سەنبى, 18 تامىز 2012 7:30
قازاقستان رەسپۋبليكاسىنىڭ پروكۋراتۋرا تۋرالى زاڭىنىڭ 3-بابى 4-تارماعىندا «زاڭدا بەلگىلەنگەن نەگىز بەن ءتارتىپ بويىنشا شىعارىلعان پروكۋرورلىق قاداعالاۋ اكتىلەرى بارلىق ورگاندار, ۇيىمدار, لاۋازىمدى ادامدار مەن ازاماتتار ءۇشىن مىندەتتى دەپ كورسەتىلگەن. زاڭناماعا ءسايكەس ازاماتتار مەن ادام قۇقىقتارىن قورعاۋدا, سىبايلاس جەمقورلىققا قارسى كۇرەس جۇرگىزۋدە الماتى وبلىسىندا ۇستىمىزدەگى جىلدىڭ التى ايىندا 50 495 زاڭ بۇزۋشىلىق انىقتالىپ, 313 نارازىلىق قاناعاتتاندىرىلدى جانە 1 969 زاڭسىز اكتىلەردىڭ كۇشى جويىلدى. جاۋاپتى تۇلعالار تارتىپتىك, اكىمشىلىك جاۋاپكەرشىلىككە تارتىلدى. سوتتارمەن جالپى كولەمى 101 739 940 تەڭگەنى قۇرايتىن 13 م ۇلىكتىك ەمەس جانە 24 م ۇلىكتىك سيپاتتاعى تالاپ ارىز قاناعاتتاندىرىلدى. پروكۋرورلىق ىقپال ەتۋ اكتىلەرى نەگىزىندە بارلىعى 657 569 404 تەڭگە بولاتىن زالال ءوندىرىلىپ, پروكۋرورلىق تەكسەرۋلەر قورىتىندىسى بويىنشا 39 قىلمىستىق ءىس قوزعالدى.
سەنبى, 18 تامىز 2012 7:30
قازاقستان رەسپۋبليكاسىنىڭ پروكۋراتۋرا تۋرالى زاڭىنىڭ 3-بابى 4-تارماعىندا «زاڭدا بەلگىلەنگەن نەگىز بەن ءتارتىپ بويىنشا شىعارىلعان پروكۋرورلىق قاداعالاۋ اكتىلەرى بارلىق ورگاندار, ۇيىمدار, لاۋازىمدى ادامدار مەن ازاماتتار ءۇشىن مىندەتتى دەپ كورسەتىلگەن. زاڭناماعا ءسايكەس ازاماتتار مەن ادام قۇقىقتارىن قورعاۋدا, سىبايلاس جەمقورلىققا قارسى كۇرەس جۇرگىزۋدە الماتى وبلىسىندا ۇستىمىزدەگى جىلدىڭ التى ايىندا 50 495 زاڭ بۇزۋشىلىق انىقتالىپ, 313 نارازىلىق قاناعاتتاندىرىلدى جانە 1 969 زاڭسىز اكتىلەردىڭ كۇشى جويىلدى. جاۋاپتى تۇلعالار تارتىپتىك, اكىمشىلىك جاۋاپكەرشىلىككە تارتىلدى. سوتتارمەن جالپى كولەمى 101 739 940 تەڭگەنى قۇرايتىن 13 م ۇلىكتىك ەمەس جانە 24 م ۇلىكتىك سيپاتتاعى تالاپ ارىز قاناعاتتاندىرىلدى. پروكۋرورلىق ىقپال ەتۋ اكتىلەرى نەگىزىندە بارلىعى 657 569 404 تەڭگە بولاتىن زالال ءوندىرىلىپ, پروكۋرورلىق تەكسەرۋلەر قورىتىندىسى بويىنشا 39 قىلمىستىق ءىس قوزعالدى.
ال, ەڭبەك, زەينەتاقى تولەمدەرى جانە باسقا دا الەۋمەتتىك قۇقىقتار مەن تۇرعىن ءۇي جاعدايىندا 2 463 ازاماتتىڭ كونستيتۋتسيالىق قۇقىعىن قورعاۋ شارالارى جۇزەگە اسىرىلىپ, 94 450126 تەڭگە كولەمىندە ەڭبەكاقىنى تولەۋ قامتاماسىز ەتىلدى.
