قىستاۋباەۆتار اۋلەتىنىڭ وتاعاسى ءابدىجاپپار اۋدانداعى «بىرلىك» اكتسيونەرلىك قوعامىن باسقارادى. ەلدى ەڭبەككە ۇندەپ, تۇرعىنداردى جۇمىسپەن قامتىپ وتىرعان ول وڭىردەگى بەلگىلى مەتسەناتتاردىڭ ءبىرى. ءابدىجاپپار مىرزا شەتەلدەن ورالعان قانداستىرعا قامقورلىق تانىتىپ كەلەدى. بۇگىندە مونعوليا جانە قاراقالپاقستاننان ورالعان ونداعان وتباسىلاردىڭ «بىرلىك» اكتسيونەرلىك قوعامى باسشىسىنا ايتار العىسى شەكسىز. ۇل-قىزىنا ۇلاعاتتى تاريە بەرىپ وتىرعان اكە اۋىل شارۋاشىلىعىن دامىتۋدى عىلىممەن ۇشتاستىرىپ وتىر ەكەن. قازاق ۇلتتىق اگرارلىق ۋنيۆەرسيتەتىنىڭ قۇرمەتتى پروفەسسورى رەتىندە ەگىن, مال شارۋاشىلىعىنىڭ ءونىمدى بولۋىنا ەڭبەك ءسىڭىرىپ كەلەدى. ەڭبەگى ەلەنىپ, «قۇرمەت» وردەنىمەن ماراپاتتالعان.
ال اقباسوۆتار اۋلەتىن كەربۇلاق اۋدانىنىڭ تۇرعىندارى ەرەكشە قۇرمەت تۇتاتى. وتاعاسى باياسىل وڭىرگە قولى اشىق, قايىرىمدى جان رەتىندە تانىمال. ول كوپبالالى جانە تۇرمىسى تومەن وتباسىلارعا ۇنەمى قولۇشىن سوزىپ ءجۇر. اقباسوۆتاردىڭ قايىرىمدىلىققا جۇمساعان قارجىسى جىل سايىن 4,5 ملن تەڭگە شاماسىندا ەكەن. بيىل ەكى كوپبالىل وتباسىنا جەكە ءۇي ساتىپ الىپ بەرگەن ەكەن. اسىرەسە, بالالاردى قۋانتۋعا اسىق ازامات سوڭعى 2 جىل بويىنا «قۋانسا, بالا قۋانسىن» شاراسىنا دەمەۋشىلك جاساپ, 1 ملن 800 مىڭ تەڭگە ءبولىپتى. ەڭبەگى ەلەنىپ, «كەربۇلاق اۋدانىنىڭ قۇرمەتتى ازاماتى» اتانىپ, قازاقستان حالقى اسسامبلەياسىنىڭ «التىن جۇرەك» مەدالىن يەلەنگەن.
- وتباسى - بەرەكە-بىرلىكتىڭ قاينار كوزى. اعايىننىڭ تاتۋلىعى – ەلدىڭ بەرەكەسى ەكەنى بەلگىلى. ۇيەلمەلى-سۇيەلمەلى بالا-شاعانى ءبىر شاڭىراقتا ءوسىرىپ, ەرجەتكىزىپ وتىرعان اتا-انانىڭ ەڭبەگى ەرەن. ولار ءبىر-بىرىنە باۋىرمال بولىپ كەلەدى. كەڭ-بايتاق جەرىمىزگە يە بولاتىن ۇلاعاتتى ۇرپاق ءوسىرۋ – بارىمىزگە مىندەت. ەندەشە, «مەرەيلى وتباسى» بايقاۋىنىڭ تاربيەلىك ءمانى زور. ەلىمىزدە مەرەيلى وتباسىلار سانى ارتا بەرسىن, - دەيدى الماتى وبلىسى اكىمىنىڭ ورىنباسارى اقان ابدۋاليەۆ «مەرەيلى وتباسى» بايقاۋىنىڭ ماڭىزى جايىندا.
الماتى وبلىسى