ءشول دالادا ىستىق وتىندە قالعان اققۋلار سول ماڭايدى مەكەن ەتكەن شوپان اۋىلىنا بارسا كەرەك. سۋ بەرسە ىشپەي, السىرەگەن, ءتىپتى بىرەۋىن كولىك قاققان اققۋلاردىڭ اۋىر دا ايانىشتى ءحالىن اڭعارعان شوپان دەرەۋ ءتيىستى ورىندارعا حابار بەرەدى.
كۇننىڭ ىستىعىن ەلەمەي قۇستاردى قۇتقارۋ ءۇشىن جولعا شىققان ينسپەكتورلار ون ساعاتقا جۋىق توقتاماستان ءجۇرىپ وتىرىپ اققۋلاردى اقتاۋ ماڭىنداعى قاراكول وزەنىنە الىپ كەلدى.
ماڭعىستاۋ وبلىستىق ورمان شارۋاشىلىعى جانە جانۋارلار الەمى ايماقتىق ينسپەكتسياسى باسشىسىنىڭ ورىنباسارى عابباس دوساتوۆتىڭ ايتۋىنشا, اققۋلار مەكەن اۋدارۋ كەزىندەگى اۋا رايىنا بايلانىستى بەينەۋ اۋدانىنىڭ بورانقۇل اۋىلى ماڭىنا ايالداپ قالعان بولۋى كەرەك. ازىقتىڭ جوقتىعى, كۇننىڭ ىستىقتىعى سىندى قولايسىز جاعدايلار السىرەتىپ جىبەرگەن. الايدا, شوپاننىڭ قىراعىلىعى مەن ينسپەكتورلاردىڭ شۇعىل ارەكەتى اققۋلاردى قيىن جاعدايدان قۇتقاردى.
200-گە جۋىق اققۋ مەكەن ەتكەن قاراكول وزەنىنە جەتكىزىلگەن اققۋلار قازىر وزدەرىن جايلى سەزىنۋدە – ازىقتانىپ, الدەنىپ كەلەدى. ەندى قاراكولدەگى بارلىق قۇستارمەن بىرگە ولار دا ينسپەكتورلاردىڭ ءجىتى قاداعالاۋىندا قامسىز تىرشىلىك ەتپەك.
ماڭعىستاۋ وبلىسى