پارلامەنت سەناتىنىڭ دەپۋتاتى س.ايتپاەۆا ەۋروپا كەڭەسى پارلامەنتتىك اسسامبلەياسىنىڭ ستراسبۋرگ (فرانتسيا) قالاسىندا وتكەن ماۋسىم سەسسياسىنا قاتىستى.
ەۋروپا كەڭەسىنىڭ پارلامەنتشىلەرى ەۋروپا كەڭەسىنىڭ 2020-2021 جىلدارعا ارنالعان بيۋدجەتى مەن باسىمدىقتارىن, پارلامەنتتىك اسسامبلەيانىڭ وكىلەتتىكتەرى مەن (ۇلتتىق دەلەگاتسيالاردىڭ) داۋىس بەرۋىنە, گەندەرلىك تەڭدىككە, بالالارعا زورلىق-زومبىلىق كورسەتۋدى توقتاتۋعا ۇلەس قوسۋعا قاتىستى ماسەلەلەردى, سيرياداعى جاعدايدى ساياسي رەتتەۋدىڭ كەلەشەگىن تالقىلادى.
سەناتور سەسسيا بارىسىندا موناكونىڭ پارلامەنتتىك دەلەگاتسياسىنىڭ باسشىسى ج. باديامەن, ەكپا الەۋمەتتىك ماسەلەلەر, دەنساۋلىق ساقتاۋ جانە ورنىقتى دامۋ جونىندەگى كوميتەتىنىڭ مۇشەسى – ءازىربايجان ميللي مەدجليسىنىڭ حالىقارالىق قاتىناستار جانە پارلامەنتارالىق بايلانىستار جونىندەگى كوميتەتى توراعاسىنىڭ ورىنباسارى س.فاتاليەۆامەن, ەۋروپالىق كونسەرۆاتورلار توبىنىڭ توراعاسى يا.ليددەل-گرەيندجەرمەن ( ۇلىبريتانيا), ساياسي ماسەلەلەر جانە دەموكراتيا جونىندەگى كوميتەتتىڭ توراعاسى ر.وومەن-رۋيتەنمەن (نيدەرلاندى), سونداي-اق ەۋروپا كەڭەسىنىڭ باس حاتشىسى م.پەيچينوۆيچ-بۋريچپەن كەزدەستى.
س.ايتپاەۆا الەۋمەتتىك ماسەلەلەر, دەنساۋلىق ساقتاۋ جانە تۇراقتى دامۋ جونىندەگى كوميتەتتىڭ بالالار ماسەلەلەرى جونىندەگى كىشى كوميتەتىنىڭ وتىرىستارىنا, سونداي-اق پارلامەنتتىك اسسامبلەيانىڭ بالالارعا قاتىستى زورلىق-زومبىلىقتى توقتاتۋ جانە كوشىپ-قونۋشى بالالاردى پايدالانۋ ماسەلەلەرى جونىندەگى بىرلەسكەن پىكىرسايىستارىنا قاتىستى.