- ءبىز ويلاعان نەگىزگى ءارى جوسپارلاعان نارىعىمىز قىتاي بولاتىن. بىراق بۇل ەلدە كوپتەگەن شەكتەۋلەر بار ەكەنى كوپكە ءمالىم. ءبىز ءوز ءونىمىمىزدى ەكسپورتقا شىعارۋ ءۇشىن رۇقسات الۋىمىز كەرەك. بۇل پروبلەما بارشاعا بەلگىلى, ء بىز بۇل ماسەلەگە قاتىستى ۇكىمەت باسشىسىنا دەيىن جەتتىك, ارنايى جۇمىس توبى قۇرىلدى. قازىر العا جىلجۋ بار, قىتاي تاراپى بىزدەن بىرنەشە حات الدى, ولار قر يندۋستريا جانە ينفراقۇرىلىمدىق دامۋ جانە دەنساۋلىق ساقتاۋ مينيسترلىگى تاراپىنان جولداندى. بۇيىرتسا, ء بىر جىل ىشىندە رۇقسات الامىز دەگەن ۇمىتتەمىز. ەكىنشى ماسەلە, بۇل رەسەي نارىعىنا قاتىستى. قازىرگى كەزدە ماسكەۋدەگى «گلوبۋس گۋرمە», دۇكەندەر جەلىسىنە شىعا باستادىق, جۋىردا ءبىزدىڭ ءونىم «ميراتورگ» دۇكەندەرىنىڭ سورەلەرىندە پايدا بولادى, جالپى ءبىز ماسكەۋدەن باستادىق. ءبىزدى رەسەي تەلەارنالارىنداعى بىرقاتار مەديتسينالىق حابارلارعا, توك-شوۋلارعا شاقىرا باستادى. جۋىردا «ەۆروۆيدەنيە» جوباسىنىڭ جۇرگىزۋشىلەرى ءبىزدىڭ برەند بەلگىلەنگەن مايكالارمەن شىعادى. بۇل بىزگە سەنىم بىلدىرگەن جانە ساۋدا بەلگىسىن ىلگەرلەتۋگە كۇش سالىپ جاتقان رەسەيلىك سەرىكتەستەرىمىزدىڭ ارقاسى. سونىمەن قاتار, گونكونگ نارىعىنىڭ بولاشاعى زور ءۇمىت كۇتتىرەدى. سەبەبى, بارشا قىتاي گونكونگ نارىعىنا كوز تىگىپ وتىر جانە وندا جاڭا ءونىم پايدا بولعان كەزدە قىتاي تاراپىنان ساتىپ الۋ كورسەتكىشى ارتادى. ەستەرىڭىزدە بولسا, 2008 جىلى ساپاسىز بالالار تاعامىنان قىتايدا ۋلانۋ جاعدايلارى تىركەلىپ, بالالار ءولىمى بولعان كەزدە قىتاي تاراپىنان گونكونگتاعى بالالار تاۋارلارىنا دەگەن سۇرانىس ارتقان بولاتىن. قازىر ءبىز وندا العاشقى پارتيانى دايىنداپ وتىرمىز جانە 2019 جىلدىڭ مامىرىندا ارنايى ۇشاقپەن جونەلتەمىز دەگەن جوسپارىمىز بار. گونكونگتا ء بىزدىڭ سەرىكتەسىمىز بار, «سالاۋاتتى ءونىم وداعى» دەپ اتالادى جانە ولار تازا تابيعي ءونىم شىعاراتىن ءبىز ءۇشىن ماڭىزدى ءارى قولايلى.
- ءيا, بۇل ءبىر ەرەكشە اتاپ وتەتىن ءجايت, ءبىزدىڭ كومپانيا جانە جەكە مەن ءوزىم 2019 جىلدىڭ باسىندا كاليفورنيانىڭ اناحاين قالاسىنداعى حالىقارالىق كورمەگە قاتىسىپ قايتتىم. بۇل الەمدەگى ورگانيكالىق جانە تابيعي ونىمدەر جونىندەگى ەڭ ءىرى كورمە بولىپ تابىلادى. ء بىر ايتا كەتەرى بۇل تەك بىرەگەي بيزنەس قاۋىمداستىعىنا ارنالعان كورمە, وندا قاراپايىم قاتىسۋشىلار كىرە بەرمەيدى, سەبەبى ءبىر ادامعا ارنالعان بيلەت قۇنىنىڭ ءوزى $995 بولدى. وندا 300 استام كومپانيانىڭ 500 استاموكىلىنە ءدام تاتقىزدىق. قازىر ولار كۇن سايىن حات جولداپ, كلينيكالىق زەرتتەۋلەردىڭ ناتيجەسىن, قۇندىلىعى مەن پايداسى تۋرالى بىرقاتار قۇجاتتاردى سۇراۋدا جانە ءوز شتاتتارىندا ساۋمال ساۋداسىمەن اينالىسقىسى كەلەتىندەرىن جەتكىزۋدە. ولاردىڭ ىشىندە ەكى كومپانيا الدىن الا تاپسىرىس بەرىپ ۇلگەردى, قازىر ءبىز ءونىمنىڭ ەتيكەتكاسىن اۋىستىرۋدامىز, سەبەبى اقش ءۇشىن اعىلشىن تىلىندە جازىلعان بولەك تاڭبا بولادى جانە بۇل ءونىمنىڭ تەز ساتىلۋىنا مۇمكىندىك بەرەدى. ال, قازىرگى قىتاي جازبالارىنان ولار كەرىسىنشە, بارىنشا اۋلاق بولۋعا تىرىسادى. سوندىقتان, 2019 جىلدىڭ ءۇشىنشى توقسانىندا ءبىزدىڭ ساۋمال امەريكاندىق دۇكەندەردىڭ سورەلەرىندە پايدا بولادى دەگەن سەنىمدەمىز. قازىر ءبىز ءتيىستى قۇجاتتاردى دايىنداۋدامىز جانە اراداعى ماسەلەلەر قىتايدان قاراعاندا جىلدام شەشىلۋدە.
