مەملەكەتتىڭ كاسىپكەرلىك قىزمەتكە قاتىسۋىن قىسقارتۋ جانە جەكەشە سەكتوردى دامىتۋعا جاعداي جاساۋ ماقساتىندا قاۋلى ەتەمىن:
1. 2020 جىلعى 31 جەلتوقسانعا دەيىن كۆازيمەملەكەتتىك سەكتور سۋبەكتىلەرىن قۇرۋعا موراتوري ەنگىزىلسىن, وعان مىنالار:
1) قىزمەتىن الەۋمەتتىك سالادا جانە (نەمەسە) ەلدى مەكەندەردىڭ تىنىس-تىرشىلىگىن قامتاماسىز ەتۋ سالاسىندا جۇزەگە اسىراتىن زاڭدى تۇلعالار;
2) جۇمىس ىستەپ تۇرعان زاڭدى تۇلعالاردى قايتا ۇيىمداستىرۋ (بىرىكتىرۋ نەمەسە قايتا قۇرۋ) جولىمەن وڭتايلاندىرۋ شەڭبەرىندە قۇرىلاتىن زاڭدى تۇلعالار;
3) جارعىلىق كاپيتالىندا داۋىس بەرەتىن اكتسيالارىنىڭ ەلۋ جانە ودان دا از پروتسەنتى (قاتىسۋ ۇلەسى) كۆازيمەملەكەتتىك سەكتور سۋبەكتىلەرىنە تيەسىلى بولاتىن اكتسيونەرلىك قوعامدار (جاۋاپكەرشىلىگى شەكتەۋلى سەرىكتەستىكتەر);
4) قازاقستان رەسپۋبليكاسى پرەزيدەنتىنىڭ تاپسىرماسى جانە (نەمەسە) كەلىسىمى بويىنشا قۇرىلاتىن زاڭدى تۇلعالار قوسىلمايدى.
2. قازاقستان رەسپۋبليكاسىنىڭ ۇكىمەتى جەرگىلىكتى اتقارۋشى ورگاندارمەن جانە كۆازيمەملەكەتتىك سەكتور سۋبەكتىلەرىمەن بىرلەسىپ, سونداي-اق قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار وسى جارلىقتى ىسكە اسىرۋ بويىنشا قاجەتتى شارالار قابىلداسىن.
3. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ق.توقاەۆ
نۇر-سۇلتان, اقوردا, 2019 جىلعى 3 شىلدە № 51