قابىلداۋدا بولعان 40 ادامنىڭ 24-ءى تۇرعىن ءۇي ماسەلەسىن شەشۋدى سۇرادى.
شاھار باسشىسىنىڭ ورىنباسارى جەڭىلدىكتى باسپانا الۋ كەزەگىنىڭ قۇرىلۋ ءتارتىبى تۋرالى, پاتەرگە مۇقتاج جانداردىڭ مەملەكەت تاراپىنان قانداي قولداۋعا يە بولا الاتىندىعى تۋرالى ايتىپ بەردى. پەداگوگتەر, دارىگەرلەر مەن قالالىق پوليتسيا دەپارتامەنتىنىڭ قىزمەتكەرلەرىنە پاتەر ساتىپ الۋعا باستاپقى جارنانى تولەۋ ءۇشىن سوماسى 1 ميلليوندى قۇرايتىن تۇرعىن ءۇي سەرتيفيكاتتارىن الا الاتىندىعى بەلگىلى. الايدا ونى الۋ ءۇشىن ازاماتتاردىڭ تۇرعىنۇيقۇرىلىسجيناقبانكىندەگى شوتىندا كەم دەگەندە وزدەرى جيناعان 1 ميلليون تەڭگەسى بولۋى شارت.
كوپبالالى وتباسىلارعا ەلباسىنىڭ تاپسىرماسى بويىنشا جىلدىق پايىزدىق مولشەرلەمەسى 2% قۇرايتىن جەڭىلدىكتى يپوتەكالىق قارىزدار ۇسىنىلاتىن بولادى. اتالمىش شارالار قر ۇكىمەتى «جەڭىلدىكتى يپوتەكانى ۇسىنۋ ەرەجەرلەرىن» بەكىتكەننەن كەيىن عانا كۇشىنە ەنەدى.
نۇر-سۇلتان قالاسىنىڭ تۇرعىنى ز. نيكيتينا ءوزىنىڭ تۇرعىن ءۇي ماسەلەسىن شەشۋدى ءوتىندى. ونىڭ 6 جاسار بالاسى وتە سيرەك كەزدەسەتىن يحتيوز اۋرۋىنا شالدىققان. بالا كۇنىنە بىرنەشە رەت جۋىنۋى قاجەت. ال جەكە ءۇي ورتالىقتاندىرىلعان سۋ جۇيەسىنە قوسىلماعان. قالا اكىمىنىڭ ورىنباسارى اۋدان اكىمدىگىنە ءتيىستى اۋماققا سۋ قۇبىرىن تارتۋ, ال مەديتسينالىق مەكەمەلەرگە بالانى قاجەتتى ءدارى-دارمەكتەرمەن قامتاماسىز ەتۋ مۇمكىندىگىن قاراستىرۋدى تاپسىردى.
ن. حاليۋلينا قابىلداۋعا مەرزىمىنەن بۇرىن تۋعان ءوز بالاسىنىڭ ءومىرىن امان ساقتاپ قالعانى ءۇشىن قالالىق №1 بالالار اۋرۋحاناسىنىڭ باس دارىگەرى لاريسا پاۆلوۆەتسكە العىسىن ءبىلدىرۋ نيەتىمەن جازىلىپتى. بالانىڭ سالماعى 730 گراممدى قۇراعان بولاتىن. اۋرۋحانادا جاتقاندا ونىڭ وكپەسى 7 اي بويى جاساندى تۇردە جەلدەتىلدى. قازىر بالا 2,4 جاستا. ول ءالى دە وڭالتۋدان وتۋدە.
زەينەتكەر يۋ. بۋدريكاس وزىنە شيپاجاي ەمىن ۇسىنۋدى سۇرادى. قىزمەت بۋراباي شيپاجايىنىڭ اۋماعىندا ورنالاسقان «قارتتار, مۇگەدەكتەر مەن مۇگەدەك بالالاردى وڭالتۋ ورتالىعى» شجق-دا كورسەتىلەدى. ول ايىنا 540 ادامدى قابىلداي الادى. مۇنداعى قىزمەت تۇرلەرىمەن 3 مىڭنان استام زەينەتكەر قامتىلادى. ال ەلوردادا تۇراتىن زەينەتكەرلەردىڭ سانى 80 مىڭنان اسادى. اعىمداعى جىلدىڭ 3 قاڭتارىنان 2019 جىلعى شيپاجايلىق ەمدى قابىلداۋعا sankur.astana.kz. سايتى ارقىلى ەلەكتروندى فورماتتا جازىلۋعا بولادى. بۇگىنگى تاڭدا ورىنداردىڭ تولىمدىلىعى قالىپتاسقان. وسىعان وراي تەك 2019 جىلدىڭ اياعىنا دەيىنگى رەزەرتىك تىزىمدەرگە جازىلۋ مۇمكىن بولىپ وتىر. ول ءۇشىن ەلەكتروندى ساندىق قولتاڭبا قاجەت.
ك. تاشمەتوۆا وزىنە جۇمىسقا ورنالاسۋعا كومەكتەسۋدى ءوتىندى. نۇر-سۇلتان اكىمدىگىنىڭ جۇمىسپەن قامتۋ ورتالىعىندا وعان ءىس جۇرگىزۋشىنىڭ بوس جۇمىس ورنى بار ەكەندىگى ايتىلىپ, قالالىق بالالار اۋرۋحاناسىنا جانە №44 ورتا مەكتەپكە جوداما بەرىلدى.
مۇنىمەن قوسا, ەلوردادا http:/www.enbek.kz/ru ەلەكتروندى ەڭبەك بيرجاسى جۇمىس ىستەيدى. پورتالدا تۇيىندەمەنى ورنالاستىرىپ, كەز كەلگەن ۋاقىتتا ۇيدەن شىقپاي-اق نارىقتاعى بوس جۇمىس ورىندارى تۋرالى اقپاراتتى الۋعا بولادى.