4-7 تامىز ارالىعىندا اقپارات جانە قوعامدىق دامۋ مينيسترلىگى كەاق «ازاماتتىق باستامالاردى قولداۋ ورتالىعىنىڭ» قولداۋىمەن «KAZBRANDS» قوعامدىق قورى باياناۋىلداعى جاسىباي كولى جاعاسىندا جاستاردى مەنتورلىق لاگەرىنە شاقىردى.
لاگەردىڭ اشىلۋىندا ءماجىلىس دەپۋتاتى ارمان قوجاحمەتوۆ, «KAZBRANDS» قق قامقورشىلار كەڭەسىنىڭ توراعاسى نۇرلان جازىلبەكوۆ, جوبا جەتەكشىسى جاننا قايكەنوۆا, س. تورايعىروۆ اتىنداعى مەملەكتتىك ۋنيۆەرسيتەت رەكتورى مىندەتىن اتقارۋشى مەيرام بەگەنتاەۆتار قاتىسىپ, جاستارعا ارناپ ءسوز سويلەدى.
سوندىقتان, بۇگىنگى جيىننىڭ ماقساتى-تالىمگەرلىك يدەيا, تالىمگەرلىك تاجىريبەمەن ءبولىسۋ. جالپى تالىمگەرلىك ءاربىر جاستىڭ جەكە تۇلعا بولىپ قالىپتاسۋىنا جول اشادى. تالىمگەرلىك تابىسقا جەتكىزەدى. تالىمگەردىڭ كەڭەستەرى-وزدەرىنىڭ تالىمگەرلەرىن ىزدەيدى,-دەيدى جوبا جەتەكشىسى جاننا قايكەنوۆا.
جاستار لاگەرى الاڭىنا تاجىريبەلى سەرتيفيكاتتالعان قازاقستاندىق تالىمگەرلەر ايدار ابراەۆ, دانيار ايتىشەۆ, بلوگەر ءانۋار ءشارىپوۆ, ليديا تايجانوۆا- ششەربينينا قاتىستى.
مەنتورلىق جاستار لاگەرىندەگى تالىمگەرلىك وقۋلارعا 4 كۇن بويى 13 پەن 29 جاس ارالىعىنداعى جەرگىلىكتى مەكتەپ وقۋشىلارى, ستۋدەنتتەر, كاسىپكەرلەر, جۇمىسشى جاستار جانە اۋىل جاستارى قاتىستى. ءتۇرلى قىزىقتى دەباتتار, سەمينارلار, ترەنينگتەر جانە تالىمگەر جەتەكشىلەرمەن كەزدەسۋلەر ءوتتى. تالىمگەرلىك وقۋلاردى, ترەنينگتەردى نۇر-سۇلتان قالاسىنان كەلگەن ەلىمىزگە تانىمال بلوگەرلەر, كاسىپكەرلەر جۇرگىزدى.
بۇعان دەيىن شىلدە ايىندا «KAZBRANDS» قوعامدىق قورىنىڭ وڭىرلەردەگى جاس كوشباسشىلارى مەن جاتتىقتىرۋشىلارىنىڭ جوباسى ىسكە قوسىلعانى بەلگىلى.
قازىر ەلىمىزدە مەنتورلىق-تالىمگەرلىك جوباسى باستالادى. قور وڭىرلەرگە بارىپ, جاستار اراسىندا كەزدەسۋلەر, سەمينارلار, ءتۇرلى ترەنينگتەر وتكىزۋدە.
وڭىردەگى اقسۋ قالاسى №7 مەكتەپتىڭ پسيحولوگى فاريدا ەسەنباەۆانىڭ ايتۋىنشا, بۇل فورۋمنىڭ ماقساتى − جاستارعا ءوز جولىن تابۋعا, ءوزىن-ءوزى تاني الۋعا كومەكتەسۋ. مەن «بالالار جانە كاسىپكەرلىك» تاقىرىبىندا جۇمىس ىستەيتىن مەنتور بولعان سوڭ, ايدار ابراەۆتىڭ ترەنينگتەرى ۇنادى. ويتكەنى, ايدار تالىمگەر «تابىستى كاسىپكەر بولۋدىڭ جولدارى», ء«وز الەۋەتىن قالاي پايدالانۋعا بولادى؟» اتتى قىزىقتى ترەنينگتەر وتكىزدى,-دەيدى.
