ورتالىقتا مۇگەدەك جاندار مەن ولاردىڭ وتباسى مۇشەلەرى بىرگە بولا الادى. وبلىس اكىمى ورتالىقتىڭ تۇراقتى باسشىسى ءارى «قازاقستاننىڭ ەڭبەك ەرى» قۇرالاي بايمەنوۆامەن جانە ونداعى قىزمەتكەرلەرمەن تىلدەسىپ, مەملەكەتتىك الەۋمەتتىك تاپسىرىستار اياسىنداعى ماتەريالدىق-تەحنيكالىق بازاسىمەن, كورسەتىلەتىن قىزمەتتەرمەن تانىستى.
قازىرگى ۋاقىتتا «اقتوبە قالالىق سال اۋرۋىنا شالدىققان ازاماتتاردى قولداۋ ورتالىعى» جانىندا قوعامدىق قابىلداۋ, الەۋمەتتىك قىزمەت ءبولىمى, مۇگەدەكتەردىڭ بەلسەندى وڭالۋىنا ارنالعان كابينەت, ەرىكتىلەر كلۋبى جانە مۇگەدەك اربالارىن جوندەۋ قىزمەتى, تىگىن تسەحى جۇمىس جاسايدى. «ينۆا-تاكسي» قىزمەتى 2005 جىلدان بەرى جۇزەگە اسقان. اۆتوپاركتە 8 اۆتوكولىك بولسا, ونىڭ 3-ءۋى مامانداندىرىلعان كوتەرگىشتەرمەن جابدىقتالعان. «ينۆا-تاكسي» كۇنىنە 40-60 ازاماتقا قىزمەت كورسەتەدى.
وبلىس اكىمىمەن اڭگىمەلەسۋ بارىسىندا قۇرالاي بايمەنوۆا كەڭ عيمارات نەمەسە بولمە قاجەتتىگى جايلى ءوتىنىشىن جەتكىزدى.
وڭداسىن ورازالين ۋاكىلەتتى مەملەكەتتىك ورگاندارعا وسى ماسەلەنى زەردەلەۋدى تاپسىردى.
«عيمارات تارلىق ەتسە, ۇسىنىسىڭىز ورىندى, ونى كەڭەيتۋ قاجەت»,- دەدى وبلىس باسشىسى.
ايماق باسشىسىنىڭ بۇل ساپارى قۇرالاي بايمەنوۆانىڭ تۋعان كۇنىمەن تۇسپا-تۇس كەلگەندىكتەن, وبلىس اكىمى قوعام بەلسەندىسىن قۇتتىقتاپ, وعان دەنساۋلىق, جۇمىستا ساتتىلىك تىلەدى. سونداي-اق, ەستەلىك سىيلىقتارىن تابىستادى.