ەسكەلدى اۋدانىندا بيۋدجەت قاراجاتى ەسەبىنەن سالىنعان 70 ءپاتەرلى تۇرعىن ءۇيدى ءبولۋ كەزىندە تۇرعىن ءۇي الۋ قۇقىعىنا يە ازاماتتاردىڭ كەزەكتە تۇرعانىنا قاراماستان پاتەرلەر زاڭسىز بەرىلگەن. قازىر اتالعان اۋداننىڭ اكىمدىگى وسى پاتەرلەردى قايتا ءبولۋ ماسەلەسىمەن اينالىسۋدا. وسىعان بايلانىستى زاڭنامانى بەلىنەن باسقان تۇرعىن ءۇي-كوممۋنالدىق شارۋاشىلىعى ءبولىمىنىڭ باستىعى كوشەرباي حالىقبەرگەنوۆ سىبايلاس جەمقورلىق ارەكەتتەرى ءۇشىن قىزمەتىنەن بوساتىلدى.
جالپى, وبلىس بويىنشا «سىبايلاس جەمقورلىققا قارسى كۇرەس تۋرالى» قر زاڭىن ورەسكەل بۇزعان 38 فاكتى انىقتالدى. 32 نارازىلىق قاناعاتتاندىرىلىپ, 37 زاڭسىز اكتىنىڭ كۇشى جويىلدى. 7 قىلمىستىق ءىس قوزعالىپ, 124 ازامات تارتىپتىك جاۋاپكەرشىلىككە تارتىلدى. مىسالى, ىلە اۋداندىق ءبىلىم بەرۋ ءبولىمى باستىعىنىڭ ورىنباسارى ەربول وسپانوۆ سىبايلاس جەمقورلىققا قاتىستى ارەكەتتەرى ءۇشىن قىزمەتىنەن بوساتىلدى. سونداي-اق, كامەلەتتىك جاسقا تولماعانداردىڭ قۇقىعىن قورعاۋ تۋرالى زاڭنامالاردىڭ ورىندالۋىن قاداعالاۋ ناتيجەسىندە 4 قىلمىستىق ءىس قوزعالدى جانە 12 دەرەككە جەدەل ىزدەستىرۋ شارالارىن ۇيىمداستىرۋ تۋرالى ەكى قاۋلى شىعارىلىپ, ءناتيجەسىندە بوپسالاۋمەن اينالىسقان ەكى توپقا قۇرىق سالىندى.
بۇگىندە بالالارعا مەكتەپكە دەيىنگى تاربيە بەرۋ جانە وقىتۋدى قامتاماسىز ەتەتىن «بالاپان» باعدارلاماسى جۇزەگە اسىرىلىپ جاتىر. وسىنى تەكسەرۋ بارىسىندا بالالاردىڭ سانىن جالعان كوبەيتۋمەن, باسقا دا جولدارمەن 59 211 503 تەڭگە كولەمىندە بيۋدجەت قارجىسىن جىمقىرۋ جايتتەرى انىقتالدى. سوعان وراي التى قىلمىستىق ءىس قوزعالدى. بۇلاردان بولەك «التىنەمەل» مەملەكەتتىك ۇلتتىق تابيعات باعىن تەكسەرۋ كەزىندە تابيعات قورعاۋ زاڭنامالارىن ورەسكەل بۇزۋ جايى دا بەلگىلى بولدى. وسىعان بايلانىستى 3 597 980 تەڭگە كولەمىندە شىعىن كەلتىرگەنى ءۇشىن قر قك 176-بابى, 2-تارماعى, «ا,ب,ۆ» تارماقشالارىمەن قىلمىستىق ءىس قوزعالىپ, اۋىل شارۋاشىلىعى مينيسترلىگىنە زاڭ بۇزۋشىلىقتى جويۋ تۋرالى ۇسىنىس ەنگىزىلگەنىن دە ايتا كەتكەن ءجون.
كاسىپكەرلەردىڭ قۇقىقتارىن قورعاۋ بارىسىندا وبلىستىق پروكۋراتۋرا تاراپىنان اتقارىلعان جۇمىستارعا كەلەتىن بولساق, جىل باسىنان بەرى «بيزنەس تىرەگى» سايتىندا زاڭ بۇزۋشىلىق تۋرالى 39 ارىز تىركەلدى. ونىڭ 29-ى بويىنشا اقپارات راستالىپ, 24 كاسىپكەردىڭ قۇقىقتارى قورعالدى. مىسالى, وسى سايتقا جەكە كاسىپكەر باقىت سۇراقباەۆانىڭ مەنشىگىندەگى «جەتىسۋ» دۇكەنىنە اۋىل شارۋاشىلىعى مينيسترلىگىنىڭ سارقان اۋدانى بويىنشا وكىلى زاڭ ءتارتىبى بويىنشا تىركەلمەگەن تەكسەرۋ تاعايىنداپ, اكتىسىز تەكسەرۋ اشقانى جايلى ارىزى ءتۇسكەن ەدى. وسىعان قاتىستى سارقان اۋدانىنىڭ پروكۋراتۋراسى جۇماعالي ساتباەۆتىڭ ۇستىنەن قر اقبتك 153-بابى 1-تارماعىمەن اكىمشىلىك ءىس قوزعاپ, اۋداندىق سوتتىڭ قاۋلىسىمەن اتالعان ازاماتقا 10 ايلىق ەسەپتىك كورسەتكىش كولەمىندە ايىپپۇل سالىندى.
