كونفەرەنتسيا بارىسىندا شەتەلدىك ساراپشىلار كاسپي وڭىرىندە كولىك ينفراقۇرىلىمىن پايدالانۋ جاعدايىنداعى جاھاندىق ەكونوميكا مەن وڭىرلىك ساۋدا سىن-تەگەۋرىندەردى تالقىلادى.
ينفراقۇرىلىمدى دامىتۋ اياسىندا ەلىمىزدە 2,5 مىڭ شاقىرىم جاڭا تەمىر جول جانە 12,5 مىڭ شاقىرىم اۆتو جول سالىنىپ, بۇل قىتايدان پارسى شىعاناعى مەن ەۋروپا ەلدەرىنە اقتاۋ پورتى ارقىلى جۇكتەردى تاسىمالداۋ ارقىلى رەسپۋبليكانىڭ ترانزيتتىك الەۋەتىن ءتيىمدى پايدالانۋعا مۇمكىندىك بەرىپ وتىر. بۇل ءوز كەزەگىندە قازاقستانعا لوگيستيكا سالاسىنداعى حالىقارالىق قاۋىمداستىقتاردىڭ تولىققاندى مۇشەسى بولۋعا مۇمكىندىك بەردى. كاسپي جاعالاۋىندا جاڭا پورتتار بوي كوتەرىپ, سوڭعى ۇلگىدەگى لوگيستيكالىق ورتالىقتار سالىندى. ناتيجەسىندە قىتايدان پارسى شىعاناعى مەن ەۋروپا ەلدەرىنە, ونىڭ ىشىندە قازاقستان پورتتارى ارقىلى جۇكتەردى تاسىمالداۋ ارقىلى رەسپۋبليكانىڭ ترانزيتتىك الەۋەتىن ءتيىمدى پايدالانۋعا جول اشادى.
شاراعا 30-عا جۋىق شەتەلدىك كولىك جانە لوگيستيكا كومپانيالارى, 40 استام سپيكەرلەر قاتىستى. ال كورمەدە 300-دەن استام تەمىرجول, تەڭىز, كولىك جانە لوگيستيكا كومپانيالارى, وڭىردەگى جەتەكشى جۇك جونەلتۋشىلەر, پورت جابدىقتارى جانە قىزمەت كورسەتۋ مەكەمەلەرىنىڭ وكىلدەرى ونىمدەرىن ۇسىنىپ, مۇمكىندىكتەرىن تانىستىردى.