- قىزىعۋشىلىق, سۇرانىس وتە جوعارى. وندا كورمە قاتىسۋشىلارى مەن قوناقتارى بىرىنەن كەيىن ءبىرى كەزەككە تۇرىپ, ساۋمالدىڭ ءدامىن تاتۋمەن بولدى. قازىر ءبىزدىڭ ءونىم «قورعاس» كەدەن بەكەتىندەگى حالىقارالىق ىسكەرلىك ىنتاماقاستىق ورتالىعىندا ساۋداعا شىعارىلۋدا.
-ء يا, 2019 جىلدىڭ قاڭتاردا بەرليندە «جاسىل اپتا- 2019» ءوتتى. قازىرگى كەزدە نەمىس كومپانيالارى دا بەرلەسىپ جۇمىس ىستەۋگە ءازىر. اراداعى بايلانىستى نىعايتۋ بويىنشا قازاقستاننىڭ گەرمانياداعى ەلشىسى بولات نۇسىپوۆ قاتار اينالىسۋدا. ونىڭ ۇستىنە گەرمانيادا ءبىزدىڭ سەرىكتەسىمىز بار, فەرماسىندا 400 استام جىلقىسى بار, كوپكە تانىمال گانس تسولمان جانە كوسمەتيكامەن اينالىساتىن وزگە كومپانيالار. جالپى ەۋروپادا بيە ءسۇتىنىڭ وندىرىسىمەن 30 استام كومپانيا اينالىسادى. جۋىردا ولاردىڭ العاشقى لەگى بىزگە كەلەتىن بولادى, سەبەبى كەيىنگى كەزدەرى ولاردا ءسۇت تاپشىلىعى سەزىلۋدە.
- ءبىزدىڭ Amazon الاڭىندا ىستەپ جاتقانىمىزعا جارتى جىلداي بولدى. بىراق, بۇل جايىندا تەك قازىر عانا حابارلاپ وتىرمىز. سەبەبى, ەڭ الدىمەن جاڭا ساۋدا بەلگىسىن امەريكاندىقتار قالاي قابىلدايتىنىن, جاڭا ءونىم ولارعا قالاي اسەر ەتەتىنىن ايقىنداپ العىمىز كەلدى. الايدا, قازىر ناتيجەسى وتە جاقسى, كۇن سايىن ساۋدا كولەمى ۇلعايىپ كەلەدى, ولار ءۇشىن جىلقى ءسۇتى ۇيرەنشىكتى تاۋار بولماعاندىقتان, سونىمەن قاتار ءدىني سەنىمدەرىنە ساي كەلمەگەنىمەن ەشقانداي قايشىلىقتار بايقالمايدى. مىسالى, تاياۋ شىعىس ەلدەرىندە مىندەتتى تۇردە «حالال» سەرتيفيكاتى تالاپ ەتىلەدى. ال, امەريكاندىقتار ءۇشىن بۇل تۇرعىدا ءبارىبىر, سەبەبى ولار ءۇشىن باستىسى تابيعي ءارى تازا ءونىم بولسا بولدى. ونىڭ ۇستىنە ولار ءوز اعزالارىن ءارتۇرلى بيولوگيالىق بەلسەندى قوسپالارمەن قامتاماسىز ەتۋگە اۋەس. سوندىقتان, بىزگە Amazon وتە قولايلى الاڭ بولىپ وتىر. سەبەبى, بولاشاق ونلاين ساۋدانىڭ ەنشىسىندە جانە ءبىز وندا ءساتتى ءارى ۋاقىتىندا ەنىپ وتىرمىز, ونىڭ ۇستىنە ءبىز وندا قارقىندى ساۋدا بولادى دەپ ويلاعان جوقپىز. ال, جىل سوڭىندا ناقتى دەرەكتەر كەلتىرەمىز دەگەن ويدامىز.