مەنتورلىق لاگەر جۇمىسىنا قاتىسقان ءماجىلىس دەپۋتاتى ارمان قوجاحمەتوۆتىڭ ايتۋىنشا, تالىمگەرلىك ينستيتۋى دەگەن قوعام مەن مەملەكەت ءۇشىن ماڭىزى زور بۇرىننان كەلە جاتقان ءداستۇرلى جول دەۋگە بولادى. قازىرگى كۇنى دە تالىمگەرلىك, جاستارعا جول كورسەتۋ, قولداۋ − وزەكتى.
- جالپى, مەنتورلىق جوبا مەملەكەتتىڭ قولداۋىمەن باستالدى. مەنتورلىق جۇمىس بيزنەسكە عانا ەمەس, بارلىق سالاعا قاجەت. مەملەكەتتىك ورگانداردا دا وزەكتى. قازىرگى جاستار وتە ءبىلىمدى. بىراق ومىرلىك تاجىريبەلەرى از. ال, ولارعا باعىت-باعدار بەرەتىن تالىمگەر كەرەك,-دەيدى قوردىڭ جاۋاپتى وكىلى نۇرلان جازىلبەكوۆ.
سونداي-اق, قوعامدىق قور وڭىرلىك جاستار ماسەلەلەرىن تالداۋ ماقساتىندا تىڭ زەرتتەۋلەردى ۇيىمداستىرۋ ءۇشىن ساراپشىلار توبىن جيناپ, سونىڭ قورىتىندىسىمەن ينتەراكتيۆتى كارتا ازىرلەۋدى جوسپارلاپ وتىر.
ۇيىمداستىرۋشىلاردىڭ ايتۋىنشا, جالپى, باياناۋىلداعى ءىس-شارا بارىسىندا ءومىردىڭ تابىستى تراەكتورياسىن قۇرۋدا, مەنتورينگ قۇرالدارى ارقىلى جەكە دامۋ مەن ءوزىن-ءوزى ايقىنداۋدا جاستارعا قولداۋ كورسەتۋدىڭ جاڭا مۇمكىندىكتەرى قاراستىرىلدى, ۇزدىك مەنتورلىق تاجىريبەلەردى پايدالانۋ جانە قۇرۋ ماسەلەسى تالقىلاندى.
بۇدان بولەك, وڭىرلەردە جاستار بويىنشا بىرىڭعاي اقپارات جيناۋعا جانە جاستار ۇەۇ اراسىندا كەرى بايلانىس بەرۋگە مۇمكىندىك الادى
باياناۋىلدىڭ «تۇما» جاستار قوعامدىق بىرلەستىگىنىڭ جەتەكشىسى باتىربەك ارقارباي ۇلىنىڭ ايتۋىنشا, اۋىل جاستارىن شارۋاشىلىقتارداعى جۇمىسپەن شەكتەۋگە بولمايدى. ولارعا زاماناۋي عىلىم-ءبىلىمنىڭ تەتىكتەرىن ۇيرەتۋ قاجەت. وسىنداي ترەنينگتەردى ءجيى ۇيىمداستىرۋ كەرەك. مەنتورلىق ترەنينگتەر-اۋىل جاستارىن كاسىپكەرلىككە باۋلۋعا, وسى سالادا ءوز ورنىن تابۋعا مۇمكىندىك بەردى.
تاجىريبەلى مامانداردان ءتالىم العان قاتىسۋشىلار شارانىڭ سوڭعى كۇنىندە ارنايى سەرتيفيكاتتارمەن ماراپاتتالىپ, ەستەلىك سۋرەتكە ءتۇستى.
پاۆلودار وبلىسى
سۋرەتتى تۇسىرگەن: ولگا بۋگاەۆا