ەۋروپا قايتا قۇرۋ جانە دامۋ بانكىنىڭ (ەقدب) قازاقستان بويىنشا ديرەكتورى مايكل ۆاينستين جامبىل وبلىسىنا كەلدى. ونىمەن بىرگە بانكتىڭ استانا وكىلدىگىنىڭ باسشىسى جانە ەقدب ونەركاسىپ سەكتورىنىڭ اديۋنكت بانكيرى بولدى.
ساپار بارىسىندا بانك پەن اكىمدىك اراسىنداعى كەلەشەكتەگى ىسكەرلىك مۇمكىندىكتەر قارالدى. اتاپ ايتقاندا, اگروونەركاسىپ پەن ەنەرگەتيكا, جاڭا قۋات كوزدەرى مەن ونىڭ تيىمدىلىگىن ارتتىرۋ بويىنشا جوبالار قاراستىرىلدى. سونداي-اق, كوممۋنالدىق شارۋاشىلىق, ءوندىرۋ سالاسىندا ينفراقۇرىلىمداردى دامىتۋ, جەڭىل جانە اۋىر ماشينە جاساۋ, قايتا وڭدەۋ, جەڭىل جانە تاماق ونەركاسىبى, قۇرىلىس پەن تۋريستىك سالاداعى جوبالار دا نازارعا الىندى.
ديرەكتور اتالعان سالالار بويىنشا ينۆەستيتسيالىق جوبالارعا بانكتىڭ قاتىسۋ باعىتتارى جونىندە اقپارات بەرىپ, وبلىس اكىمدىگى ۇسىنعان جوبالاردى قارجىلاندىرۋ مۇمكىندىكتەرىن قاراستىرۋعا دايىن ەكەندىگىن جەتكىزدى. كەزدەسۋ قورىتىندىسى بويىنشا وبلىس اكىمى قانات بوزىمباەۆ پەن ەقدب-نىڭ قازاقستان بويىنشا ديرەكتورى مايكل ۆاينستين ساپار حاتتاماسىنا قول قويدى.
جامبىل وبلىسى.
كوسەمالى ساتتىباي ۇلى.