2019 جىلدىڭ 6 اي قورىتىندىسىمەن ەمدەۋ ساۋىقتىرۋ مەكەمەلەرىنىڭ اقپاراتى بويىنشا ماڭعىستاۋ وبلىسىنا 250-گە جۋىق دارىگەر ماماندارى قاجەت. قالالىق جەرگە 127 دارىگەر, اۋىلدىق جەرگە 123 دارىگەر جەتىسپەيدى.
اۋىلدىق جەرگە, ونىڭ ىشىندە مۇنايلى ورتالىق اۋداندىق بويىنشا 18, تۇپقاراعان ورتالىق اۋداندىق اۋرۋحاناسى بويىنشا 4, ماڭعىستاۋ ورتالىق اۋداندىق اۋرۋحاناسى 2, قاراقيا ورتالىق اۋداندۆق اۋرۋحاناسى 7, جەتىباي اۋىلدىق اۋرۋحاناسى 9, بەينەۋ ورتالىق اۋداندىق اۋرۋحاناسى 13, بورانقۇل اۋىلدىق اۋرۋحاناسى 1, جاڭاوزەن قالاسى بويىنشا 69 مامان جەتىسپەيدى.
قازىرگى تاڭدا ماڭعىستاۋ وڭىرىنە اسا قاجەت ماماندار ولار جالپى تاجىريبەلى دارىگەرلەر, كارديولوگتار, نەيروحيرۋرگتار, اكۋشەر – گينەكولوگتار, انەستەزيولوگ-رەانيماتولوگتار, نەوناتولوگتار, ونكولوگتار, كلينيكالىق فارماكولوگتار, ينفەكتسيونيستەر, ساۋلەلى دياگنوستيكالىق دارىگەرلەر, فيزيوتەراپەۆتتەر, پسيحياتورلار (ناركولوگتار), وفتولمولوگتار, وتولارينگولوگتار بولىپ تابىلادى.
وسى پروبلەمالاردى جويۋ ماقساتىندا ەمدەۋ ساۋىقتىرۋ مەكەمە باسشىلارى 2019 جىلى 7 جوعارى وقۋ ورىندارىنىڭ بوس ورىن جارمەڭكەسىنە بارىپ, 84 جاس مامانمەن شارت جاساقتاسىپ كەلدى.
ماڭعىستاۋ وبلىسىنىڭ دەنساۋلىق ساقتاۋ باسقارماسىنىڭ مالىمەتىنە ساي, «2018 جىلى ماڭعىستاۋ وبلىسىنىڭ ەمدەۋ ساۋىقتىرۋ مەكەمەلەرىنە 141 جاس مامان كەلگەن. ونىڭ ىشىندە 130 جاس مامان مەملەكەتتىك مەكەمەلەرگە جۇمىسقا ورنالاسقان, ونىڭ 80-ءى قالاعا, 50 جاس مامانى اۋىلدىق جەرگە بارعان. قالعان 11 جاس مامان جەكە مەديتسينالىق ورتالىقتارىنا ورنالاسىپتى.
اۋىلدىق جەرگە كەلگەن ماماندار 30 جالپى تاجىريبەلى دارىگەر, 8 اكۋشەر- گينەكولوگ, 3 تەراپەۆت, 4 حيرۋرگ , 3 ەپيدەميولوگ, 1 پەدياتر, 1 ستاموتولوگ بار.
ونىڭ ىشىندە ماڭعىستاۋ وبلىسىنىڭ اكىم گرانتىمەن ماڭعىستاۋ اۋدانىنا 3 مامان (2 تەراپەۆت, 1 پەدياتر), بەينەۋ اۋدانىنا 1 جتد, جاڭاوزەن قالاسىنا 3 مامان (1 تەراپەۆت, 1 جتد, 1 اكۋشەر-گينەكولوگ) كەلدى.
سونىمەن قاتار, كەلگەن جاس مامانداردىڭ اراسىندا رەزيدەنتۋرا بىتىرگەن 19 مامان كەلدى. ونىڭ ىشىندە 1 مامان بورانقۇل اۋداندىق اۋرۋحاناسىندا پەدياتر ماماندىعى بويىنشا, 2 مامان جاڭاوزەن قالاسىندا اكۋشەر گينەكولوگ, پەدياتر قىزمەتىندە, قالعان 16 مامان اقتاۋ قالاسىندا قىزمەتتەرىن اتقارۋدا.
«ديپلوممەن اۋىلعا» باعادارلاماسى نەگىزىندە اۋداندىق اكىمدىگى تاراپىنان پاتەر الۋ ءۇشىن 1500 اەك كولەمىندە نەسيە جانە 70 اەك كولەمىندە ءبىر جولعى كوتەرمە قاراجات بەرىلەدى, وتىنعا جىلىنا 1 رەت 14000 تەڭگە كولەمىندە قارجىلاي كومەك كورسەتىلەدى.
وسى جوبا نەگىزىندە 2018 جىلى اۋىلدىق جەرگە كەلگەن 19 جاس مامانعا 70 اەك كولەمىندە ءبىر جولعى كوتەرمە قاراجات بەرىلدى. بەينەۋ جانە راحات اۋىلى اكىمدىگىمەن 3 جاس مامانعا پاتەر الۋ ءۇشىن 1500 اەك كولەمىندە نەسيە بەرىلگەن.
مۇنايلى اۋدانىندا قازىرگى تاڭدا 13 دارىگەر جاتاقحانادا تۇرادى, ونىڭ 6 – ۋى 2018 جىلى كەلگەن جاس ماماندار 1 (12000 تگ) جانە 2 بولمەلى (18000 تگ.) بولمەلەر بەرىلدى (جاس ماماندار ءوز قاراجات ەسەبىنەن تولەيدى).
تۇپقاراعان ورتالىق اۋداندىق اۋرۋحانا ەسەبىنەن 1 مامان جالدامالى پاتەرمەن قامتاماسىز ەتىلگەن (50 000 تگ). № 2 جاڭاوزەن قالالىق ەمحاناسى ەسەبىنەن 6 جاس مامانعا ءبىر جولعى 70 اەك كولەمىندە قارجىلاي كومەك كورسەتىلگەن, 2 مامانعا جالدامالى پاتەر اقىسى تولەنىپ وتىر.