پوشتا وپەراتورىنىڭ العاشقى Qpost چات-بوتى post.kz سايتىنا جانە Facebook-تاعى رەسمي پاراقشاسىندا پايدا بولدى, ال 28 تامىزدا ول Telegram-دا قوسىلادى. بۇل تۋرالى «كازپوچتا» اق ءباسپاسوز قىزمەتى حابارلادى.
بۇگىنگى كۇنگە دەيىن كومپانيا كليەنتتەرىنىڭ سۇراقتارى مەن ارىزدارىن 8 بايلانىس كانالى ارقىلى الدى. ەندى بارلىق وتىنىشتەر ءۇشىن ءبىر كىرىس كانالى پايدا بولدى. بۇل كانالدى چات-بوتتان باسقا ساپا قىزمەتىنىڭ وپەراتورلارى باقىلاپ, كليەنتتەرگە دەر كەزدە كومەك كورسەتەدى.
جاساندى ينتەللەكت تەحنولوگيالارى مەن الگوريتمدەرىن قولدانا وتىرىپ ىسكە قوسىلعان ءبىزدىڭ ۆيرتۋالدى كومەكشىمىز جىبەرىلىمدەردى قاداعالاپ, ورنالاسقان جەرىن حابارلايدى, تاريفتەر تۋرالى اقپارات بەرەدى, پوشتا قىزمەتىن الۋعا بايلانىستى بارلىق ماسەلەلەر بويىنشا كەڭەس بەرەدى.
ەگەر چات-بوت كليەنتكە قاجەتتى ماسەلە تۋرالى اقپارات بەرە الماسا, ونى قازپوشتانىڭ بايلانىس ورتالىعىنىڭ وپەراتورىنا قوسادى.
ءبىزدىڭ ونلاين-كومەكشىمىز ودان ءارى دامىپ, قىزمەت كورسەتۋ كەزىندە ءبىلىمىن ودان ءارى ارتتىرادى. ول نەعۇرلىم كوپ سۇرانىستاردى وڭدەسە, ونىڭ جاۋاپتارى تەز جانە ساپالى بولادى.