلدىك, ءتىل ماسەلەسى كوتەرىلسە, ودان كەيىن بىرتىندەپ ەلدەگى الەۋمەتتىك ماسەلەلەر نازارعا الىنعانىن, ال كەشەگى جولداۋدا باسىمدىق بەرىلىپ وتىرعان ماڭىزدى سالالاردىڭ ىشىندە ادام كاپيتالىن دامىتۋ, قۇقىق قورعاۋ سالالارىنا ەرەكشە كوڭىل بولىنگەنىن اتاپ ءوتتى.
− الەمدەگى دامىعان ەلدەردىڭ ۇلگىسىن الار بولساق, ادامي قۇندىلىقتاردىڭ جولعا قويىلعانىن كورەمىز. مىسالى, كەشەگى جولداۋدا قامتىلعان بەيبىت, رۇقسات ەتىلگەن ميتينگتەردى ۇيىمداستىرۋ باتىس ەلدەرىندە قالىپتى ۇدەرىس. سونىمەن قاتار جۇمىس رەجىمىنىڭ قالىپتاسۋى, سوعان ساي جالاقى تولەنۋى, ەڭبەك قابىلەتىنىڭ دۇرىس باعالانۋى سىندى وڭ تاجىريبەلەردىڭ ەنگىزىلۋى مىندەتتەلىپ وتىر. بۇعان قوسا, الەۋمەتتىك, ساياسي, يدەولوگيالىق باعىتتار دا جولداۋدا جان-جاقتى قامتىلعان, – دەدى ساراپشى.
جينالعاندار پرەزيدەنت باستامالارىنىڭ ورىندالۋى ءۇشىن قۇزىرلى ورگاندار عانا ەمەس, قوعام بولىپ جاپپاي اتسالىسۋ كەرەكتىگىن جەتكىزدى.