ديماش قۇدايبەرگەنوۆ مەملەكەت باسشىسى قاسىم-جومارت توقاەۆقا العىس ءبىلدىردى.
ءانشى ءوزىنىڭ Instagram پاراقشاسىندا «ىقىلاس, نيەتىڭىز ءۇشىن, اسا زور قۇرمەتىڭىز ءۇشىن كوپ راحمەت, قاسىم-جومارت كەمەل ۇلى» دەپ جازدى.
ەسكە سالا كەتەيىك, مەملەكەت باسشىسى Instagram پاراقشاسىندا ديماش قۇدايبەرگەن تۋرالى جازبا قالدىرعان بولاتىن.
«ديماش قۇدايبەرگەن – ءان ونەرىندەگى قۇبىلىس, ناعىز تالانت يەسى. قازاقتىڭ مادەنيەتىن, ءان ونەرىن شارتاراپقا پاش ەتىپ جۇرگەن ۆيرتۋوز. كەشە قازاقتىڭ ماقتانىشىنا وزبەكستان جۇرتشىلىعى دا ءتانتى بولىپ, ونەرىنە قول سوقتى. ديماشتىڭ ءالى تالاي بيىكتەردى باعىندىرارىنا سەنىمدىمىن جانە تىلەكتەسپىن», – دەدى قاسىم-جومارت توقاەۆ.