وبلىستىق پروكۋراتۋرا ازاماتتاردىڭ ەڭبەك قۇقىعىن قورعاۋدى قاداعالاۋ بارىسىندا دا ءوز مىندەتىنە جاۋاپكەرشىلىكپەن قاراپ كەلەدى. مىسالى, وتكەن كەزەڭ ىشىندە ەڭبەكاقى بەرەشەگى بار 13 كاسىپورىننىڭ سانى 8 كاسىپورىنعا تومەندەدى. «رەمسترويتەحنيكا» اكتسيونەرلىك قوعامى جىل باسىنان بەرى 393 ادامعا 18 152 942 تەڭگە ەڭبەكاقى بەرەشەك بولعان. تەكسەرۋ ناتيجەسىندە, كاسىپورىننىڭ كاسساسىنا 86 ميلليوننان استام قارجى تۇسكەنى, ولار وزگە شىعىستارعا جۇمسالعانى انىقتالدى. ءبىزدىڭ ۇسىنىمىزبەن ولاردىڭ ەڭبەكاقىسى تولىعىمەن ءتولەندى. جالپى, بيۋدجەت قارجىسىن جۇمساۋ جانە ونى جيناقتاۋ زاڭدىلىعىن پروكۋرورلىق قاداعالاۋ اكتىلەرىمەن 657 569 404 تەڭگەنىڭ زالالى ءوندىرىلدى.
ال, جامبىل اۋدانىنىڭ پروكۋراتۋراسى 3 131 400 تەڭگەنى قۇرايتىن بەس جەر پايدالانۋشىعا اۋىل شارۋاشىلىعى شىعىندارىن ءوندىرۋ شارالارىن قولداندى. سونداي-اق 36 جەر پايدالانۋشى مەملەكەتتەن العان جەر تەلىمدەرى ءۇشىن كەلىسىم-شارت بويىنشا جالپى قۇنى 44 415 104 تەڭگە ءتيىستى تولەمدەردى تولەمەگەن. سول ءۇشىن اۋدان پروكۋراتۋراسى اۋدان اكىمىنىڭ اتىنا زاڭ بۇزۋشىلىقتى جويۋ تۋرالى ۇسىنىس ەنگىزدى. بۇدان بولەك ىلە اۋدانىنىڭ پروكۋراتۋراسى تاراپىنان اۋداندىق سوتقا 1 775 700 تەڭگەنى قۇرايتىن اۋىل شارۋاشىلىعى شىعىندارىن ءوندىرۋ جونىندە 7 تالاپ ارىز بەرىلدى.
كولىك جولدارىن سالۋعا ءبولىنگەن بيۋدجەت قاراجاتىنىڭ جۇمسالۋىن تەكسەرۋ بارىسىندا جولدى ساپاسىز سالۋ, جوسپارلاۋ-باعالاۋ قۇجاتتارىنا سايكەس جۇمىس ىستەمەۋ فاكتىلەرى دە انىقتالدى. دەرەكتەر بويىنشا 7 سوت-قۇرىلىس ساراپتامالارى تاعايىندالدى. جەر قاتىناستارى باعىتى بويىنشا 1199 زاڭ بۇزۋشىلىقتار انىقتالىپ, 94 نارازىلىق ەنگىزىلدى, 870 زاڭسىز اكتىلەردىڭ كۇشى جويىلىپ, زاڭعا سايكەستەندىرىلدى, 101 ادام ءتارتىپتىك جاۋاپكەرشىلىككە تارتىلىپ, ەكى قىلمىستىق ءىس قوزعالدى.
قورىتا ايتقاندا, ەلباسىنىڭ قويعان تالاپتارىنا سايكەس, باس پروكۋراتۋرانىڭ القا ءماجىلىسىندە پروكۋراتۋرا ورگاندارىنا بەرىلگەن نۇسقاۋلىقتار, ياعني الەۋمەتتىك-ەكونوميكالىق سالادا ازاماتتار مەن ادام قۇقىقتارىن, بوستاندىقتارىن قورعاۋعا باعىتتالعان پروكۋرورلىق قاداعالاۋ وبلىس اۋماعىندا تولىق جۇزەگە اسىرىلۋدا.
ەرنات سىبانقۇلوۆ,
الماتى وبلىسى پروكۋرورىنىڭ
ءبىرىنشى ورىنباسارى.