وبلىس ورتالىعىنداعى دۇيسەنوۆ كوشەسى, 138/1 مەكەنجايى بويىنشا 2 توعىز قاباتتى تۇرعىن ءۇي پايدالانۋعا بەرىلدى. تۇرعىن ۇيلەردىڭ قۇرىلىسىنا «پاۆلودار» الەۋمەتتىك-كاسىپكەرلىك كورپوراتسياسى تاپسىرىس بەردى.
ال,قۇرىلىستى «بەكاس» جشس-ءى «گسۋ قۇرىلىس» جانە «ستروي-تەح» سەرىكتەستىكتەرىمەن بىرلەسىپ جۇرگىزدى. جاڭا پاتەرلەردىڭ يەلەرىنە كىلتتەردى وبلىس اكىمى بولات باقاۋوۆ تابىستادى.
پاتەر الۋشىلاردىڭ قاتارىندا كوپ بالالى قۋات پەن جازيرا قۇسبەكوۆتەردىڭ وتباسى بار. -ارينە, بىزدەر ءۇشىن قۋانىش. وتباسىمىز كوپتەن كۇتكەن پاتەرگە يە بولدىق, – دەدى قۋات قۇسبەكوۆ.
سونىمەن بىرگە, بۇل ۇيدەگى 20 پاتەردى «پاۆلودار مۇناي-حيميا زاۋىتى» جشس مۇنايشىلار ءۇشىن ساتىپ العان. بۇعان دەيىن وڭىردەگى اقسۋ, ەكىباستۇز قالالارىندا 70 كوپبالالى وتباسى جاڭا پاتەرلەرگە قونىستاندى.
جالپى, بيىل وبلىستاعى كوپبالالى جانە از قامتىلعان وتباسىلاردى الەۋمەتتىك قولداۋعا 3 ملرد تەڭگە قاراستىرىلدى.
پاۆلودار
سۋرەتتى تۇسىرگەن ۆالەري بۋگاەۆ