بۇگىن پارلامەنت ءماجىلىسىنىڭ سپيكەرى نۇرلان نىعماتۋليننىڭ توراعالىعىمەن پالاتا بيۋروسى «تۇركىستان» الەۋمەتتىك دامۋ كورپوراتيۆتىك قورىنا 1 كۇندىك جالاقىنى اۋدارۋ تۋرالى قاۋلى قابىلدادى. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.
قارجى تۇركىستان وبلىسىنىڭ ارىس قالاسىندا بولعان جارىلىستاردىڭ سالدارىنان زارداپ شەككەندەرگە كومەك كورسەتۋگە باعىتتالعان.
ەسكە سالا كەتەيىك, 24 ماۋسىم كۇنى تۇركىستان وبلىسىنا قاراستى ارىس قالاسىنداعى اسكەري بولىمشەدە جارىلىس بولدى. وقيعا ورنىنا شۇعىل تۇردە مەملەكەت باسشىسى قاسىم-جومارت توقاەۆ جەتىپ, جارىلىس اۋماعىنان ەۆاكۋاتسيالانعان تۇرعىندارمەن كەزدەستى.