قوعام بەلسەندىلەرى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ قازاقستان حالقىنا جولداۋىنىڭ نەگىزگى باعىتتارىن قوستاناي وبلىستىق پوليتسيا دەپارتامەنتىنىڭ جەكە قۇرامىمەن كەزدەسۋدە تالقىلادى. وعان قوستاناي وبلىسى قوعامدىق كەڭەسىنىڭ مۇشەسى, قازاقستان رەسپۋبليكاسى پارلامەنتى سەناتىنىڭ ءبىرىنشى شاقىرىلىم دەپۋتاتى, قازاقستان رەسپۋبليكاسى پارلامەنتى ءماجىلىسىنىڭ ەكىنشى شاقىرىلىم دەپۋتاتى, پروفەسسور سەرگەي جالىبين جانە ا. بايتۇرسىنوۆ اتىنداعى قمۋ پرورەكتورىنىڭ مىندەتىن اتقارۋشى, زاڭ عىلىمدارىنىڭ كانديداتى ءالىمجان بەكماعامبەتوۆ قاتىستى.
«جولداۋ كوپتەگەن ماسەلەلەردى قامتيدى. بۇل رەتتە ەلباسى ساياساتىمەن ساباقتاستىقتى ەرەكشە اتاپ وتكەن ءجون. بۇعان بۇرىن جاريالانعان بەس ينستيتۋتسيونالدىق رەفورمالار مەن ۇلت جوسپارىن جانە «نۇرلى جول» باعدارلاماسىمەن بايلانىستى. سونىمەن قاتار, ءبىرىنشى جولداۋدا مەملەكەتتىك قىزمەت سالاسىندا بۇرىن كەزدەسپەگەن جاڭا تاسىلدەردىڭ كۋاسى بولاتىن بىرقاتار وزگەرىستەر بار. بىرىنشىدەن, پرەزيدەنت الداعى رەفورمالار ەلىمىزدىڭ قوعامدىق-ساياسي ءومىرىن جاڭعىرتۋسىز مۇمكىن ەمەس ەكەنىن اتاپ ءوتتى. ەكىنشىدەن, حالىق بيلىكتىڭ جۇمىسىن دەربەس باعالايتىن بولادى. مۇنى ساۋالناما ادىسىمەن جاساۋ ۇسىنىلدى. ەگەر حالىقتىڭ 30 پايىزى اكىمنىڭ جۇمىسى تۋرالى جاعىمسىز ايتسا, وندا بۇل ارنايى كوميسسيا قۇرۋ ءۇشىن سەبەپ بولماق. ۇشىنشىدەن, مەملەكەتتىك ورگانداردىڭ قىزمەتىنە قوعامدىق كەڭەستەر مەن ۇلتتىق قوعامدىق سەنىم كەڭەسىنىڭ ءرولى كۇشەيتىلەدى» دەدى سەرگەي جالىبين. جولداۋدا جەكە تۇلعانىڭ قۇقىقتارىن قورعاۋدى كۇشەيتۋ, سونداي-اق سىبايلاس جەمقورلىققا قارسى ءىس-قيمىل شارالارىن كۇشەيتۋ قاجەتتىلىگى ايتىلدى. بۇل جۇمىستىڭ ايتارلىقتاي بولىگى قۇقىق قورعاۋ ورگاندارىنا جۇكتەلەدى.
«سىبايلاس جەمقورلىققا قارسى كۇرەس نورماتيۆتىك-قۇقىقتىق بازاداعى ينستيتۋتسيونالدىق وزگەرىستەرسىز مۇمكىن ەمەس. سوندىقتان, سەرگەي ميحايلوۆيچ جولداۋدا بۇرىن قولدانىلىپ جۇرگەن, بىراق ودان كەيىن جويىلعان نورماتيۆتىك-قۇقىقتىق اكتىلەردىڭ سىبايلاس جەمقورلىققا قارسى ساراپتاماسىن قالپىنا كەلتىرۋ جانە وعان تەرىس اسەر ەتۋ تەتىكتەرىن بەلسەندى پايدالانۋ قاجەتتىگى اتاپ كورسەتىلگەنىن دە ايتىپ ءوتى.
پوليتسيا جۇمىسىن باعالاۋدىڭ نەگىزگى ولشەمى – حالىقتىڭ سەنىمى بولۋى ءتيىس. پرەزيدەنتتىڭ ايتۋىنشا, پوليتسيا ازاماتتارعا ولاردىڭ قاۋىپسىزدىگىن قامتاماسىز ەتۋ ءۇشىن قىزمەت كورسەتەتىن ورگان بولماق. ءالىمجان بەكماعامبەتوۆ قوعامدىق سانانى جاڭعىرتۋ گەنەتيكا, ساندىق تەحنولوگيالار سالاسىندا كوپتەگەن عىلىمي جاڭالىقتار باستاۋ العانىن اتاپ ءوتتى.
«بۇگىندە زاڭ شىعارۋ وسى ۇدەرىستەرگە ۇلگەرۋى ماڭىزدى. ءبىز گەنەتيكا سالاسىنداعى جاساندى وندەمەلەر, سەرپىندى تەحنولوگيالار تۋرالى اڭگىمە جۇرگىزۋدەمىز. بۇل باعىتتاردى زاڭنامالىق رەتتەۋ قاجەت» دەدى ءالىمجان بەكماعامبەتوۆ. سونىمەن قااتر ول «تىڭداۋشى مەملەكەت» تۇجىرىمداماسىن ىسكە اسىرۋ ماڭىزدىلىعىن اتاپ ءوتتى.
«كوپ جاعدايدا ەڭ وتكىر ماسەلەلەردى شەشۋگە كومەكتەسەتىن قوعامدىق ينستيتۋتتار قۇرىلعان, ونسىز مەملەكەتتىڭ ودان ءارى دامۋى مۇمكىن ەمەس. مىسالى, پوليتسيادا قۇرىلعان كونسۋلتاتيۆتىك-كەڭەسشى ورگاندار ءوز تيىمدىلىگىن العاش رەت دالەلدەپ وتىر. ولاردىڭ كومەگىمەن قوعام ديالوگ جۇرگىزىپ, بيلىكتىڭ نازارىن ماسەلەلەرگە اۋدارادى» دەپ اتاپ ءوتتى ءالىمجان باۋىرجان ۇلى.
كەزدەسۋ سوڭىندا پوليتسيا قىزمەتكەرلەرى بەلگىلى زاڭگەرلەرگە ەلىمىزدىڭ زاڭنامالىق ءورىسىن ودان ءارى دامىتۋعا قاتىستى سۇراقتار قويدى. پوليتسيا دەپارتامەنتىندە جەرگىلىكتى جەرلەردەگى قۇقىق قورعاۋ ورگاندارى رەفورماسىنىڭ بارىسىن تۇسىندىرەتىن ارنايى توپ قۇرىلعانىن اتاپ ءوتۋ قاجەت. باسقوسۋدا الداعى جىلدارى قوعامداعى پوليتسيا بەينەسى مۇلدەم باسقاشا بولاتىنى ايتىلدى.