- ءيا, ءبىز عىلىم قورىنىڭ جوبانى كوممەرتسيالاندىرۋ جونىندەگى گرانتىن جەڭىپ العان بولاتىنبىز. ءبىز جوعارىداعى ۋنيۆەرسيتەت عالىمدارىمەن بىرگە ساۋمالدىڭ كاپسۋلاداعى ءتۇرىن جاساپ, ونى العاش امەريكاعا الىپ باردىق. ياعني, بۇل ساۋمال قوسىلعان «ساۋمەت» اتالاتىن مەتوبيوتيك بولىپ تابىلادى. ال, بۇل ونىمگە قىزىعۋشىلىق وتە جوعارى بولدى, سەبەبى ونى قازىرگى قۇرعاق ساۋمال سياقتى ەرىتىپ, ستاكانعا قۇيىپ ءىشۋدىڭ قاجەتى جوق, تەك تاڭەرتەڭ ەكى كاپسۋلا قابىلداسا بولعانى. بۇل دامگە سەزىمتال, سۇتكە كىشكەنتايىنان اۋەس ەمەستەر ءۇشىن وتە قولايلى. قازىر ءبىز بۇل ءونىمدى قازاقستان نارىعىنا ازىرلەپ جاتىرمىز جانە الدا امەريكالىق نارىقتى تەز جاۋلايدى دەگەن سەنىمدەمىز.
- ءبىز بيە سۇتىمەن بىرگە, سۋبليماتسيا ءادىسى بويىنشا قۇرعاتىلعان تۇيە ءسۇتىنىڭ ءوندىرىسىن جولعا قويدىق. قازىرگى كەزدە الەمدە تۇيە ءسۇتىنىڭ تانىمالدىلىعى جوعارى, شەت ەلدىكتەر تاراپىنان وعان دەگەن سۇرانىس بار. قازاقستاندا, اسىرەسە ماڭعىستاۋ, قىزىلوردا, اتىراۋ وڭىرلەرىندە تۇيە وتە كوپ جانە ولار بىزگە جەتكىزىپ بەرۋگە دايىن. سوندىقتان, ءبىز «Saubota» برەندىن قاتار شىعارۋدى باستادىق. مىسالى, ساۋمالدىڭ قۇرامىن جانە ونىڭ تاريحىن كوپ ءتۇسىندىرۋ كەرەك بولسا, تۇيە ءسۇتى تاياۋ شىعىستا, ەۋروپادا جاقسى تانىلىپ ۇلگەرگەن جانە اقش نارىعىندا بىرقاتار وندىرۋشىلەر بار. سوندىقتان, ەكى بىردەي برەندپەن ەكسپورتقا شىعۋ جوسپارلانىپ وتىر. ال ونىڭ الەۋمەتتىك پايداسى وراسان بولادى, مىسالى ءاربىر وڭىردەگى شارۋالار بىزگە بيە نەمەسە تۇيە ءسۇتىن تۇراقتى تۇردە وتكىزىپ, ءونىم ەكسپورتقا شىعىپ جاتسا, ودان تەك بارشاعا كىرىس كەلەتىنى انىق. قازىردە ءبىز الماتى وبلىسىنداعى «داۋلەت-بەكەت» تۇيە شارۋاشىلىعىمەن جۇمىس ىستەپ كەلەمىز, الدا وزگە ايماقتاردى قامتيمىز. ايتا كەتەرى, ءبىز شيكى ءسۇتتى ءوزىمىز الىپ كەتەمىز, ەڭ باستىسى بۇنىڭ ءبارى شارۋالار ءۇشىن ءتيىمدى بولادى.
- قازىر 1000 باستان استام بيە ساۋىپ وتىرمىز جانە 1000 بيەنىڭ سۇتىن سىرتتان قابىلداۋدامىز. ءبىز جىلقى باسىن ارتتىرمايمىز. سەبەبى, قازىرگى تەحنولوگيامىزدىڭ مۇمكىندىگى شەكتەۋلى. سوندىقتان, ونىڭ كولەمىن ارتتىرۋ ءۇشىن قوسىمشا قارجىلاندىرۋ ماسەلەسىن شەشۋىمىز كەرەك. قازىر مەملەكەتتەن, «قازاگروقارجى» جانە «اگرارلىق نەسيە كورپوراتسياسى» تاراپىنان قولداۋ كۇتۋدەمىز. جالپى قازىر جىلىنا 30 توننا قۇرعاتىلعان ساۋمال ەكسپورتتالدى, الدا 20 توننا قۇرعاتىلعان تۇيە ءسۇتىن جانە 500 مىڭ كاپسۋلا ەكسپورتتاۋ جوسپاردا تۇر. الدا اقش, ەۋروپامەن بىرگە ءباا, ومان, باحرەين, ساۋد ارابياسىنا جانە قىتايعا شىعۋ جوسپاردا تۇر.