«تۇركىستان وبلىسىنداعى سۇمدىق وقيعانى ەستىگەندە قينالماعان ادام بولماعان شىعار. بەيكۇنا سابيلەردىڭ مۇنشالىقتى قورلىق كورۋى ايتۋعا اۋىز بارمايتىن ادامشىلىققا جات كورىنىستەر. سوندىقتان «Nur Otan» پارتياسى بۇل وقيعانى دەرەۋ نازارعا الىپ, قاجەتتى شارالاردى باستادى», - دەدى م.اشىمباەۆ.
ونىڭ اتاپ وتۋىنشە, پارتيا جانىنان قۇرىلعان بالالار قۇقىعىن قورعاۋ جونىندەگى رەسپۋبليكالىق كەڭەس شۇعىل ىسكە كىرىسىپ, ءمان-جايدى انىقتاۋ جۇمىستارىن باستاپ كەتتى. كەڭەس توراعاسىنىڭ ورىنباسارى دينارا زاكيەۆاعا جانە پارتيانىڭ وبلىستىق فيليالىنا ءتيىستى تاپسىرمالار بەرىلدى.
«قاجەت بولسا پارتيا تەرگەۋ جۇمىستارىنا دا كومەكتەسۋگە دايىن. ءبىز كىنالىنىڭ زاڭ اياسىندا جازاعا تارتىلۋى ءۇشىن بارلىق شارالاردى قولعا الامىز. جالپى مۇنداي وزبىرلىقپەن بۇكىل قوعام بولىپ كۇرەسۋىمىز كەرەك. سوندىقتان ءار ازامات وسىنداي وقيعالارعا بەي-جاي قاراماي ءوز ءۇنىن قوسسا دەيمىن. بالا قۇقىعىن تاپتاپ, ەلدىڭ بولاشاعىن تۇنشىقتىرۋعا ەشكىمنىڭ قۇقىعى جوق. ءار بالا باقىتتى بولۋعا لايىق. سوندىقتان پارتيا بۇل ءىستى اياقسىز قالدىرماي, سوڭىنا دەيىن قاتاڭ قوعامدىق باقىلاۋدا ۇستايدى», - دەپ اتاپ وتەدى ول.
وسىدان كەيىن تۇركىستان وبلىستىق پوليتسيا دەپارتامەنتى اتالعان وقيعاعا قاتىستى تەرگەۋ شارالارى باستالعانىن مالىمدەدى.
ىشكى ىستەر ءمينيسترى ەرلان تۇرعىمباەۆ تا بۇل ماسەلەنى ءوز باقىلاۋىنا العانى بەلگىلى بولدى.