فورۋم جۇمىسىنا قمگ مەن ەنشىلەس جانە تاۋەلدى ۇيىمدارىنىڭ باسشىلارى, بىرقاتار قازاقستاندىق جانە شەتەل كومپانيالارىنىڭ وكىلدەرى قاتىستى. كومپانيانىڭ مىندەتتەرى مەن پروبلەمالىق ماسەلەلەرىن تالقىلاۋ ءۇشىن العاش رەت مەردىگەرلىك ۇيىمداردىڭ وكىلدەرى شاقىرىلدى.
فورۋمنىڭ قاتىسۋشىلارىن قۇتتىقتاعان قمگ باسقارما توراعاسى اليك ايدارباەۆ بارلىق قىزمەتكەرلەردىڭ ويلاۋ مادەنيەتىن وزگەرتىپ, ولاردى ەڭبەك, ونەركاسىپ قاۋىپسىزدىگى جانە قورشاعان ورتانى قورعاۋ ماسەلەلەرىنە جۇمىلدىرۋ كەرەكتىگىنە نازار اۋداردى. بۇدان باسقا, كومپانيانىڭ سەرىكتەستەرى مەن مەردىگەرلەرىنىڭ باستى ماقساتى نولدىك كورسەتكىشتەرگە جەتۋ بولۋى ءتيىس. وسى جىلى ولاردىڭ ەڭبەك پەن قورشاعان ورتانى قورعاۋ نورمالارىن ساقتاۋىنا ەرەكشە باقىلاۋ ورناتۋ جوسپارلانىپ وتىر.
- وسى جىلى ءبىز مەردىگەرلىك ۇيىمداردا ەڭبەك پەن قورشاعان ورتانى قورعاۋ بويىنشا ءتيىمدى جۇمىستى قامتاماسىز ەتۋدىڭ باعدارلاماسىن ىسكە قوستىق. سەبەبى ولار وندىرىستىك مىندەتتەرىمىزدى ىسكە اسىرۋ ىسىندە ماڭىزدى ءرول اتقارادى. ءوزارا تىعىز بايلانىس جاعدايدى بارىنشا جاقسارتۋعا مۇمكىندىك بەرەدى. «قازمۇنايگاز» كومپانيالارى توبىنىڭ جانە مەردىگەرلىك ۇيىمداردىڭ بارلىق قىزمەتكەرلەرى ۇيلەرىنە جۇمىستان امان-ەسەن ورالۋى ءۇشىن ءبىز بار كۇش-جىگەرىمىزدى سالىپ, ەڭبەك ەتەتىن بولامىز, دەدى ا. ايدارباەۆ.
قاۋىپسىزدىك جانە ەڭبەكتى قورعاۋ كورسەتكىشتەرى بويىنشا سوڭعى 4 جىل ىشىندە كومپانيادا 2018 جىل ەڭ ۇزدىك بولعانىن اتاپ ءوتۋ قاجەت. بۇل رەتتە كومپانيا باسشىلىعى كەلەسى كەزدەسۋدە جاعدايدى جاقسارتۋ ماسەلەسىن ەمەس, نولدىك كورسەتكىشتەرگە جەتۋگە كەدەرگى كەلتىرگەن سەبەپتەردى تالقىلاۋدى مىندەتتەدى.
سونداي-اق جيىندا كومپانيا قىزمەتىنىڭ قورشاعان ورتاعا تەرىس اسەرىن ازايتۋ جانە سۋ رەسۋرستارىن باسقارۋ, ەڭبەك قاۋىپسىزدىگى مەن اپاتتاردىڭ الدىن الۋ, قاۋىپسىزدىك مادەنيەتىن ارتتىرۋ ماسەلەلەرى بويىنشا مەكەمەلەردىڭ ءبىرىنشى باسشىلارىنىڭ دەربەس جاۋاپكەرشىلىگىن كۇشەيتۋ سياقتى وزەكتى ماسەلەلەر كوتەرىلدى.
وندىرىستىك قىزمەتتە, وندىرىستىك جاراقات الۋ مەن قورشاعان ورتاعا زالال كەلتىرۋدە نولدىك كورسەتكىشكە جەتۋ ماقساتىمەن كومپانيا قازاقستاندا العاش رەت قاۋىپسىزدىك ماسەلەلەرىنە ارنالعان SPE كاسپي سيمپوزيۋمىن وتكىزۋگە باستاماشىلىق جاسادى. اتالعان شارا وسى جىلدىڭ قىركۇيەك ايىندا KAZENERGY فورۋمى شەڭبەرىندە وتەتىن بولادى.
ماڭعىستاۋ وبلىسى