مەملەكەت باسشىسى جەدەلحاتتا نارەندرا ءموديدى قازاقستان حالقىنىڭ جانە جەكە ءوزىنىڭ اتىنان ءۇندىستان رەسپۋبليكاسىنىڭ پرەمەر-ءمينيسترى لاۋازىمىنا قايتا سايلانۋىمەن قۇتتىقتاپ, بحاراتيا دجاناتا پارتياسىنىڭ باسىم جەڭىسى ءۇندىستان حالقىنىڭ وعان دەگەن سەنىمى مەن قولداۋىن كورسەتەتىنىن ايتقان.
«ءسىزدىڭ كوشباسشىلىعىڭىز بەن قابىلەتىڭىزدىڭ ارقاسىندا ءۇندىستان ءوزىنىڭ الەۋمەتتىك-ەكونوميكالىق دامۋىندا جاڭا جەتىستىكتەرگە جەتىپ, حالىقارالىق بەدەلىن نىعايتا تۇسەدى دەپ سەنەمىن. قازاقستان مەن ءۇندىستاننىڭ دوستاس حالىقتارىنىڭ يگىلىگى ءۇشىن ستراتەگيالىق ىنتىماقتاستىعىمىزدى تەرەڭدەتە بەرۋگە دايىن ەكەنىمىزدى جەتكىزەمىن», – دەلىنگەن جەدەلحاتتا.
سوڭىندا قاسىم-جومارت توقاەۆ ءۇندىستان پرەمەر-ءمينيسترىنىڭ قىزمەتىنە تابىس, حالقىنا بەيبىت ءومىر مەن بەرەكە تىلەدى.