جەر تاعدىرى مەن ەل تاعدىرى سىنعا تۇسكەن تار زاماندا دانالىعىمەن, ادىلدىگىمەن, قارا قىلدى قاق جارعان شەشەندىگىمەن تاريح بەتىندە ەسىمى تاسقا قاشالىپ جازىلىپ قالعان تۇلعانىڭ 185 جىلدىعىنا ارنالعان ءباسپاسوز كونفەرەنتسياسىنا ءۇرىم-بۇتاعى, زيالى قاۋىم وكىلدەرى, عالىمدار مەن تاريحشىلار قاتىستى. جازۋشى-جۋرناليست جاراسباي سۇلەيمەنوۆ, مەملەكەتتىك ارحيۆتىڭ ديرەكتورى ساۋلە مالىكوۆا, Urpaq قازاق مادەني ۇيىمىنىڭ ءتورايىمى گۇلباقشا مۇساباەۆا, تاعى باسقالارى 1834-1917 جىلدار ارالىعىندا بابامىزدىڭ قازىرگى ماعجان جۇماباەۆ اۋدانىندا ءومىر سۇرگەنىن تىلگە تيەك ەتە وتىرىپ,بولىستىق قىزمەتى ورىس شارۋالارىنىڭ قازاق جەرىنە كوشىپ كەلىپ جاتقان الاساپىران ۋاقىتپەن تۇسپا-تۇس كەلگەنىنە, سالت-ءداستۇردى, دالا زاڭىن تولىق مەڭگەرگەنىنە ناقتى فاكتىلەر كەلتىردى.ەل داۋىن, جەر داۋىن حالىق پايداسىنا شەشىپ, ادىلەتتى بي اتانعان. ونىڭ ءومىرى مەن قىزمەتىنە قاتىستى قۇندى قۇجاتتار سانكت-پەتەربور, ومبى قالالارىندا ساقتالىپتى.
«نوعايباي» سپەكتاكلى جەرگىلىكتى رەجيسسەر بولات مامىتبەكوۆتىڭ پەساسى بويىنشا ساحنالاندى. تۋىندىنىڭ كوركەمدىك جەتەكشىسى, «دارىن» مەملەكەتتىك جاستار سىيلىعىنىڭ يەگەرى فارحاد مولداعاليدىڭ ايتۋىنشا, بۇل باستاما ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى جانە «قازاقستاننىڭ كيەلى جەرلەرىنىڭ گەوگرافياسى» جوباسى اياسىندا قولعا الىنىپ, جۇرتشىلىق نازارىنا ۇسىنىلعان. ونەرسۇيەر قاۋىم پرەمەرانى جىلى قابىلدادى.
قازىر ماعجان جۇماباەۆ اۋدانىنداعى اۋىلدىق وكرۋگتىڭ ءبىرى نوعايباي ءبيدىڭ ەسىمىمەن اتالادى. ونىڭ مازارى كيەلى جەرلەر كارتاسىنا ەنگىزىلگەن. وسى اتتاس شارۋاشىلىققا ۇرپاعى التىنبەك ساپاروۆ جەتەكشىلىك ەتەدى.
سولتۇستىك قازاقستان وبلىسى