جۇمىستىڭ قولدانبالى ءبولىگىندە ماتەماتيكالىق مودەل مەن الگوريتمدەر نەگىزىندە SmartTran باعدارلامالىق جاساقتاماسى ءازىرلەنگەنى كورسەتىلدى. SmartTran باعدارلامالىق جاساقتاماسىن بدبج (باقىلاۋ-ديسپەتچەرلىك باسقارۋ جۇيەسى) جانە ەەكەاج (ەلەكتر ەنەرگياسىن كوممەرتسيالىق ەسەپتەۋدىڭ اۆتوماتتى جۇيەسى) اقپاراتتىق جۇيەلەرىمەن بىرىكتىرۋ ارقىلى تسيفرلى تەحنولوگيا جاسالدى.
مۇناي قۇبىرىن وڭتايلى باسقارۋ ءۇش جاعدايعا بايلانىستى: 1) سورعى اگرەگاتتار مەن جىلىتۋ پەشتەرىنىڭ ءتيىمدى جۇمىسىن انىقتاۋ; 2) مۇنايدىڭ ءتيىمدى كولەمىن تاڭداۋ; 3) ىستىق تاسىمالداۋ ءادىسىنىڭ قاۋىپسىزدىگىن ساقتاۋ.
وسى جۇمىستىڭ اۆتورلارى جاساعان SmartTran باعدارلامالىق جاساقتاماسى مۇناي جانە مۇناي قوسپالارىن تاسىمالداۋدى وڭتايلى باسقارۋ جۇيەسىن انىقتاۋ جانە ەنەرگيانى ۇنەمدەۋ ماسەلەسىنىڭ شەشىمىن انىقتادى. ەنەرگيا ۇنەمدەۋ ماسەلەسى – مۇنايدى قۇبىرمەن تاسىمالداۋ ىسىندەگى ماڭىزدى ماسەلەلەردىڭ ءبىرى. مۇنايدى قۇبىرمەن تاسىمالداۋ – كۇردەلى ەنەرگەتيكالىق جۇيە جانە ەنەرگيا ۇنەمدەۋدىڭ ءتيىمدى تەحنولوگيالىق رەجىمدەرىن انىقتاۋ مەن باسقارۋعا تىكەلەي بايلانىستى.
SmartTran باعدارلامالىق جاساقتاماسى وعان ۇقساس كوپتەگەن شەتەلدىك باعدارلامالارمەن سالىستىرعاندا كەلەسى ارتىقشىلىقتارعا يە:
1. دەپرەسسورلىق قوسپانى قولدانۋ ارقىلى تەز قاتاتىن مۇنايدى تاسىمالداۋدا ەنەرگيا ۇنەمدەۋ سورعى اگرەگاتتارىنىڭ وڭتايلى رەجىمدەرى ارقىلى انىقتادى; 2. قىزدىرۋ پەشتەرىنىڭ ۇنەمدى جۇمىس ىستەۋىن مۇناي قۇبىرىنىڭ گيدراۆليكالىق جانە جىلۋ كورسەتكىشتەرىنە بايلانىستى مۇناي قوسپاسىن ىستىق ايداۋدىڭ وڭتايلى تەمپەراتۋراسىن انىقتادى; 3. جانارماي مەن ەلەكتر ەنەرگياسى تاريفتەرىنىڭ ايىرماشىلىعىن ەسكەرە وتىرىپ, مۇناي قوسپالارىن تاسىمالداۋدىڭ تەحنولوگيالىق رەجىمدەرىنىڭ ەكونوميكالىق تيىمدىلىگىن انىقتادى. بدبج جانە ەەكەاج جۇيەلەرىنەن الىنعان ناقتى مالىمەتتەر SmartTran باعدارلاماسىنىڭ جاڭا مودۋلدەرىن جاساۋعا ءمۇمكىندىك بەردى. SmartTran باعدارلامالىق جاساقتاماسىن بدبج, ەەكەاج-مەن بىرىكتىرۋ «قۇبىر – مۇناي ايداۋ ستانساسى» جۇيەسىنىڭ جۇمىسىن باقىلاۋعا جانە «قازترانسويل» اق-نىڭ مۇناي قۇبىرى ارقىلى مۇناي قوسپالارىن تاسىمالداۋدا ەنەرگيا ۇنەمدەۋ رەجىمدەرىنىڭ ەكونوميكالىق ءتيىمدىلىگىن انىقتاۋعا مۇمكىندىك بەردى.SmartTran باعدارلامالىق جاساقتاماسى 2015 جىلدان باستاپ «قازترانسويل» اق-نىڭ 24 تەحنولوگيالىق ۋچاسكەسىن, 35 مۇناي ايداۋ ستانساسىن, 7 جىلىتۋ بەكەتىن, 200 سورعى اگرەگاتىن, 67 جىلىتۋ پەشتەرىن پايدالاناتىن, جالپى ۇزىندىعى 5377,3 شاقىرىم ماگيسترالدىق مۇناي قۇبىرلارىندا ەنگىزىلدى.
بۇل راستالعان يننوۆاتسيالىق زەرتتەمەنىڭ ناتيجەلەرى مەن جوعارىدا كەلتىرىلگەن پىكىرلەردىڭ نەگىزىندە «قازترانسويل» اق مۇناي قۇبىرى باعىتتارى بويىنشا مۇناي جانە مۇناي قوسپالارىن تاسىمالداۋدا ەنەرگيانى ۇنەمدەۋدى عىلىمي-تەحنيكالىق قامتاماسىز ەتۋ» اتتى عىلىمي-پراكتيكالىق جۇمىس پەن ونىڭ اۆتورلارىن (ە.ق.بەيسەمبەتوۆ, ت.ت.بەكىباەۆ, ۇ.ق.جاپباسباەۆ, ب.ك.كەنجاليەۆ, ە.ماحموتوۆ, ب.ق.ساياحوۆ) قازاقستان رەسپۋبليكاسىنىڭ 2019 جىلعى ءال-فارابي اتىنداعى عىلىم جانە تەحنيكا سالاسىنداعى مەملەكەتتىك سىيلىعىنا ابدەن لايىق دەپ سانايمىز.
التىنبەك قامشىبەك, پاۆلودار مۇناي تاسىمالداۋ باسقارماسىنىڭ باسشىسى