سپورتتىق ءىس-شارالار «باتىس» وڭىرلىك قولباسشىلىعىنىڭ بارلىق اسكەري بولىمدەرىندە وتۋدە. 6-7 شىلدە كۇندەرى ارالىعىندا فۋتبولدان, كىر تاستارىن كوتەرۋ, قول تىرەس جانە وتباسىلىق سايىستار ۇيىمداستىرىلادى.
گارنيزوننىڭ مەرەكەلىك ءىس-شارالارىنا قورعانىس مينيسترلىگىنىڭ اسكەري بولىمدەرى مەن مەكەمەلەرىمەن قاتار, ۇقك شەكەرا اسكەرلەرى مەن قر ءىىم ۇلتتىق ۇلان جاۋىنگەرلەرى قاتىسۋدا.
مەرەكەلىك ءىس شارالار قارسانىندا اسكەري بولىمدەردە استانا كۇنىنە وراي سالتاناتتى ساپقا تۇرۋلار مەن مەرەكەلىك كونتسەرتتەر وتكىزىلدى.
-بۇگىنگى كۇنى, ەلوردامىز الەمدىك قاۋىمداستىقتىڭ الدىندا بەيبىتشىلىككە ەرەكشە ۇمتىلىس تانىتقان قالا, ۇلتتار مەن كونفەسسيا وكىلدەرى كەلىسسوز جۇرگىزەتىن الاڭ رەتىندە تانىلىپ كەلەدى. سول سەبەپتى, نۇر-سۇلتان – ءاربىر ازاماتتىڭ, ءاربىر جاۋىنگەردىڭ بويىندا ەرەكشە ماقتانىش سەزىمىن تۋعىزادى, دەدى «باتىس» وڭىرلىك قولباسشىلىعىنىڭ اسكەرلەرى قولباسشىسى نۇرلان الدياروۆ اسكەري قىزمەتشىلەردى قۇتتىقتاۋىندا.
گارنيزونداردا وتكىزىلگەن وتباسىلىق كونكۋرستار اياقتالىپ, ونىڭ ناتيجەسى بويىنشا ەرەكشەلەنگەن اسكەري قىزمەتشىلەر مەن ولاردىڭ وتباسىلارى گراموتالار جانە سىيلىقتارمەن ماراپاتتالدى.
ماڭعىستاۋ وبلىسى