جۇما, 7 ماۋسىم 2013 1:47
قازاقمىس توبى ۆلاديمير كيمنىڭ توپ پرەزيدەنتى لاۋازىمىنا كىرىسكەنى تۋرالى حابارلايدى. ۆ.كيم مىرزا بۇل كومپانيادا 1995 جىلدان بەرى جۇمىس ىستەپ, ءبىرتالاي جەتىستىكتەرگە قول جەتكىزدى. بىرنەشە مىس اكتيۆتەرىنەن قۇرالعان اۋەلگىدەگى قازاقمىستى وندىرىستىك بىرلەستىك تۇرپاتىنان ورتالىق ازياداعى اسا ءىرى تابيعي رەسۋرستاردى وڭدەۋشى كومپانيالاردىڭ ىقپالداسقان توبىنا اينالۋىنا ىقپال ەتتى.
جۇما, 7 ماۋسىم 2013 1:47
قازاقمىس توبى ۆلاديمير كيمنىڭ توپ پرەزيدەنتى لاۋازىمىنا كىرىسكەنى تۋرالى حابارلايدى. ۆ.كيم مىرزا بۇل كومپانيادا 1995 جىلدان بەرى جۇمىس ىستەپ, ءبىرتالاي جەتىستىكتەرگە قول جەتكىزدى. بىرنەشە مىس اكتيۆتەرىنەن قۇرالعان اۋەلگىدەگى قازاقمىستى وندىرىستىك بىرلەستىك تۇرپاتىنان ورتالىق ازياداعى اسا ءىرى تابيعي رەسۋرستاردى وڭدەۋشى كومپانيالاردىڭ ىقپالداسقان توبىنا اينالۋىنا ىقپال ەتتى.
قازاقمىس 2005 جىلى لوندون قور بيرجاسىندا ليستينگتەن ويداعىداي وتكەن سوڭ, ۆلاديمير كيم قازاقستان تاريحىندا العاش رەت حالىقارالىق اشىق كومپانيانىڭ ديرەكتورلار كەڭەسى توراعاسى تىزگىنىن قولىنا ۇستادى. حالىقارالىق دەڭگەيگە شىعۋ كومپانياعا الەمدەگى الپاۋىت مىس وندىرۋشىلەر تىزىمىندە تۇراقتاۋىنا, كورپوراتيۆتىك باسقارۋ مەن جاريالى ەسەپتىلىكتىڭ ساپاسىن جاقسارتۋعا, توپقا كىرەتىن اكتيۆتەردىڭ ءتيىمدىلىگىن ارتتىرۋعا جانە ءوندىرىستى كەڭەيتۋ بويىنشا ءىرى جوبالاردى ۇزاق مەرزىمدى قارجىلاندىرۋعا مۇمكىندىك تۋعىزدى. بۇدان بۇرىن حابارلانعانىنداي, اكتسيونەرلەردىڭ جىل سايىن بولاتىن جينالىسىندا, ياعني بيىل وتكەن باسقوسۋىندا مىناداي ماڭىزدى ءجايت جاريالاندى. ديرەكتورلار كەڭەسىنە 8 جىلداي جەتەكشىلىك ەتكەننەن كەيىن جانە دە كورپوراتيۆتىك باسقارۋدىڭ حالىقارالىق ستاندارتتارىنا ءسايكەس, ۆلاديمير كيم وكىلەتتىگىن تاۋەلسىز ديرەكتور سايمون حيلگە وتكىزىپ بەردى. بىراق ول ديرەكتورلار كەڭەسىنىڭ مۇشەسى بولىپ قالا بەرەدى. ال قازاقمىس پرەزيدەنتى رەتىندە كومپانياداعى ءوزىنىڭ ۇلەستەرىن ەش وزگەرتپەستەن توپتى ودان ءارى دامىتۋعا بەلسەنە اتسالىسادى.
قازىرگى كەزدە قازاقمىس توبى ورتالىق ازيا وڭىرىندە جالپى سوماسى 6 ميلليارد اقش دوللارى بولاتىن ينۆەستيتسيالىق باعدارلامانى جۇزەگە اسىرۋ ۇستىندە. باعدارلامانىڭ باسىم باعىتى – قازاقستانداعى بوزشاكول جانە اقتوعاي مىس كەن ورىندارىن كەڭىنەن يگەرۋ ەكەن. بۇل كەنىشتەر قازاقمىستىڭ وندىرىستىك قۋاتتىلىعىن ەلەۋلى تۇردە ارتتىرىپ, قادامىن قارىشتاپ باستىرادى.
– وتكەن 8 جىل ىشىندە ءبىز ايتارلىقتاي العا ىلگەرىلەپ, تىكەلەي – ىقپالداسقان وندىرىستىك حولدينگتى قالىپتاستىرۋدى اياقتادىق, اكتيۆتەردى شوعىرلاندىرىپ, ولاردىڭ تيىمدىلىگىن ەداۋىر كوتەرىپ, كورپوراتيۆتىك باسقارۋدى جاقسارتتىق, حالىقارالىق قارجى رىنوگىنا قاتىسۋىمىزدى نىعايتتىق, ءسويتىپ ءىرى جوبالارىمىزدىڭ ءوسىپ-وركەندەۋىنە قولايلى قارجى قۇيۋعا قول جەتكىزدىك. اتالعان ءىس-شارالار قازاقمىستىڭ بارىنشا قارقىندى دامۋىنا جول اشادى. ءبىزدىڭ الدىمىزدا سونىمەن بىرگە قولدانىستاعى ءوندىرىستىڭ تيىمدىلىگىن كوتەرۋ جانە بىرقاتار ءىرى جوبالاردى اتقارۋ سياقتى جاۋاپكەرشىلىگى مول جۇمىستار تۇر. كومپانيانى دامىتۋدىڭ وسىنداي ماڭىزدى كەزەڭىنە قاتىسۋدى زور مارتەبە سانايمىن. ماقساتىمىز ايقىن, ال جەتىستىكتەرگە جەتۋ ءۇشىن ديرەكتورلار كەڭەسى بار كۇش-جىگەرىن جۇمساۋعا ءاردايىم ءازىر, – دەيدى قازاقمىس توبىنىڭ پرەزيدەنتى ۆلاديمير كيم.
مارات اققۇل,
«ەگەمەن قازاقستان».