اقش قازاقستاننىڭ جەتەكشى ينۆەستيتسيالىق سەرىكتەستەرىنىڭ ءبىرى. 2018 جىلدىڭ قورىتىندىسى بويىنشا ەلدەر اراسىنداعى تاۋار اينالىمى 2,3 ملرد. اقش دوللارىن قۇرادى. 2018 جىلدىڭ قورىتىندىسى بويىنشا شەتەلدىك كاپيتال سالىمدارىنىڭ جالپى قورجىنىندا تىكەلەي امەريكاندىق ينۆەستيتسيالاردىڭ ۇلەسى 22%-عا جەتىپ, 5,3 ملرد. اقش. دوللارىن قۇرادى. تاۋەلسىزدىك جىلدارى امەريكالىق بيزنەس قازاقستان ەكونوميكاسىنا شامامەن 47 ملرد. اقش دوللارىن قۇيدى.
قر ۇلتتىق ەكونوميكا مينيسترلىگى ستاتيستيكا كوميتەتىنىڭ مالىمەتتەرىنە سايكەس قازاقستاندا امەريكالىق كومپانيالاردىڭ 160-قا جۋىق وكىلدىگى جانە قازاقستان-امەريكاندىق بىرلەسكەن 350-دەن استام كاسىپورنى جۇمىس ىستەيدى. سوڭعى جىلدارى قازاقستانعا Primus Power, Spancrete, Uber, "Starbucks", McDonalds جانە Netflix سياقتى امەريكالىق كومپانيالار كىردى.
بيىلعى 15 مامىردا ءسىم الاڭىندا «باسەكەگە قابىلەتتى قازاقستان! 3-ءشى جىل سايىنعى قازاقستاندىق-امەريكاندىق بيزنەس-فورۋمى ءوتتى. وعان سىرتقى ىستەر, اۋىل شارۋاشىلىعى, دەنساۋلىق ساقتاۋ جانە ت. ب. مينيسترلىكتەرىنىڭ باسشىلارى, سونداي-اق 28 ءىرى امەريكالىق كومپانيانىڭ, ونىڭ ىشىندە Coca Cola, Gilead, HP, Microsoft, Valley Irrigation جانە ت. ب. باسشىلارى قاتىستى. بۇل ديالوگ الاڭدا قاتىسۋشىلارعا قر ۇكىمەتىنىڭ ەلدەگى ىسكەرلىك ورتانى ودان ءارى جاقسارتۋ بويىنشا شارالارىمەن, ونىڭ ىشىندە شەتەلدىك ينۆەستورلارمەن جۇمىس جونىندەگى بىرىڭعاي ەكوجۇيەنى قۇرۋ بويىنشا شارالارىمەن, سونداي-اق وتاندىق ەكونوميكانى جاڭعىرتۋ, ءارتاراپتاندىرۋ جانە تسيفرلاندىرۋ جونىندەگى مەملەكەتتىك باعدارلامالاردى ىسكە اسىرۋ بارىسىمەن تانىسۋعا مۇمكىندىك بەرىلدى. امەريكالىق ينۆەستورلار تاۋ-كەن ونەركاسىبى, ماشينا قۇراستىرۋ, ءوندىرۋشى ونەركاسىپ جانە ت.ب. سالالاردا بىرقاتار جوبالاردى ىسكە اسىردى. قازىرگى ۋاقىتتا قر ءسىم ينۆەستيتسيا كوميتەتى «Kazakh Invest» ۇلتتىق كومپانياسىمەن بىرلەسىپ, قازاقستان ءۇشىن ماڭىزدى اگرارلىق وڭدەۋ, فارماتسەۆتيكا ونەركاسىبى, جۇك سياقتى ەكونوميكا سەكتورلارىندا امەريكاندىق كاپيتالدىڭ قاتىسۋىمەن شامامەن 20 الەۋەتتى جوبانى پىسىقتاۋدا.
Chevron كومپانياسى اتىراۋ وبلىسىندا ەۋروپالىق تەحنولوگيا بويىنشا قۇبىر ارماتۋراسىن ءوندىرۋ جوباسىن ىسكە اسىردى. زاۋىت ۇزاق ۋاقىت قىزمەت ەتۋ ەرەكشەلىگى بار ىلمەكتى ارماتۋرانى وندىرەدى.
نۇر-سۇلتاندا General Electric Transportation كومپانياسىنىڭ قاتىسۋىمەن از وتىن جۇمسايتىن جانە جوعارى ەكولوگيالىق تازا GE Evolution زاماناۋي لوكوموتيۆ وندىرەتىن زاۋىت قۇرىلدى. زاۋىتتىڭ ىسكە قوسىلۋى قازاقستاننىڭ ەكسپورتتىق الەۋەتىنىڭ جاڭا باعىتىن اشتى جانە يننوۆاتسيالىق تاۋاردى ورتالىق ازيا ەلدەرىنە شەتكىزۋگە مۇمكىندىك اشتى.