تۇركىستاننىڭ كىرە بەرىس قاقپاسىن قالامەن جالعاپ جاتقان, ۇزىندىعى 5 شاقىرىمدى قۇرايتىن بەكزات ساتتارحانوۆ داڭعىلىن 6 جولاقتى ەتىپ كەڭەيتۋ جۇمىستارى باستالدى. بۇل تۋرالى تۇركىستان وبلىسى اكىمىنىڭ ءباسپاسوز قىزمەتى حابارلادى.
2019 جىلدىڭ ناۋرىزدىڭ سوڭعى كۇندەرى باستالعان جولدى كەڭەيتۋ جۇمىستارى ەكى كەزەڭ بويىنشا جۇرگىزىلەدى. ءبىرىنشى كەزەڭدە 3 شاقىرىم جول كەڭەيتىلىپ, شىلدە ايىنىڭ سوڭىندا پايدالانۋعا بەرىلەدى, ال ەكىنشى كەزەڭدە قالعان 2 شاقىرىمى كەڭەيتىلەتىن بولادى. بۇل جۇمىستاردىڭ بارىسىندا جولدىڭ ەنى 18 مەترگە كەڭەيتىلەدى. جول قۇرىلىس جۇمىستارىن جۇرگىزەتىن «دورستروي» فيرماسىمەن قوسالقى مەردىگەر «اقجول» جشس-ءى. جالپى ب.ساتتارحانوۆ داڭعىلىن كەڭەيتۋ جۇمىستارىن اعىمداعى جىلدىڭ قازان ايىندا اياقتاپ, ەل يگىلىگىنە بەرۋ جوسپارلانعان.
سونىمەن قاتار تۇركىستاننىڭ باس جوسپارى مەن جول كەڭەيتۋ جۇمىستارىنا سايكەس ب.ساتتارحانوۆ داڭعىلىنىڭ بويىنداعى, بىرنەشە كاسىپكەرلىك نىساندار مەن تۇرعىن ۇيلەر مەملەكەت مۇقتاجدىعى ءۇشىن الىناتىن بولادى.