جيىننىڭ نەگىزگى ماقساتى بوزبالالاردى ەلىمىزدىڭ قارۋلى كۇشتەر قاتارىنداعى اسكەري قىزمەتكە دايىنداۋ, باستاپقى اسكەري دايىندىق بويىنشا ساباقتاردا العان تەوريالىق بىلىمدەرىن بەكىتۋ, جاسوسپىرىمدەردىڭ اسكەري قىزمەتكە جىلدام بەيىمدەلۋى ءۇشىن قاجەت پراكتيكالىق ماشىقتىقتى جيناقتاۋ بولدى.
اتالمىش جيىندى ۇيىمداستىرۋ ماقساتىندا, «باتىس» وڭىرلىك قولباسشىلىعىنىڭ تاجىريبەلى وفيتسەرلەرى مەن نۇسقاۋشى-سەرجانتتارى جۇمىلدىرىلدى. ولار وقۋ ۆزۆودتارىنىڭ جەتەكشىلەرى بولىپ تاعايىندالىپ, قىسقا ۋاقىت ارالىعىندا اسكەري ءتارتىپ پەن ۇقىپتىلىققا بەيىمدەۋگە بار ىنتالارىن جۇمسادى.
جيىنعا بارلىعى 10000-عا جۋىق وقۋشىلار مەن ستۋدەنتتەر تارتىلدى. دالالىق ساباقتار بارىسىندا وقۋشىلار اسكەري قىزمەتتىڭ ەرەكشەلىگى جانە اسكەري قىزمەتشىلەردىڭ مىندەتتەرىمەن تانىسىپ, تاكتيكالىق دايىندىقتىڭ, جەرگىلىكتى جەردە باعدارلاۋ تاسىلدەرىنىڭ, ساپتىق دايىندىق نەگىزدەرىنىڭ, قارۋدى جيناپ-شاشۋدىڭ, وق اتۋدىڭ امالدارى مەن قاعيدالارىنىڭ قىر-سىرىن زەردەلەدى. سونداي-اق, اسكەري اندەردى ورىنداي وتىرىپ, اسكەري-ساپتىق كورسەتپەلى كورسەتىلىمدەرگە بەلسەنە قاتىستى.
ءىس-شارا قورىتىندىسى بويىنشا وزدەرىنىڭ شەبەرلىكتەرى, ۇيلەسىمدىلىكتەرى, كەرەمەت دايىندىقتارىمەن كوزگە تۇسكەن وقۋشىلار گراموتالار جانە العىس حاتتارمەن ماراپاتتالدى.