شاراعا ماڭعىستاۋ وبلىستىق سىبايلاس جەمقورلىققا قارسى ءىس-قيمىل ۇلتتىق بيۋرو دەپارتامەنتى باسشىسىنىڭ ورىنباسارى احمەتوۆ مۇرات جامبىل ۇلى, دەپارتامەنتتىڭ سىبايلاس جەمقورلىق پروفيلاكتيكاسى باسقارماسىنىڭ باسشىسى ابەلدينوۆ قۋاندىق قارشىعا ۇلى, ش. ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ رەكتورى احمەتوۆ بەرىك باحىتجان ۇلى جانە پرورەكتور نۇرماعانبەت ەرمەك تالانت ۇلى قاتىستى.
مەموراندۋم اياسىندا ۋنيۆەرسيتەت تاراپىنان سىبايلاس جەمقورلىققا قارسى جۇرگىزىلگەن ساۋاتتاندىرۋ جۇمىستارىن بىرلەسە اتقارۋعا, وقۋ ورىن بازاسىندا سىبايلاس جەمقورلىققا قارسى مونيتورينگ جۇمىستارىن, سىبايلاس جەمقورلىق تاۋەكەلدەرىن ىشكى تالداۋ جۇمىستارىن جۇرگىزۋگە جانە ۋنيۆەرسيتەت جانىنان اشىلعان «سانالى ۇرپاق – جارقىن بولاشاق» جوباسىنىڭ اياسىندا جوعارعى وقۋ ورىن جۇيەسىندە سىبايلاس جەمقورلىققا قارسى نولدىك توزبەۋشىلىك كوزقاراسىن قالىپتاستىرۋ جونىندەگى شارالار كەشەنى جۇرگىزىلەدى.
ايتا كەتەتىن بولساق, 2018 جىلدىڭ اياعىندا اتالمىش ۋنيۆەرسيتەت جانىنان جاستار بويىندا ادالدىق قاسيەتتەرىن نىعايتا وتىرىپ, ءبىلىم ۇيىمدارىندا سىبايلاس جەمقورلىققا قارسى مادەنيەتتى قالىپتاستىرۋ اياسىندا ساتۋشىسىز «ادالدىق دۇكەنى اشىلدى. ستۋدەنتتەر دۇكەندەردىڭ ساتۋشىسىز تۇرعانىنا قاراماستان ادال باستاماشىلدىقتارىمەن قىزىعا وتىرىپ العان زاتىنا ساي جانىندا تۇرعان قوراپشاعا اقىلارىن سالىپ كەتەدى.
وسىنداي ساتۋشىسىز دۇكەندەردى ەنگىزۋ ستۋدەنتتەردىڭ بويىندا جاعىمدى مورالدىق قاسيەتتەرىن, سونىڭ ىشىندە ىشكى پاراساتتىلىق پەن ادالدىق قاسيەتتەرىن تاربيەلەۋگە باعىتتايدى.
وسىعان وراي, الداعى ۋاقىتتا ۋنيۆەرسيتەت پەن سىبايلاس جەمقورلىققا قارسى قىزمەت اراسىندا جاسالىنعان مەموراندۋم ەكى جاق اراسىندا سىبايلاس جەمقورلىققا قارسى مادەنيەتتىن قالىپتاستىرۋعا ءوزارا وڭ سەپتىگىن تيگىزەتىنى انىق.
ماڭعىستاۋ وبلىسى