«قورعانىس ءمينيسترى نۇرلان ەرمەكباەۆ تۇركىستان وبلىسىنىڭ اكىمى ومىرزاق شوكەەۆپەن بىرگە قالانىڭ 17 سەكتورىنداعى جەدەل شتابتاردى ارالاپ, حالىقتىڭ سۇراقتارىنا جاۋاپ بەردى. جارىلۋ قاۋپى بار زاتتاردان جاپپاي تازارتۋ ءۇشىن ارىس اۋماعى 17 سەكتورعا بولىنگەن. تاڭعى ساعات 05.00-دە تازارتىلعان ۋچاسكەلەرگە باقىلاۋ جۇرگىزىلدى. اۋماقتى تازالاۋ اياقتالعان سوڭ ارىس-1 جانە ارىس-2 ستانسىلارىنان بارلىق باعىتتاعى پويىزداردىڭ قوزعالىسى قالپىنا كەلتىرىلدى», دەلىنگەن حابارلامادا.
ءباسپاسوز قىزمەتىنىڭ مالىمەتىنە سۇيەنسەك, قارۋلى كۇشتەردىڭ رادياتسيالىق, حيميالىق جانە بيولوگيالىق بارلاۋ توپتارى قالانىڭ رادياتسيالىق, بيولوگيالىق جاعدايىنا تولىق مونيتورينگ جۇرگىزگەن. رادياتسيالىق فوندى ولشەۋ كەزىندە ۋلى جانە كەرى اسەر ەتەتىن زاتتار تابىلماعان.
«دەگەنمەن, قالا اۋماعىندا ساپەرلەر جاساعى ءالى بولادى سونداي-اق اۋەدەن تۇراقتى باقىلاۋ ورناتىلىپ, اسكەري قويما اۋماعى مەن وعان ىرگەلەس جەرلەرگە مونيتورينگ جۇرگىزىلەدى. ولاردان جەتكەن اقپارات جەدەل شتابقا ءتۇسىپ وتىرادى. ەندى قارۋلى كۇشتەردىڭ جەكە قۇرامى ارىس تۇرعىندارىنا ءوز ۇيلەرىنە قايتا ورالۋعا كومەكتەسەدى. اسكەري پسيحولوگتار دا ەلمەن جۇمىس ىستەپ, كونسۋلتاتسيالار وتكىزەدى», دەلىنگەن ءباسپاسوز مالىمەتىندە.