ە.ماكسيمنىڭ اناسى گۇلميرا الىبەكتىڭ ايتۋىنشا, ونىمەن مۋز-تۆ تەلەارناسىنىڭ باس ديرەكتورى ارمان داۋلەتياروۆ سويلەسكەن.
ول ەرجاننىڭ «گولوس. دەتي» شوۋىندا تاماشا ونەر كورسەتكەنىن, بىرەگەي تالانتىمەن وسى باعدارلامانى تاماشالاعان ميلليونداعان كورەرمەننىڭ جۇرەگىن جاۋلاپ العانىن اتاپ كورسەتكەن. سوندىقتان ول سىيلىقسىز قالماۋى كەرەكتىگىن ايتقان.
ەندى ءانشى اناسىمەن بىرگە 7 ماۋسىم كۇنى مۋز-تۆ-2019 سىيلىعىن تاپسىرۋ سالتاناتتى شاراسىندا قىزىل كىلەممەن ءجۇرىپ وتەتىن بولادى. بۇدان بولەك, جاس دارىن باسقا ارتىستەرمەن قاتار ساحنادا ءان سالادى.
«بالامنىڭ ونەرىن جوعارى باعالاعانى ءۇشىن مۋز-تۆ ارناسىنىڭ باسشىسىنا العىسىمىزدى ايتامىز. بۇيىرسا, سالتاناتتى شاراعا بارامىز», - دەدى قازاقپارات تىلشىسىنە گۇلميرا الىبەك.
ايتا كەتەيىك, ماسكەۋدەگى «مەگاسپورت» سپورت سارايىندا وتەتىن بۇل شاراعا, سونداي-اق قازاقستاننان ديماش قۇدايبەرگەن دە ارنايى شاقىرىلعان.