ەسكە سالايىق, 26 ناۋرىز بەن 26 مامىر ارالىعىندا ەلوردادا جالپىقالالىق «نۇر-سۇلتان – تازا ءارى قاۋىپسىز قالا» اكتسياسى وتكىزىلەدى. ونىڭ اياسىندا قالانىڭ بارلىق اۋداندارىندا اۋماقتى سانيتارلىق تازالاۋ, اباتتاندىرۋ جانە كوگالداندىرۋ شارالارى جۇرگىزىلمەك. سەنبىلىكتەر 20 ءساۋىر مەن 11 مامىر ارالىعىندا وتكىزىلەتىن بولادى.
20 ساۋىردە قالالىق جانە رەسپۋبليكالىق ورگاندار مەن ۇيىمداردىڭ قاتىسۋىمەن اعاشتاردى وتىرعىزۋ ناۋقانى وتەدى دەپ جوسپارلانۋدا. جالپىلاي العاندا, اعاشتاردىڭ 1665 تالى ەگىلمەك. بۇدان بولەك, گازونداردى رەتكە كەلتىرۋ, اعاشتاردى اقتاۋ جانە بەلگىلەنبەگەن جەرلەردە قالىپتاسقان قوقىس ورىندارىن جويۋ جۇمىستارى جۇرگىزىلەدى.
ەكولوگيالىق اكتسياعا 100 مىڭنان استام ادام قاتىسادى دەپ كۇتىلۋدە.
جالپىقالالىق «نۇر-سۇلتان – تازا ءارى قاۋىپسىز قالا» اكتسياسىنىڭ باسىنان ەلوردالىق كاسىپورىندار, پيك جانە كوممۋنالدىق قىزمەتتەرى قوقىستىڭ 1299,15 تونناسىن جيناپ, قالا سىرتىنا شىعاردى.