مەملەكەت باسشىسى قاسىم-جومارت توقاەۆ ساۋد ارابياسىنىڭ كورولى سالمان بەن ابدەل ءازيز ءال ساۋدپەن تەلەفون ارقىلى سويلەستى, دەپ حابارلايدى اقوردانىڭ ءباسپاسوز قىزمەتى.
اڭگىمەلەسۋ بارىسىندا ەكى مەملەكەت باسشىلارى جان-جاقتى ىنتىماقتاستىقتى ودان ءارى نىعايتۋ ءۇشىن دايىن ەكەندەرىن ءبىلدىردى.
قاسىم-جومارت توقاەۆ سالمان بەن ابدەل ءازيز ءال ساۋدقا قازاقستاننىڭ وپەك+ كەلىسىمىنىڭ قولدانىلۋ مەرزىمىن 2019 جىلدىڭ اياعىنا دەيىن ۇزارتۋ جونىندەگى ساۋديانىڭ باستاماسىن قولدايتىنىن مالىمدەدى. بۇل كەلىسىم كومىرسۋتەگىن ءوندىرۋشى نەگىزگى ەلدەردەگى مۇناي ءوندىرۋ كولەمىن قىسقارتۋدى كوزدەيدى.
سونىمەن قاتار, تاراپتار جوعارى ساياسي دەڭگەيدەگى ساپار الماسۋ تاجىريبەسىن جالعاستىرۋعا ۋاعدالاستى.
تەلەفون ارقىلى سويلەسۋگە ساۋديا جاعى باستاماشى بولدى.